بدون زعل ما اسم دروسك؟!!!!!!!!!

[aleman]

السلام عليكم
العنوان غريب شوية انا عارفة
بس والله فكرة خطرت فى بالى
ما اسم دروسك؟
القصة هى كالاتى:
سمعت وانا بالتصحيح هذا العام مدرسين بيتكلموا مع مدرسة وبيقولولها اخبار العيادة ايه؟
قالت ليهم كويسه
قالولها لسه بمكانها ب........
قالت لهم ايوة وهى هتروح فين لو عندكوا واحد عيان ابعتوه لاتبخلوا على اختكم
المهم المدرسة مشت من هنا والمدرسين قعدوا يتكلموا عن العيادة والعدد اللى فيها
انا بقى بحسن نية قولت اكيد المدرسة دى بتشتغل بعدالعصر او بليل بعيادة لتحسن مستواها المادى
المهم عدا حبة وقت ولقيت كل مدرس يدخل يقولوله ايه اخبار العيادة والعناية المركزة وغرفة العمليات والرأس بقيت بكام


قولت ايه ده؟ كل التربية والتعليم بتشتغل بعد العصر او بليل دكاترة ولا ايه

اخر اليوم بقى فهمت كل حاجةةةةةةةة
العيادة اى الدرس الخصوصى
العناية المركزة اى ولد او بنت عنده ملحق بمادة
اما بقى العمليات الولد اللى طالع بملاحق بكذا مادة
والرأس أى الطالب المحترم

والله الكلام ده حقيقى

ادخلوا قوللنا بقى اسماء الدروس الخصوصية بباقى المحافظات ايه؟ وهل ليها اسماء اخرى بالاسكندرية عندنا؟

[احمد رضا2]

فى الفيوم
اسمها العياده برده
واضح ان حضرتك طيبة قوى

[احمد رضا2]

اعتقد ان الاسم ده فى كل المحافظات

[eslamic]

لا مفيش عندنا الكلام دا في الشرقية انا من يوم ما اشتغلت ماسمعتش الكلمة دي خالص
هيا معروفة دروس عادي

[بلال نصر]

المؤسسة
المصلحة

[الاستاذ محمود حميد]

معرفش في قنا يمكن ملهاش اسم
خلاص نسميها المستوصف
علشان هي بأجر رمزي الحصة بجنية وده معروف في قنا

[المريسي]

سنتر !!!!!!!!!!!!!!!!

[محمد السويركى]

كان زمان فيه مثل عندنا على لسان المدرس بيقول
من دخل حجرتى نجح فى مادتى
هى حاليا عندنا فى البلد رسميا اسمها مجموعات التقوية .. بس بين الاولاد والبنات هى دروس وملهاش مسمى غير كده

[aleman]

المشاركة الأصلية كتبت بواسطة بلال نصر

المؤسسة
المصلحة

مصطلح جديد والله

[aleman]

المشاركة الأصلية كتبت بواسطة محمد السويركى

كان زمان فيه مثل عندنا على لسان المدرس بيقول
من دخل حجرتى نجح فى مادتى
هى حاليا عندنا فى البلد رسميا اسمها مجموعات التقوية .. بس بين الاولاد والبنات هى دروس وملهاش مسمى غير كده

وبالاسكندرية لها نوع يسمى كده برده مجموعات تقوية
وهى الدروس التى يشتغلها المعلم او المعلمة بالمدرسة ولو جت متابعة يقلب الدرس لمجموعة مدرسية (مجموعه تقوية)

[aleman]

[quote=المريسي;3692628]سنتر !!!!!!!!!!!!!!!![/

بالاسكندرية عندنا سنتر تعليمى زى مجموعات التقوية كده بسعر رمزى ويكون بجمعية خيرية مثلا او جمعية اهليةquote]

[quote=مدرس علي ما تفرج;3692549]معرفش في قنا يمكن ملهاش اسم
خلاص نسميها المستوصف
علشان هي بأجر رمزي الحصة بجنية وده معروف في قنا[/
الحصة بجنيه بجد؟
ده كده يبقى بجد جزاكم الله خير
انا اعرف ناس بتاخد من الطالب 50ج كل 4حصص بمجموعة مكونة من15 طالب!!!quote]

[quote=eslamic;3691638]لا مفيش عندنا الكلام دا في الشرقية انا من يوم ما اشتغلت ماسمعتش الكلمة دي خالص
هيا معروفة دروس عادي[/
للاسف يا مستر
عندنا بالاسكندرية اسمها العيادة وادينا اهو بنعرف الاسماء الاخرى ليهاquote]

المشاركة الأصلية كتبت بواسطة احمد رضا2

فى الفيوم
اسمها العياده برده
واضح ان حضرتك طيبة قوى

مشكورين للمرور

[ايهاب90]

بجد حلوة خالص حكاية العيادة دى
عندنا فى أسيوط ملهاش اسم

[أحمد علي]

في القاهرة عندنا أسمها السيكو سيكو

[الأستاذ أحمد راشد]

الاسماعيلية

العيادة

ونفس الكلام

[aleman]

[quote=أحمد علي;3857032]في القاهرة عندنا أسمها السيكو سيكو[/

جديدة دى
مشكور للمرورquote]

المشاركة الأصلية كتبت بواسطة الأستاذ أحمد راشد

الاسماعيلية

العيادة

ونفس الكلام

مشكور للمرور


بس والله بجد فى مدرسين ومدرسات مسوقين سمعه المعلم بالدروس الاجبارية والكلام ده
لذا نحن كفئة الناس بتبص لينا علطول لوجود اكثر من مصدر لنا
مع العلم ان فينا كتير لا يعطى دروس
وانا منهم والحمد لله
والاخرين بيدوا دروس لمواكبه مظاهر الحياة والمعيشة
وكذكر مثال:
انا عندى بالمدرسة معلم لغة عربية
خلاص اتعود ان فى الشهر بيطلع له فوق ال1500ج من الدروس
لانه معلم تعيين جديد زيى
بس خلاص اخد على كده
فى الصيف بقى بيبقى لا حول ولا قوة له
ولقد رزقه الله بطفل من كام شهر
وينتظر بفروغ الصبر عودة المدارس لتبدأ العيادة فى استقبال الزبائن
ربنا يكرم الجميع