قلنا مرارا قلتوا بطلوا اشاعات هاتخدوا حافز الاثابة 200%يا جماعة قلنا من زمان مفيش فاي

[عبدالحليم احمد عبد الحليم]

يا جماعة قلنا من زمان مفيش فايدة الاخ الاستاذ / فتحى وبعض الاخوة صدقوا نفسهم وعيشونا فى الوهم حتى اخذت الوزارة اللى ليها عندنا وهى الثانوية العامة ملاحظة وتصحيح
لو قلتلكوا ايه اللى حصل لينا فى مدينة 6 اكتوبر اثناء التصحيح هتصدقوا كلامى
انا مدرس علم نفس وكنا اخر ناس بنصحح رؤساء اللجان فى المدينة رايحين جايين ربنا يقويكو يا رجالة رنا معاكم
وبعد ما نتهينا طلعوا عين ابونا واللى جابونا علشان ناخد الاخلاء
نفس اللى حصل من وزارة المالية والاستاذ فتحى ( رغم انه مالوش ذنب ) ( مش عارف له ولا مالوش )
المهم نايمونا حتى انتهت الثانوية العامة وقالو للمدرسيين باى باى حافز الاثابة وطظ فيكوا يا معلمين


على فكره انا ما شافتش فئة مهنية اخدت حقها الا بالاعتصام شرطة - كهرباء - اطباء وغيرهم
اما المعلمين دى فئة مستأنسة اقل كلمة ترضيهم وعلهش اصلى البلد الظروف
واحنا بقى بنصدقهم عارفين ليه
علشان احنا كلنا عايزين نقبض فلوس ومرتبات بدون تعب
الله يرحم يوم 17 / 4 / 2011
يوم ما تفقنا على الاعتصام امام المديريات التربية والتعليم بكل محافظة
يومها رحت ولقيت نفسى لوحدى وشبعت تريقة م اللى رايح واللى جاى
وعتصم امام مبنى الوزارة فى نفس اليوم 155 معلم وصفهم ساعتها الوزير الهمام بتاعنا بانهم شوية شرزمة وحشرات وبلطجية لانهم اقلية والاغلبية من المعلمين الشرفاء قاعدين فى بيوتهم راضيين بحالهم
بكره الاسعار لما تولع ابقى روح قول للوزير انا قعدت فى البيت ولم اعتصم زودنى بقى 5 جنيه على المرتب تساعدنى على المعيشة زى الشحاتيين بالضبط

المهم يا سادة خليكوا كده اوعوا تعتصموا اصلى انت بقى الفئة المتعلمة المتحضرة اللى يهمها البلد والامان
هههههههههههههههه

انا عن نفسى سأعمل فى الوزراة التعبانة على قد فلوسهم وعلى فكرة هتكون نفسى راضية ساشرح داخل الفصل على قد مرتبهم ساراعى عملى على قد مرتبهم ساراقب العيال داخل اللجان على قد مرتبهم
وسلملى بقى على الوزارة ومعلمينها ومرتباتهم

[moohammed]

قلنا ان فتحى من كائنات الفلول ومن المندسين ومحدش صدق

[elwaseem]

يا اخى لو فيه رجاله من المدرسين ما كنشى ده بقى حالنا احنا والله لا نستحق كلمة رجل لاننا بالفعل غير ذلك
ولاكن كل ما أحب أن أقوله لا شرح ولا تعليم فى المدارس علشان الوزير الهمام ينبسط ونحقق لهم مطالبهم بانتشار الغباء والجهل
وعلى العموم من حسنى مبارك لشرف وحبيبه سمير رضوان يا قلب لا تحزن
لا تعليم بعد اليوم

[مصطفى محجوب ثابت محمد]

و آه يا معلم يا معلم آه يا معلم يا معلم
و لسه ده بكده هيطلع كثير من المدرسين مديونين لأنه طبقا للخبر اللى فى اليوم السابع أقل مدرس بياخد 208 % ( 83% مكافئة + 25 % حافز + 50 % بدل معلم + 50% نسبته من الكادر للدرجة الثالثة % ) يبقوا هيخصموا من كل المدرسين لتحقيق العداله الاجتماعية!!!!!!!!!!!!!!! زغردى يا اللى انتى مش سمعانا ........ضحكوا علينا فى الدرجات و قالوا الكادر أحسن و ما فيش حد أدنى و مافيش حافز اثابة و لغوا الكادر و كمان المكافئة....تحيا الثورة أهو ده التعليم و لا بلاش.......لولولولولولولولولوليا

[sobhy333]

فتحى باين اخدوه فى التشكيل الوزارى اللى تم لانه اثبت جادرة فى خدمة المعلمين ووزع على كل واحد منهم قرص مخدر

[ashraf_mhh]

الله الله الله الله الله الله الله الله الله الله الله الله
الله الله الله الله الله الله الله الله الله
الله الله الله الله الله الله
الله الله الله
الله

[محمد حسين الشربينى]

من قال ؛استغفر الله الذي لا اله الا هو الحي القيوم واتوب اليه ,,غفر له

[سيف سالم]

الخطوة الأولى إن كل مدرس يمتنع عن قبض مرتب شهر 7 طالما خلا من الزيادات التى قررها القانون

الخطوة الثانية الامتناع عن المراقبة والتصحيح لامتحانات الدور الثانى لكافة المراحل

الخطوة الثالثة والأخيرة الاضراب الشامل فى بداية العام الدراسى ولا عودة إلا بتطبيق حدأدنى يتفق عليه معملو و إداريو التربية والتعليم معا

المطالبة بإلغاء خابور الكادر ومساوتنابحكم القانون بموظفى الدولة فى كل شىء وإلغاء لفظ وزارة خدمية من قاموس التربية والتعليم


ويكون فى علم كل واحد فى وزارة التربية والتعليم لو لم نتحد معا من معلمين وإداريين سوف تضيع كل الحقوق

[YaserTrboush]

هناك عدم وضوح وضبابية في الرؤية بالنسبة لتطبيق حوافز ال 200 % على المعلمين وكيف ستراعى خصوصية تلك المهنة الشائكة التي يتكبد المعلم بها الكثير من الأعباء ويصاب بسببها بكثير من الأمراض من أول الضغط والسكر إلى الإصابة بالدوالي وأمراض الجهاز التنفسي
يكلف المعلم باعمال إضافية تتعدى أوقات العمل الرسمية في أيام الامتحانات ويوضع فيها المعلم... تحت تصرف المدرسة وكأنه سجينها إلى أن ينهى أعمال الامتحانات ويصرف في مقابلها مكافأة امتحانات و تصرفها الجامعة مقابل أعمال الامتحانات والتي تصرف حوافز ال200 % أيضا فهل سنعامل بالمثل أم أن الأمور تصعد ضد المعلمين ولا يلتفت إليهم ويزيدون الضغط عليهم من جميع الاتجاهات
فمع ما عندنا من احتقان أصلا لإيقاف الدرجات الوظيفية منذ 2009 للمعلمين فقط دون موظفي الدولة و رغم التصريح عدة مرات بأنها ستصدر وآخرها في شهر يونيو الماضي إلا أنها لم تصدر إلى الآن
وينص قانون الكادر على أن نستفيد كمعلمين من أي زيادة تصرف لموظفي الدولة فنقول لهم :-
حافظوا على المعلمين فيجب أن يتوفر للمعلم ما يكفيه ليتفرغ لطلب العلم والبحث عن كل جديد في مجال التربية وهذا هو السبيل الوحيد لتطوير حقيقي وليس شكلي للتعليم ونريد المعاملة بالمثل مع مايحقق للأطباء الآن كأصحاب كادر خاص مثلنا

[wahsh2008]

من قال ؛استغفر الله الذي لا اله الا هو الحي القيوم واتوب اليه ,,غفر له

[د.عبدالله محمود]

والله فعلا اللي اختشوا ماتوا .. اللي اختشوا يثوروا ماتوا جوعا وبقوا فى قعر المخله .. واضح ان الحكومه في كل أمورها بدون ضغط لاتستجيب .. لابد من التظاهر .. لابد من الاعتصام .. لابد من الضغط وبشده .. أخواني معلمي مصر .. كونوا يدا واحدة .. لا تتخاذلوا في المطالبة بحقوقكم .. أيعقل هذا ما يمنحنا إياه المخلوع من تمييز للمعلم تمنعه حكومة ما بعد الثورة .. أحكومة ثورة أم حكومة فلول .. خيبهم الله كما ألحقوا بنا الخزي

[sadq]

صفر*1500000=صفر

[توفيق رفعت عجيز]

كالعاده هنحس بالظلم ونتكلم كتير وفي النهاية شد وجذب ولن نفعل شيء

[ayman asyoty]

يا اخى لو فيه رجاله من المدرسين ما كنشى ده بقى حالنا احنا والله لا نستحق كلمة رجل لاننا بالفعل غير ذلك صفر*1500000=صفر

[مصطفى محجوب ثابت محمد]

الاضراب هو الحل