ياجماعة اخيرا صفوت النحاس رضى علينا

[مستر محمد رجب]

انا عاوز كل الناس ال بالحصه يطمنوا ويحطوا فى بطنهم شادر بطيخ صيفى

معلش يا جماعه انا بتكلم عن البطيخ كتير عشان بحبه

اولا عندى ليكم خبرين كل واحد احسن من التانى

الاول/ ان يتم الا ن فرز الؤهلات العليا والمتوسطه والعمال بالمديريه تمهيدا للتثبيت


ثانيا/ ودا الاهم كل الناس تشترى جريده المساء وتقرا الخبر الجميل ده صفوت النحاس يقوم بتعين 100000

معلم بالحصة.
يا جماعه يوم الا حد القادم هيطلبوا منكم مصغوات التعين ان شاء الله؟؟؟؟؟؟؟؟؟

[ابو الفاروق]

انت اظاهر عليك متعرفش مين هو صفوت النحاس

[مستر محمد رجب]

طيب ثوانى هجبلك الرابط عشات تتاكد بنفسك

[مستر محمد رجب]

صرح د. صفوت النحاس رئيس الجهاز المركزي للتنظيم والإدارة بأن الجهاز طلب من وزارة التربية والتعليم توضيح الموقف التعاقدي لحوالي 100 ألف مدرس بنظام الحصة من أجل تعيين من تنطبق عليه الشروط.
قال النحاس في تصريحات خاصة لـ "المساء" إن الجهاز الإداري للدولة ليست لديه مشكلة في تعيين كل المدرسين بشرط استيفاء قواعد التعيين التي تضعها وزارة التعليم وجهاز التنظيم والإدارة مؤكداً أن الدرجات المالية المطلوبة للتعيين متوافرة.
أشار النحاس إلي أن المجموعة الوزارية الخاصة بخطة التوظيف الحكومية ستجتمع يوم الأحد المقبل بحضور وزراء المالية والتخطيط والتنمية المحلية والتربية والتعليم بجانب رئيس الجهاز المركزي للتنظيم والإدارة لإعلان الموقف النهائي من خطة التوظيف.
من ناحية أخري أعلن د. صفوت النحاس في ندوة نظمها معهد التخطيط القومي الليلة الماضية ان سوق العمل الحالي يتطلب ضرورة تدريب العمالة وفقاً للمعايير المهنية الدولية وقال إن الاتحاد الأوروبي طلب 45 مليون عامل خلال المرحلة الراهنة من كل دول العالم وكانت هذه فرصة كبيرة لكننا لم نستطع الفوز بعدد مناسب منها بسبب ضعف التدريب المهني المتوافق مع سوق العمل هناك.

الرابط :-
http://www.almessa.net.eg/

[ابو الفاروق]

يا سيدى انا عارف انك صادق فى كلامك ، بس انا ممكن اجبلك 10 روابط لصفوت النحاس من قبل الثورة وبعد الثورة يؤكد ان الجهاز المركزى للتنظيم والادارة وافق على تعيين 200 الف مش 100 الف بس وكلة كلام على ورق


انا مبقتش اصدق اى كلااااااااااااام الا لما يتنفذ ويبقى على ارض الواقع

[Amr 82]

الف مبروك ورمضان كريم
وانشاء الله كله هيثبت

[aymanghonam]

الصراحة راحة ليه بيلفوا بينا وبيعملونا بالحته وعلى رد الفعل وليس الفعل
ليس هناك سياسة واضحة كخطة مستقبلية (خمسينية)
تنفع 4 4 2

[مستر محمد رجب]

ع العموم انا اى خبر حلو بعرفه بحب اشركم معايا فيه احنا فهلا يا اساتذه


اصبحنا مشتاقون للفرحه

با حثون عن البسمة

فاللهم اسعد ايامنا وفرحنا

[سعاد اقتصاد منزلى]

آآآآآآآآآآآآآآآمين يا رب العالمين

[zizo76]

تسلم يا مستر ربنا يبارك فيك و يبارك دايما في اخبارك الحلوة

[Mr/Ali Aswan]

الله ينور عليك بس انته ناسي حاجه اسمها امتحان الكادر

[الاستاذ محمود حميد]

رجب
احنا دخلنا في شعبان ومفيش تعيين يا رجب
اين انت يارجب

[مستر محمد رجب]

الخير شكله فى رمضان كده ان شاء الله

رمضان كريم يا على ما تفرج بالله عليك غير الاسم ده

عشان ؤبنا يكرمنا ههههههههه

كل سنه وانتم بخير ورمضان كريم

[اشرف الحبشى]

الكلام ده لو محصلش البلد دى هتولع

[سيلفانو]

ربنا يفرح الجميع