اول مرتب لى بدايه التعيين

[احمدالفطاطرى]

1- 281
2- 280
3- 205
4- 205
5- 351
6- 390
7- 330
8- 331
9- 679
ده مرتبى بالترتيب من بدايه استلام العمل بتاريخ 1 / 9 / 2010
المكافات :
1 - 151 من الاساسى
2 - 350 قرار المجلس العسكرى لكل العاملين فى الدوله
مكافاه الامتحانات لم تصل بعد وتوجد اقوال انها
1600 فقط
وانا اتبع اداره شرق مدينه نصر التعليمية بالقاهره
واعمل معلم تربيه رياضية
وعندما حاولت ان اعرف موقفى الوظيفى هل انا تعاقد او مكافاه او بالحصه او بسد العجز او مميز قالو لى بنفس اللفظ انت ليس لديك عندنا اى عقد فقلت لهم اذاً ماذا اعمل لديكم ؟ (جزمجى) ضحكوا قليلاً ثم قالو انت وقعت على اقرار بالعمل لدينا فقط وشكراً نلقكم بعد الفاصل ؟؟؟؟؟؟؟؟؟؟؟؟؟؟؟

[Mr/Ali Aswan]

انا مش فاهم حاجه خانص

[محمد السويركى]

وانت عارف نفسك انك ايه؟

[زياد الشلقامى]

طب ادفع مرتب شهر سبعة اللى لسة مختوش لو حد عرف انت شغال ايه من كلاامك ده

[امجد7007]

احمد الفطاطرى يعنى هيكون شغال ايه؟؟
اكيد رجل اعمال طالما المرتب جه فى الاخر وصل 679

[احمد رضا2]

طبعا شغال فطاطرى
معلهش انا بهزر
يا راجل دى حاجة تجنن

[mohamaha33]

يا بخت يعنى على بتوع ال105 مش بيزيدوا ولا جنية

[الأستاذه أمل]

ازاى يعنى679 وانت مش عارف بتشتغل ايه
بالمناسبه انت صحيح مدرس تعيين جديد اصل احنا اتعينا ومش بناخد كدا ههههههههههههههه

[nadanaceer]

العقد المميز اول مرتب له بيعد 310

[احمدالفطاطرى]

السلام عليكم اخوانى
اولاً : ارجو من سيادتكم احترام الحوار وعدم التطول كما تعودتم
ثانياً : الى مش فاهم دى حاجه ترجعله وبعدين الاخ الى بيتريق على لقبى الله يسمحك
وبعدين فيه ناس كانت طلبه تعرف المرتبات فى بعض الادارات وخاصة القاهرة
وفعلاً إخر مرتب اتحصلت عليه 679 جنيه وعلى فكره انا معايا أستاذ تانى تربيه رياضية فى نفس المدرسة وأخد المرتب
بتاعه 351 جنيه فى نفس الشهر ده ولم سألت السكرتيره عن الزياده المفاجاه دى للمرتب قالت متسالش وإحمد ربنه وعلى فكره المدرس الى معايا دى تالت سنه ليه .

[M.Ahmed Elsaid]

بالتوفيق يا استاذ احمد وربنا يبارك لك فى رزقك يارب

بس هل معنى كدا ان دا الحد الادنى ولا ايه ؟؟

ياريت بس تسأل لنا عن الموضوع دا

[Sir/Mahmoud]

هههههههههههههههههههههههههههههههههههههههه
انا شغال بقالى 6 سنين ومرتبى 340 جنية فقط لا غير
حطهم فى جيبك وسكتم بكتم
هههههههههههههههههههههههههههههههههههههههه
بالنسبة للحد الادنى يا استاذ احمد اولا مافيش اى دليل على ان الكشوف بتتعمل
ثانيا لو هيزيد الشهر دة السكرتير استحالة يعرف يعمل كشف بيه لانه مش هيبقى عارف توزيع الفلوس دى على ايه حوافز ولا مكافات ولا ولا ولا
ثالثا لو فيه زيادة للحد الادنى كان اتكلم عليهم عصام صيام النهارده فى كلمته

انا لله وانا اليه راجعون

[أستاذ الكمبيوتر]

يا اخوانا بالراحة على الراجل شوية
من الواضح ان القفزة الجامدة الجامدة دي الظاهر والله اعلم
انها فروق عن شهور سابقة ولا حاجة

وما تزعلش يا استاذ احمد ان زمايلك بيهزروا معاك

بس هنعمل ايه ما احنا لو مضحكناش هنموت من اللى احنا شايفينه

وتحياتي للجميع ......

[meslmat]

وما تزعلش يا استاذ احمد ا

[امجد7007]

المشاركة الأصلية كتبت بواسطة احمدالفطاطرى

السلام عليكم اخوانى
اولاً : ارجو من سيادتكم احترام الحوار وعدم التطول كما تعودتم
ثانياً : الى مش فاهم دى حاجه ترجعله وبعدين الاخ الى بيتريق على لقبى الله يسمحك
وبعدين فيه ناس كانت طلبه تعرف المرتبات فى بعض الادارات وخاصة القاهرة
وفعلاً إخر مرتب اتحصلت عليه 679 جنيه وعلى فكره انا معايا أستاذ تانى تربيه رياضية فى نفس المدرسة وأخد المرتب
بتاعه 351 جنيه فى نفس الشهر ده ولم سألت السكرتيره عن الزياده المفاجاه دى للمرتب قالت متسالش وإحمد ربنه وعلى فكره المدرس الى معايا دى تالت سنه ليه .

استاذى الفاضل الاستاذ احمد تحية خاصة لك
اولا احنا مش بنتريق ولا حاجه ممكن نكون هرجنا معاك فى حدود المقبول وعليك قبول ذلك من زملائك فى المنتدى ولو زعلان حقك عليا ياعم بس اصل انت بتقول كلام غريب ومفيش مدرس تعيين جديد فى مصر اخد 679 وبتقول زميلك زيك واخد 351 يعنى فرق بينك وبينه 300 جنيه هل ده يعقل؟؟
لكن لو دول فروق شهور ذى ما بيقول استاذ الكمبيوتر يبقى لازم تقول عشان نفهم كده وهل تقبل ان المرتب يزيد الزياده الكبيره دى من غير ماتفهم جم ازاى يعنى مثلا لو الشهر القادم السكرتير قبضك 105 جنيه برضه هتاخدهم من غير ماتسأل؟؟؟