رسالة للوزير بخصوص تغير المسمى الوظيفي س وج للي مش بيفهم

[المجدد]

رسالة لوزير التربية والتعليم بالعند في بطانة العقم الفكري



العقول الحجرية لن تطور التعليم بل تطور متحف الشمع بالله عليكم وزير ما بعد الثورة يتحكم فيه مستشارين في منتهى العقم والغباء الإداري يصلحوا لوزارة التموين ومعهم وزير مرتعش يخشى منهم يخاف يسمع إليهم يحركوه كما الهواء



مشكلة تغير المسمى الوظيفي للمعليمن الجدد الغلابة اللي قعدوا فوق العشر سنوات بعد التخرج عشان يلاقوا وظيفة في 2006 او 2008 في التربية والتعليم وبدل ما يعينوهم زي زمان قالوا لأ ابتكار جديد

عقد معلم مساعد واختبار ثلاث سنوات او اكثر انت وحظك قلنا ماشي نستحمل رغم ان زمان كان بيتعينوا وهما دور تاني

اي سي دي أل حاضر

دبلوم تربوي للي مش تربية حاضر

وعلى فكرة مش هنعينكم على مؤهلكم عشان ما فيش عجز هنعينكم ابتدائي وإلا فلا

ذل

اهانة الحاجة والعوز والرغبة في الاستقرار جعلنا نتجرع الذل ونرضى بعقد على وظيفة غير وظيفتنا على هذا عقد هل هذا شريعة هل هذا عدل هل يجوز تخيرني بين أمران كلاهما مر

ما علينا

قلنا نستحمل يمكن تيجي فرصة في يوم من الايام نثبت حقنا وان لازم المسمى الوظيفي يتعدل من ابتدائي إلا اعدادي ومن معلم فصل إلا مدرس مادة والله العظيم مش تقليل في ابتدائي بس ما ينفعش اكون صيدلي وتعملني دكتور جراح وم ينفعش تخليني دكتور اطفال غصب عني وعن مؤهلي ودراستي هل كده انا بقلل من دكتور الاطفال وأوعى تقولى انت عايز تروح اعدادي عشان الدروس لأ لأنك لو ليك في التعليم هتعرف ان اللي بيقول ريان يا فجل في ابتدائي بيدي دروس لو عايز مع اعترافي ايضا ان معلمي ابتدائي لديهم من الصبر والطاقة اضعاف ما املك

وكمان زمان كانوا بيرفضوا نقل المعلم من مرحلة لمرحلة بسبب ان المرتب مختلف بين المراحل وبالتالي هناك سبب مالي دلوقتي المشكلة ديه مش موجوده لأن المعلمين الجدد كلهم مرتب واحد بالقرش والسحتوت



طيب اختبار الكادر نعمل فيه ايه انت امتحنت على ابتدائي على اساس ان اختبار الكادر قرأن لا يتغير وعلى اساس اخر ان اختبار الكادر اجتهاد ومعلومات وثقافة ده تهريج والمليون معلم عارفين كده واولهم الوزير بس ما علينا خالينا وراكم اعمل اختبار تاني على مؤهلنا الحقيقي

طيب انتوا لو عدلنا لكم هيحصل عجز رهيب في الابتدائي

لا

مش هيحصل بسيطة أو ابسطهالك ؟؟؟؟!

عدل المسمى واعمل لنا انتداب على ابتدائي ويتم نقلنا على فترة زمنية مدتها سنتان حتى لا يحد عجز

ايه رأيك يا وزير كل الحجج بتاعت مستشاريك جيبت ليها حل بس مين يفكر ومين يقرر ومين عنده جراءة الفعل



سيدي الوزير الكرة في ملعيك الأن يا تحل يا تتحل عن سمانا وتتكل تشوفلك مكان تاني






غدا ثورة غضب المعلمين الساعة 10 صباحا 19 يوليو

[mhegazi]

الله المستعان
وان شاء الله بكرة ناخد القرار

[محمد فيثاغورس]

موعدنا غدا ان شاء الله

[heronet2500]

باذن الله موعدنا غدا

[meslmat]

الا ان الصبح لقريب

[عاطف عبدالظاهر]

إن غدا لناظره قريب

[حازم الغزالى]

يا ريت محدش يتاخر الا لغزر قهرى