اقسم برب العزة الموضوع عاجل و هام و خطير جدا

[الملك النائم]

تم الاتصال الان خلال دقائق سابقة باحد المقربين للدكتور احمد محمد الطيب شيخ الازهر بسؤاله عن التثبيت قال ان الدكتور احمد قال بالحرف الواحد الى الان لم يتم تثبيت اى متعاقد فى اى منطقة واننى متضامن معكم وقال بالحرف الواحد و اقسم بالله قال ذلك ( اعملوا اعتصامات امام مناطقكم وامام المشيخة و خليكوا رجالة و متكونش ساعة و ساعتين خلوها يوم ويومين و تلاتة و اللى يقدر يجيب حد من اهله يجيب ووصلوا صوتكم لكل الناس لان الظاهر الناس دى بتلعب )
و اقسم برب العزة هذا ما حصل و بسؤال الاستاذ المصرح بذلك قال ان الدكتور احمد زعلان جدا و ان السبب هو التنظيم والادارة و التنمية الادارية و انه ليس لديه دخل فى موضوع التثبيت و انه متضامن مع المتعاقدين بس انتو وصلوا صوتكم ) انتهى الكلام
والان بعد ما سمعنا هذا الكلام و بعد ما رايناه من كذب المسؤلين لا يوجد لدينا سوى الاعتصام التام
اناشدكم باسم الاخوة و باسم الرجولة و الكرامة كونوا على قل رجل واحد لا بديل عن الاعتصام اتركوا السلبية التى رجعت بينا الى الوراء و خافوا على انفسكم و كونوا ايجابيين
الى الاخوة ابناء قنا وابناء الاقصر سوف نلازم مناطقنا الازهرية ولان نتركها الا بالتثبيت لانه حقنا ولاننا ابناء هذا البلد و اننا لسنا درجة تانيه ومن حقنا التثبيت
و الى الاخوة الممعتصمين بالغربية و المنصورة اكرمكم الله و ثبت خطاكم و كونوا اخوانا و سوف ينصركم الله نصرا كبير باذنه ان شاء الله

[مسيو إيهاب]

أنا لا أصدق أن شيخ الأزهر يدعو إلى التظاهر

[الملك النائم]

والله هذا ماحصل واقسم بالله دا نص المكالمة

[فاروق ابوعيانه]

سمك لبن تمر هندى
نصدق مين ونكدب مين
كل يوم خبر ونقيضه

[سلم]

ان الدكتور احمد زعلان جدا و ان السبب هو التنظيم والادارة و التنمية الادارية و انه ليس لديه دخل فى موضوع التثبيت و انه متضامن مع المتعاقدين بس انتو وصلوا صوتكم ) انتهى الكلام
ــــــــــــــــــــــــــــــــــــــــــــــــــ ـــــــــــــــــــــــــــــــــــــ
طيب ازاى انا راضى ذمة أى حد عاقل فضيلة الامام الأكبر رتبته فى الدولة حاليا لاتقل عن المشير طنطاوى بل تزيد ازاى حضرته الموضوع خرج من ايده وغير كده احنا كنا مفكرين ان الناس فى النظام السابق هما اللى معطلين شيخ الازهر او شلين حركته فى سير العمل نفسى افهم بجد رتبة وزير التربية والتعليم اللى خلص كل حاجة للتربية والتعليم ولا رتبة (( إمـــــــــام المسلميــــن ))

[the keng]

دي حاجه ترفع الضغط

[ahmedsm]

انا عاوز اسمع كلام يدخل الدماغ

[salah333]

بصراحة انا مع من قال ان الشيخ الطيب مش ذنبه هو معانا بس مش قادر يعمل حاجة ربنا معانا

[ام رهف]

كفاية كده
بجد حرام عليكم
كل ساعة بخبر وكلمة ورأي
والحقيقة مش مفهومة وغايبة
دايما تخلطو بين الاراء الشخصية والاخبار الحقيقية اللي بيحب شيخ الازهر يقول المشكلة مش عنده واللي مابيحبوش يقول المشكلة عنده
فين الحقيقة
اشمعنى احنا اللي يجرى فينا كده
مين المسئول

[Mr_HalEeM]

]طب انا ممكن اصدق ده كله

لكن اللي مش قادر اصدقه
انه قال اعتصموا امام المناطق والمشيخه

هو مش قال قبل كده اعتصموا امام الجهاز المركزي؟؟؟؟؟؟
مش هو اللى اتصل بالجيش وضرب الناس وقبض عليهم ؟؟؟؟

[بيبونينو]

ولسة ياما هنسمع و نشوف.

[ostaz_yasser83]

اذا كُنت تنتظر شيءً جميل فلا تجزع واستمتع بإنتظارهـ حتى يأتي وان لم يأتي فعش على آمل رؤيته , فالأشياء الجميلة تنتهي بعد وقوعها ولكن الأشياء السيئة تبدأ بعد وقوعها فحاول نسيانها .

[ebraheem]

طب امسك انا شيخ الازهر طيب ولا ايه

[احمد رضا2]

حسبى الله ونعم الوكيل

[الاستاذة نجلاء علي]

سبحان الله صدفه غريبة
صاحب الموضوع يكتب موضوع عن الاتصال الذي تم بينه و بين قريب شيخ الازهر و من سرق منه الايميل السابق يكتب ايضا موضوع عن الاتصال بشيخ الأزهر مع الاختلاف ان الذي سرق الايميل السابق ادعي انه قريب للشيخ الطيب