وأخيرا .. الخبر اليقين من وزارة المالية

[ليث مصر]

كما توقعنا مش كل المعلمين هيستفيدوا من هيكلة الأجور وإنما من يقل راتبهم الاجمالى عن 700 جنيه يعنى بالحوافز بالكادر وكل حاجة .. ومعنى كده ان نسبة قليلة جدا من المعلمين سيستفيدون والباقى كل عام وانتم بخير ومنجلكوش فى حاجة وحشة ..
وهذا هو رابط وزارة المالية وعلى لسان وزير المالية كمان

http://www.mof.gov.eg/Arabic/MOFNews/Media/Pages/releas-a-5-6-11.aspx

[Minamira]

دا انت قديم اوي الكلام دة من زمان
دلوقت الاشاعه اصبحت خاصه بحوافز 200%

[ليث مصر]

انظر لفحوى الخبر وركز فيه .. كما أنه من مصدر موثوق وهو وزارة المالية نفسها
وهذا يؤكد أن ليس كل المعلمين سيستفيدون من هيكلة الاجور وانما القليل منهم وبلسان وزير المالية والذى يؤكد هذا تصريح وزير المالية اليوم ان 2 مليون فقط من 6 مليون سيستفيدون من الزيادة .. الأمر واضح

[ابواحمدومحمد]

سمك لبن تمر هندي

[ميرو1988]

قلنا الكلام ده قبل كده محدش صدقنا
كل اللى عمله سمير باشا انه خد الحوافز ضمها عاى المرتب وخلاص للدرجات العليا اللى فوق التالتة اللى تحت التالتة ادى كل واحد 100 او 150 جنيه وخلاص
على فكرة ميزانية الصحة والتعليم قلت كمان والتموين اتشال من الارز و المكرونة اللى اسعارهم غليت يعنى هنشوف طوابير عيش طويلة وموت عليها تانى

[سامى الجنانى]

كلها ساعات وستظهر الحقيقة ونعرف راسنا من رجلنا اما الفرح بالزيادة المرضية او--------------

[ewaed]

حسبنا الله ونعم الوكيل

[algazzr]

خرجنا من كذب قبل الثوره
الى كذب بعد الثوره
يا قلبى لا تحزن

[احمد رضا2]

المنحوس منحوس

[احمد رضا2]

ربنا يستر على هذه البلد

[hamdy.alnoby]

كل شيء كان متوقع والله انا حزين على حال البلد وخايف على اولادي من بعدي ربنا يسترها معاهم بس انا نفسي أشوف بلدي نظيفة قبل ما اموت أصلي بحبها أوي وفي ناس كتير عايشة فيها مش بتحبها يارب سلم

[aliabdallah]

ماحدش فاهم حاجة خالص ...............................................ز

[alkateem12]

يقدر حد يقولى رضوان كان شغال فين قبل الثورة وهنا تعرفوا مضمون زيادة الأجور هو فى حد جهة من برة المطبخ ماهو كل دول كانوا فى المطبخ الشهير بتاع الأستكوزا والجمبرى والمكرونة الأيطالى ......وياريت وأنتوا ماشيين كده تسلمولى على الثورة
أبوفياض

[ليث مصر]

يا جماعة كانت الأمور واضحة منذ البداية ولكن بعض الناس استطاعوا أن يبعوا الوهم للمعلمين وهم معروفون للمنتدى بالكامل
وكل ما أخشاه أن يكون ذلك مدبرا لإلهاء المعلمين وتشتيتهم ولضرب أى كلمة سواء للمعلمين .. ولكنى أقول لكل أعضاء المنتدى الكرام ولكل معلمى مصر كفاية سلبية وفلسفة خايبة ميدان التحرير مفتوح لشرفاء وفرسان مصر ونحن منهم بالقطع واللى لسه لحد دلوقتى مش مقتنع بالنزول هو حر واحنا كمان أحرار

[فوزى عبده]

جايب خبر قديم ومن غير ماتفهم معناه ونازل تسخين في الناس
الحد الأدنى يا جماعة يعني أقل مرتب 700 جنيه وده هيستفيد منه اللى تحت 700 جنيه
طيب واللى مرتبه أكبر من 700 مش هيستفيد من الحد الأدنى اللى هو 700 جنيه
ولكن مرتبه هيزيد تبعا للجدول بتاع الدرجات اللى نشر في المنتدى هنا كتير
عايزين نخلص من الحكاية دي ياجماعة .... شكلنا بقى وحش قووىىىىىىىى
لما نبقى ناس يطلب منهم العلم ونمشي وراء أى حد بيقول أى كلام
ولتانى مرة يا ليث .... يا أسد ......... يا غضنفر ... اهدا ربنا يهديلك نفسك
مش ناقصينك ..... يا أخوانا هانت باقي أيام قليلة وككل شيء هيبقى واضح وساعتها
ياريت نعرف مين كان بيتكلم في المصلحة ومين كان كل همه يولعها