طالب أدبى يستفسر بخصوص الجيولوجيا

[zain said]

اهلا يا جماعة اولا مبروك لكل الناجحين ان شاء الله ثانيا عاوز اطمن من ناحية الجيولوجيا
انا فى 2 كنت واخد تاريخ وجبت فيه 45 (مع العلم انا مستوايا كويس جدا فى الحفظ والفهم) لكن الرياضة لاء طبعا
انا عاوز اعرف ممكن اقفل الجيولوجيا ولا صعب انى اقفلها وعاوز اعرف كمان هى فيها شبه من الكيميا فى المعادلات والحجات دى ؟؟
بالله عليكم طمنونى يا جماعة عشان انا محبط اوى ومش عارف اقضى اجازة ولا اعمل حاجة
شكرا

[zain said]

علفكرة الناس اللى بتدخل تقرا وتطلع انتو مش هتخسرو حاجة لو تردوا عليا بالعكس انتو هتعيرحو قلبى وتزيحو هموم وشوفو بقى اللى بيفرج على مسلم هم من هموم الدنيا

[mostafa_gamal2]

الجيولوجيا مختلفة تماما عن الكمياء وفى اجزاء كبيرة منها حفظ خاصة فى علوم البئية ..لكن الجيولويحا عايزة تركيز لانك هتسمع الفاظ غريبة شوية لكن واحدة واحدة هتتعود..نصيحة ذهبية زاكر من اول يوم وخاصة الجيويلوجيا لانها ساعة الامتحان بتبقا متعبة نفسيا ..
اما من ناحية التقفيل فاعتقد انها مش صعبة ولا سهلة السنة دى كانت الامتحان زى الزفت والحمد لله جبت 47 من50 لانى لامم مادتى كويس اعتقد انك لو زكرت كويس احتمال كبير تقفلها مع انى فى حاجات ممكن توقعك فلازم تحل كتيييييير .واعتقد ان امتحان السنة اللى جااية هيبقى اسهل ..وربنا يوفقك...

[mostafa_gamal2]

واى سوال انا فى الخدمة ..ومزعلش من الاعضاء لانهم مشغولين بالتنسيق ..تحياتى,,

[السيد السيد حسن]

على فكره الجيولوجيا ماده جميله جداااااا ومحتاجه فهم وحفظ مع بعض وخصوصا فى علوم البيئه وهيه مختلفه تماما عن الكيمياء او بمعنى اصح مفيش علاقه بينهم ومش فيها معادلات بس هيه محتاجه مذاكره يمكن هيه اكتر ماده اللى لازم تأكد عليها وتذاكرها من اول يوم ومش معنى كده انك تسيب الباقى بس معنى اصح انك لازم تركز عليها هيه اولاااااااااا لان فيها حاجات توقع كتير ولكن مع حل الامتحانات والتركيز بتبئه جميله جدا وهيه 4 ابواب علوم بيئه 7 جيولوجيا بس احنا ساعتها لغوا اخر باب فى الجيولوجيا فمعرفش بصراحه سهل ولالا ولكن متقلقش كل حاجه بتعدى وانا جيبت فيها 48 الحمدلله

[عادل فراج]

المادة عايزة فهم لانها مادة علمية ومادة سهلة للانسان الا تفكير علمى شوية
ومعظمها تعريفات وسهلة جدا
المهم الا يوصل المادة مذكرة مع حل امتحانات

[عادل فراج]

لا يوجد امتحانات الدور الثانى جيولوجيا2011