الى الاستا ذ خالد غباشى لا نريد مسيو ايهاب مشرفا لمعلمى الازهر

[mahmoad222]

اولا اسلوب الحوار الذى يستخدمه السيد ايهاب مع اعضاء المنتدى لا يليق ابدا لان المنتدى به مدرسين افاضل اكبر منه سنا وخبره فكيف يشكل نفسه وصى على الازهر ويصف الازهر الشريف بالمؤسسة الفاشلة وانا متأكد ان كثير من الاعضاء ليس فقط فى قسم الازهر بل فى قسم التربية والتعليم فى حالة استياء شديد من اسلوب مسيو ايهاب فى الحوار ولا يريدونه اصلا حتى عضو فى المنتدى
يعنى ايه تحذير الى كل اعضاء المنتدى عيب الكلام ده احنا ناس كبيره فضلنا على المعاش سنوات قليلة ومسيو ايهاب من دور عيالنا
الهم بلغت الهم فاشهد

[ahmed_ahmed2011]

سبحان الله عليك يا استاذ محمد

ولا كلمة من كلامك تدل علي انك اكثر خبرة من مسيو ايهاب ( شوف كلامك عيب كله علي بعضه )

هي كلمة متعاقد بقيت عيب ...... عجبي !!!!!!!

كتير من المتعاقدين أفضل من ناس كتير مثبتين

مع كامل الاحترام للمثبتين الافاضل الذي نجلهم ونحترمهم ( خاصة الاستاذ سعيد كمثال )

مسيو ايهاب من افضل المشرفين حتى لو فيه عليه بعض الملاحظات

لانه بشر مش ملاك وكلنا بشر ولنا اخطاء

يقول الامام الشافعى رحمه الله تعالى

ياواعظا للناس عما انت فاعله

يامن يعد عليه العمر بالنفس

احفظ لشيبك من عيب يدنسه

ان البياض قليل الحمل للد

كحامل لثياب الناس يغسلها

وثوبه غارق فى الرجس والنجس

تبغى النجاة ولم تملك طريقتها

ان السفينة لا تجرى على اليبس

ركوبك النعش ينسيك الركوب على

ما كنت تركب من بغل ومن فرس

[martinhobby]

أستاذ محمد عيب الكلام دة تعرف لو انتة هتتعين اليومين دول عمرك مكنتش شفت تعيين لان التعيين بعقد اليومين دول بالتقدير والممتازين واوائل الدفع فقط هما اللى بيتعينوا انما خريجى الابتدائية والمضممومين اللى زيك اتعينوا فى فوضى التعيينات وهما اساسا مبيفهموش حاجة متزعلش لانك لو كنت بتفهم مكنتش قلت عقد وقلم رصاص خلى اللى زيك يداروا احسن عشان فية زيك كتير فضايح فى المعاهد الازهرية ممكن يا استاذ محمد تقولى انتة خريج اية واتعينت ضم ولا كوسة

[ابو جنه2011]

المسيو يجماعة مش غلطان الرجل بيحارب قلة الادب فى المنتدى لازم كلنا نساعدة وبيسهر على الشغل فى هذا المنتدى انا بقرالة مشاركات قبل الفجر وهذا يدل على انة بيتعب لازم كلنا نساعدة وبعدين هوة اية اللى جايلة من كدة ..
وتقبلو مرورى.

[ناصر65]

عفواااا
اسلوب الموضوع غير لائـــــق

النقد البناء هو نقد الفعل وليس الشخص

[emadomda]

[QUOTE=ناصر65;3674579]عفواااا
اسلوب الموضوع غير لائـــــق

[b]النقد البناء هو نقد الفعل وليس الشخص


اتفق مع هذا الرأى

[محمد حسين الشربينى]

الموضوع غير لائـــــق
الموضوع غير لائـــــق
الموضوع غير لائـــــق

[mahmoad222]

اولا انا اسف على موضوع التفرقة بين المدرس المتعاقد والمدرس المثبت لانه لايوجد فرق والاخوة المتعاقدين على راسنا من فوق وعلى فكرة احنا فى المعهد لانفرق بين مدرس متعاقد ولا ادارى ولا عامل كلنل سواسية واسرة واحدة ولكن مسيوا يهاب فى مشاركته الاخيرة اسلوبه فى معاملة الاعضاء لا يليق ففيهم ناس من سن والديه وكلمة تحذير غير لائقة بالمرة وايضا لا يليق ان يصف الازهر بالمؤسسة الفاشلة وعلى كل حال سأقوم بتعديل المشاركة حتى لا يزعل احد

[النسر المصرى]

احزف يعم الهتر ده


والله عيب عليكو

[السيد أبو مروان]

الموضوع اخذ منحى شخصي بين الاعضاء
فيه كلام غير لائق من الطرفين سواء الكبير او الصغير
عفوا هذا الكلام لا يليق

[مستر/ عبدالكريم على]

صراحة انا ابايع المسيو ايهاب الراجل مناضل ورجل بمعنى الكلمة وشغله كويس

[الاستاذة نجلاء علي]

استاذي الفاضل الأستاذ محمود
موضوع الاشراف ليس له علاقه اطلاقا بموضوع السن أو التعيين بل هو موضوع تكليفي و مجهود يقوم به أساتذه افاضل يتعبون و يسهرون لجعل المنتدي في صورة لائقة و حتي لا يشعر احد منا بالاستياء من بعض المشاركات الخارجة اذا هم قائمون علي خدمة المنتدي و خدمة اعضائة فيجب علينا جميعا أن نشكرهم علي هذا المجهود و ليس معني ذلك ان المشرفين هم أفضل الموجودين بالمنتدي
اما موضوع اللهجة الشديدة من المسيو ايهاب فليست موجهه الينا بل هي موجهه للأعضاء المخالفين فقط و لنعذره في ذلك لان أحيانا تجد بعض المشاركات تشعرنا بالضيق و الغضب و ان كنت ارجوه ان حدثت مخالفة من عضو ترسل له رساله انذار و بعدها ايقاف لمده معينه و هكذا بدلا من هذا الاسلوب القاسي فارجوه لايعتبر هذا تدخلا في اختصاصاته
و لكن ليس له عذر في موضوع ان يقول علي الازهر مؤسسه فاشله و أقول له شيئا واحدا لو وجد بعض الأشخاص المسلمين يفعلون اشياءا مشينه هل نعيب الاسلام أم نعيب انتساب هؤلاء الأشخاص للاسلام فالأزهر لا يعيبنا بل نحن اللذين نعيب الأزهر اذا فعلنا مايسيئ للأزهر
و موضوع القلم الرصاص يا أستاذي فان شاء الله بيحضرولنا الأقلام الجاف عن قريب ان شاء الله و ستسمع اخبار قريبه عن تثبيتنا و انا عارفه ان حضرتك و باقي زملائنا المعينين سيسعدون بذلك كثيرا
اعذرني ان كنت طولت في الكلام
و اخيرا انا آسفه اني اقول لحضرتك من فقد أعصابه خسر قضيته فاعذرني في كل كلمه كتبتها و علي فكرة انا أيضا متعاقدة و لكن هذا لايعيبني بل هي كانت سياسة حكومة في مدة زمنية نحن تعايشناها
و جزاك الله خيرا و بارك الله فيك

[محمودقنديل]

الاستاذ ايهاب حول المنتدي الي هجوم علي شيخ الازهر والازهر بسبب موضوع شخصي له وهو التثبيت ونسي كل شئ الا التثبيت

[الاستاذة نجلاء علي]

المشاركة الأصلية كتبت بواسطة mahmoad222

اولا اسلوب الحوار الذى يستخدمه السيد ايهاب مع اعضاء المنتدى لا يليق ابدا لان المنتدى به مدرسين افاضل اكبر منه سنا وخبره فكيف يشكل نفسه وصى على الازهر ويصف الازهر الشريف بالمؤسسة الفاشلة وانا متأكد ان كثير من الاعضاء ليس فقط فى قسم الازهر بل فى قسم التربية والتعليم فى حالة استياء شديد من اسلوب مسيو ايهاب فى الحوار ولا يريدونه اصلا حتى عضو فى المنتدى
يعنى ايه تحذير الى كل اعضاء المنتدى عيب الكلام ده احنا ناس كبيره فضلنا على المعاش سنوات قليلة ومسيو ايهاب من دور عيالنا
الهم بلغت الهم فاشهد

جزاك الله خيرا علي التعديل و بارك الله فيك

[الكسائى]

لم هذا السجال الذى لا يجدى