هام جدااااااااااااااااا لأبناء سوهاج ( رجاء الدخول)

[خالد المصرى2]

السلام عليكم ورحمة الله وبركاته
يوم 15/ 7 فى ميدان التحرير إن شاء الله مظاهرة بعنوان (جمعة المعلم )
هل من الممكن أن يستيقظ معلمو سوهاج ويشاركوا فى عمل مظاهرة مماثلة بعنوان ( كرامة المعلم المهدرة ) أما أنّ سوهاج مع الأموات دائما أما أنها محافظة سها ( بصراحة أعتقد هذا )
المحافظة الوحيدة التى لم تتظاهر ويوم ما تظاهرنا صدر مجموعة قرارات (بلها واشرب ميتها ) تعاقدنا خمس سنوات وبعدين جاء القرار ( 53 - 74 ) كلها مسميات وتهدئة أعصاب ايه اللى شفناها منها ولا حاجة أقسم بالله مازالنا متعاقدين أسماؤنا مع كشوف المتعاقدين ولا خدنا كادر ولا علاوة اجتماعية ولا بدل نقدى ( يقال بعض المراكز أخذت مثل المراغة ) طيب وباقى المراكز فين .
وفين المرتبات الجديدة والعلاوات ( مجرد كلام )
بجد جابولنا الضغط والسكر والمرارة ( ونحن صابرين عشان خاطر البلد تهدأ ) ونقول ونصبر نفسنا بشهر سبعة والنهاية شهر سبعة جاء مثل خمس سنين تعاقد ) يبقى الحال كما هو عليه .
أرجوكم كفاية ذل وهوان كفاية عار كفاية يا محافظة سها إلى متى نرى الظلم والسرقة ونسكت عنها كفاية ...............
ومن هنا أدعو أبناء سوهاج إلى عمل مظاهرة سلمية يوم الجمعة الموافق ( 15/ 7 ) بعد صلاة الظهر وموعدنا أمام مديرية التربية والتعليم وننطلق إلى مبنى المحافظة لاسترداد حقوقنا المهدرة نحن المعلمين الجدد ( اللى قالوا عنا اثبتنا ) الساكت عن الحق سيطان أخرس والساكت عن الظلم شريك فيه .0
مطالبنا مشروعة وهى :
1- ضم أسماءنا مع كشوف الأساسيين فى المرتبات اتبداء من شهر سبعة الحالى .( حتقولوا الكشوف راحت وايه يعنى ترجع ما يام رجعت كشوفنا بالذل والهوان ترجع وتتعمل من جديد )
2- إقالة ( محسن النعمانى) من الوزراة هذا الوزير الفاسد الذى لا يصلح أن يكون غفير ) بالله عليكم ده نفع سوهاج فى حاجة ( كفاية سكوت كفاية جبتوا العار لمصر ) أقسم بالله ربنا حيسألنا ليه سكتنا على هذا الوزير ونحن أبناء سوهاج نعلم فساده .
3- محاكمة وكيل وزارة التربية والتعليم السابق ( أحمد كمال شمخ ) هذا اللص ( بالله عليكم عارفين أنه لص ولا لا ؟؟؟؟؟؟؟؟؟؟؟؟؟؟؟؟؟!!!!!!!!!!!!) حرام عليكم
4- صرف تذاكر البدل نقدى لنا والكادر وصرف جميع مستحقاتنا المتأخرة .
5- تغيير جميع مديرى الإدارات الفاسدين بلا استثناء كفاية دمروا التعليم والعقول الشابة .
6- ضم سنوات التعاقد السابقة وهذا حق مشروع (ولا نحن فى السنين ديه كنا بنبيع بطاطة على كوبرى سوهاج الجديد )
أرجوكم من يؤيدنى فى هذا المظاهرة السلمية يكتب رأيه ويقول لكى نرى مدى الإقبال عليها ويرى رأى زملائه فى المدرسة ونضع الردود ونحشد الحشود لكى نغير من محافظتنا بدل محافظة سها نخليها محافظة الأسود ( دون *** أو تخريب ) واخترنا يوم الجمعة لكى لا نعطل المصالح الحكومية ) وكمان بعدها يوم السبت امتحانات الدور الثانى المرحلة الإعدادية نعمل إضراب عنها إذا لم تتحقق مطالبنا .
( ناس حتقول فى مطالب ممكن تحقق بسرعة وفى مطالب تأخذ وقت ) مفيش مشاكل نجدد مظاهرتنا كل جمعة( كفاية نقول رأينا كفاية نحس إننا رجال ) وياريت لو حد معاه تليفونات قناة النيل أو دريم أو الأولى أو الفراعين أو اون تى في يتصل بيهم ) وكمان ممكن نحملها على النت الجزيرة مباشر مصر .
نفسى نتغير ونقول للسرقة لا كفاية نحن افقر محافظة على مستوى الجمهورية عارفين ليه لأننا ساكتين على الحرمية والسرقة .
كفايةةةةةةةةةةةةةةةةةةةةةةةةةةةةةةةة
منتظر ردكم وتعليقاتكم يا أبناء سوهاج أم يا أبناء سها ؟ اختاروا

[اسحاق12]

نتفق بتوع محافظة سوهاج كلها ونشوف هنعمل اية

[mageeed22]

انا معاك احنا لما اتظهارنا ضغطنا عليهم وهم مش هيستجيبوا الا بالضغط

[ايهاب2323]

انا معاك وربنا يوفقنا