برضو لسه مش مصدقين التثبيت؟؟؟؟؟حاجة غريبة

[John.thmith]

انا مصوره بالمحمول والحمد لله انى تمكنت وعملت كدا
اما عن الجماعة اللى شاكين فى نفسهم
دول بأه معاهم ربنا وان شاء الله يهديهم
بس معذورين مش قادرين يتحملوا المفاجأة
وبرضوا كمان علشان متعودوش على كده
وأنا شخصيا عذرتهم لان الحكومة مشفناش منها خير قبل كدا
بس ياخوانا من غير حلف الكلام ده اكيد وعقبال باقى المحافظات
بس انا خايف ممكن بعض المحافظات تسمع بالتثبيت يروحوا المتعاقدين يموتوا من المفاجأة

[كابتن محمد فوزى]

فيييييييييييييييييييين يا معلم!!!!!!!!!!!!!
معاك والحمد للة
طيب الباقى مش مصدق

[John.thmith]

واحد مجنون ورث مليون جنيه
اهله راحو للدكتور وقالوله معانا واحد ورث مليون ج بس مخه تعبان وخايفين نقوله يموت فيها
الدكتور قالهم هاتوه وانا هتعامل معاه بالتدريج
فراح له فسأله الدكتور قاله لو لقيت جنيه تعمل بيه ايه ؟ قاله عادى هاخده
قاله طيب لو كان 1000 جنيه ؟ قاله هاخد جزء وأوزع الباقى ع الغلابه
قاله تصور روحت البيت لقيت نفسك ورثت مليون جنيه؟ قاله هاديك نصهم
الدكتور مااااااااااات

[solom620]

الحقيقة انت اسمك مايطمنش

اسمك ما يدلش على انك مدرس أزهرى

بل فى تقديرى انا الشخصى ومن وجهة نظرى انا أستبعد تماما انك مدرس أساسا لا أزهرى ولا غير أزهرى

ومتزعلش منى

[Mr. Sami]

عادي الراجل عايش... بلاش

[Step By Step]

[مستر / وائل الفايد]

[IMG]file:///C:/DOCUME%7E1/WAELEL%7E1/LOCALS%7E1/Temp/moz-screenshot.png[/IMG]

[الاستاذ احمد الجندى]

هو القرار انت بس اللى شفته ف الجمهوريه ولو مصوره بالمحمول كنت رفعته ع المنتدى
كفاياكم كدب بقى

[sherifkhattab]

ياعم John.thmith انت محسسنى ان التثبيت دا حاجة يعنى مفيش بعد كدة...ياعم دا هما 370 جنية بعد 5 سنين ذل واهانة فى الازهر...لعلمك انا بندم اشد الندم انى اشتغلت فى الازهر وفى اقرب فرصة ان شاء الله تعالى حسيبه.لان دون مجاملات موسسة مليئة بالفشل والاحباط .

[أستاذ/ياسر]

متى يتم تثبيت باقى المحافظات وتثبيت متعاقدى الازهر بها أم أن الازهر والتنظيم والادارة اكتفوا بتثبيت 3 محافظات فقط ؟

[John.thmith]

المشاركة الأصلية كتبت بواسطة solom620

الحقيقة انت اسمك مايطمنش

اسمك ما يدلش على انك مدرس أزهرى

بل فى تقديرى انا الشخصى ومن وجهة نظرى انا أستبعد تماما انك مدرس أساسا لا أزهرى ولا غير أزهرى

ومتزعلش منى

شوف ياسمك ايه انت
اولا ماسمحلكش بالكلام اللى قلته
ثانيا يأزهرى يأصيل مايصحش تقول ع الناس كدا
ثالثا انا متأكد من كلامى وانت حر تصدق او لا دى مش مشكلتى
رابعا انت معقد وبصوتك ده التثبيت مش هيتم ف باقى المحافظات
خامسا ده الاسم الوحيد اللى قدرت اسجل بيه فى المنتدى
سادسا تحية للمتفائلين وياريت المتشائمين امثالك يهوونا يمكن بعدكم ربنا يكرمنا ونتثبت
عايز حاجة تانى؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟

[John.thmith]

المشاركة الأصلية كتبت بواسطة احمدسعدالدين

هو القرار انت بس اللى شفته ف الجمهوريه ولو مصوره بالمحمول كنت رفعته ع المنتدى
كفاياكم كدب بقى

انت طبعا بتقوللى بطل كدب وتلاقيك كنت محبوس مع مسيلمة الكذاب 7 سنين

[emadomda]

المشاركة الأصلية كتبت بواسطة sherifkhattab

ياعم john.thmith انت محسسنى ان التثبيت دا حاجة يعنى مفيش بعد كدة...ياعم دا هما 370 جنية بعد 5 سنين ذل واهانة فى الازهر...لعلمك انا بندم اشد الندم انى اشتغلت فى الازهر وفى اقرب فرصة ان شاء الله تعالى حسيبه.لان دون مجاملات موسسة مليئة بالفشل والاحباط .

يا عم شريف سيبك من الأزهر وروح اشتغل عند سعفان احسن

[ostaz_yasser83]

بص الاخوة بتوع الاقصر من بلد الشيخ بيقولوا ايه حسبى الله ونعم الوكيل

الملك النائم عضو جديد

هام وعاجل للمتعاقدين اخر اخبار التثبيت الحقيقى</STRONG>

بسم الله الرحمن الرحيم

الاخوة المتعاقدون

تحية طيبة وبعد

اولا : اقسم لكم هذا ما حصل
اتجهنا 28 فرد الى الدكتور احمد الطيب فى منزله بالاقصر ( ساحة الطيب ) يوم الجمعة و قد قابلناه و عرفنا كل شىء حقيقى عن موضوعالتثبيت و هذه خلاصة ما حصل
1- لم يتم تثبيت اى متعاقد فى الازهر الى الان
2-انه خاطب وزير المالية السابق( سمير رضوان ) فى موضوع تثبيت متعاقدى الازهر وقد ابلغه وزير المالية ان اعداد الازهر كبيرة جدا ولن يستطيع تثبيت كل هذا العدد
3- اقترح الدكتور احمد تثبيت دفعتين وهم 2005 و 2006 حتى يطمئن باقى المتعاقدين فى بقية الدفع و يجدد التعاقد لباقى الدفع ورد عليه الدكتور سير رضوان ان هذا الام سوف يستفرق شهرين ثم بعد الضغط على سمير رضوان قال له هنشوف ممكن نقدر نعمل ايه بعد اسبوع وهرد عليك فى امكن والا مفيش لو فى كان بها لو مفيش جدد العقود تانى
4- تم اقالة الدكتور سمير رضوان بالامس ( وضاع معه وعده لشيخ الازهر )
5- الدكتور احمد قال بالحرف الواحد انه لم يتم تثبيت اى متعاقد فى الازهر الى الان و عن الشائعات التى تنتشر كل يوم فى الجرائد والازاعات عن تثبيت متعاقدى الازهر قال بالحرف الواحد انا مش مسئول عن اى تصريح لا يخرج على لسانى و لو حصل و كان فى تثبيت انا اول واحد هعلن الخبر فى كل مصر لان دا شىء اتشرف به
6- ردا على احد الزملاء فى سؤال موجه للدكتور احمد ان متعاقدى الازهر سوف يقومون بعما اضراب عن التجديد فى حالة عدم التثبيت رد بالحرف الواحد بصراحة مش عارف اقلكم ايه هوا حقكم بس مقدرش اقلكم حاجة و انا والله متضامن معاكم و عارف ان فيه ظلم واقع عليكم

خلاصة الكلام ان الاخوة اللى بيقولوا فيه تثبيت و بيجيبوا ورق غير صحيح ارجو منهم عدم اللعب بمشاعرنا لاننا فهمنا الحقيقة كاملة و ذلك لعدة اسباب
الاول : لو كان فى تثبيت اصلا كان صدر قرار عام و له صيغة معلومة لدى الجميع و له رقم و على الاقل كان وصل لجميع المناطق
الثانى : ان يس الشيخ حينما قال ان الاسماء سوف تعلن فى جريدة الازهر الخاصه به
الثالث : كان شيخ الازهر فعلا عمل مؤتمر اعلن فيه التثبيت
طيب اسؤال اللى بيطرح الان ليه الازهر عمل الكذب والخدع دى ؟
الاجابة واضحة زى الشمس الازهر كل اللى يهمه الان هو الانتهاء من جميع اعمال الامتحانات و بعد كدا اخبطوا راسكم فى الحيط

الحل

الحل انه لابد من تنظيم اكبر اعتصام للمطالبة بحقوقنا و اظن انتم رايتم ماذا فعل شباب الثورة فى الايام اللى فاتت بس الوقفات لابد ان تكون صحيحة يعنى اما جهاز التنظيم والادارة و جهاز التنمية الادارية و كمان المناطق بتعتنا
لابدللجميع ان يشارك لانه ليس هناك ما نبكى عليه
ملحوظة هامة : هناك بعض من الاعضاء من العاملين فى الازهر مسجلين هنا باسماء وهمية للحد من الاعتصامات و لفض التجمعات و هى مهمتم الاولى وانا اعرف ناسى شغالة فى منطقتنا موجودين هنا للمتابعة و نقل الاخبار
ارجو الرد بعقل وعدم الاستعجال فى الرد و التدقيق فى كل كلمة واى واحد مشككك فى نقلى للحوار او اللقاء اللى تم انا هقله كلمة وحدة بس هات عكس الكلام و انا نفسى هصدقك
وشكر لحضراتكم

الملك النائم متعاقد 2005