ارجو من اى طالب نفسه يجيب مجموع حلو و يبدا سنة تالتة صح انه يدخل

[elsharef]

بسم الله الرحمن الرحيم
السلام عليكم و رحمة الله وبركاته
يا جماعة انا عامل الموضوع ده علشان ثلاثة انواع من الناس هم كالاتى؛
1-الطلاب اللى محلوش كويس فى الامتحانات و حاسيين انهم ممكن ما يجيبوش مجموع بس عندهم امل انهم ممكن يظبطوا نفسهم فى سنة تالتة ان شاء الله .
2-الطلاب اللى حلو كويس و حاسيين انهم حيجيبو مجموع كويس و نفسهم يحافظوا على التقدم والتميز وانهم يبدأوا سنة تالتة صح.
3- السادة المدرسين الافاضل اللى دايما ساعدونا طول السنة و اللى نفسهم يساعدونا اكتر واكتر.
المهم الفكرة هى اننا حنتجمع مع بعض و ندردش مع بعض فى ازاى حنبدا سنة تالتة وازاى ممكن نستفيد من الاجازة فى اننا نذاكر لسنة تالتة المواد السهلة اللى محتاجة قراءة وفهم فقط من الطالب واللى ممكن ناخد فكرة عنها و ممكن لو احد المدرسين الافاضل عجبتو الفكرة انه يشرحلنا حاجات فى المواد المعقدة بتاعت سنة تالتة زى الفيزياء و الرياضيات2 و الاحياء و غيرها . و ان شاء الله الفكرة تنجح .
احنا حنتجمع كلنا بكرة( الخميس الموافق 30/6 الساعة 11 الصبح ) على الياهو على الميل ده science_skills وده ايميل زميل اسمه مصطفى هو صاحب الفكرة و حنتفق معاه على كل حاجة و حندخل على الفيس على جروب اسمه (ملتقى الطلاب) بتاع زميلة لينا انا بصراحة مش عارف اسمها وهى بردو صاحبة الفكرة و حندردش فى كل حاجة ممكن تساعدنا و كل اللى عنده خبرة او معلومات ممكن يخلينا نستفيد بيها يا جماعة لان احسن شئ ان الانسان يستفيد من خبرات الاخرين.

ملحوظة هامة؛ الفكرة دى مش فكرتى دى فكرة اخونا مصطفى اللى اسم الاكونت بتاعه على الموقع ahmed131 و فكرة اختنا اللى اسم الاكونت بتاعها على الموقع hebabasmala و ارجو من الله - عز وجل- ان الفكرة تنجح.
اخوكم مصطفى الشريف

[دى برولى]

فكرة جميلة
يا ريت نبدأ فيها بسرعة
------------------------------
بس يا ريت يكون ليها موضوع فى المنتدى نحط فيه كل الاساسيات الى نوصلها على الفيس

[اسلام الديب]

فكرة بجد حلوة
وانا ان شاء الله معاكم

[elsharef]

المشاركة الأصلية كتبت بواسطة دى برولى

فكرة جميلة
يا ريت نبدأ فيها بسرعة
------------------------------
بس يا ريت يكون ليها موضوع فى المنتدى نحط فيه كل الاساسيات الى نوصلها على الفيس

المشاركة الأصلية كتبت بواسطة اسلام الديب

فكرة بجد حلوة
وانا ان شاء الله معاكم

يا جماعة الف شكر على الردود المشجعة دى . هو ده بجد اللى احنا محتاجينه و ان شاء الله حيكون ليها موضوع فى المنتدى طبعا بس احنا فضلنا فكرة الميل اولا لسهولة التواصل المباشر . و ربنا يجيب اللى فيه الخير.
(لمعرفة نتائج الاجتماع الول ارجو التفاعل مع الرابط الاتى)
http://www.thanwya.com/vb/showthread.php?t=335301

[PrinCeSs MeRaMar]

فكره حلوه جددا و مرسي لحضرتك

[hala azzam]

فكره حلووو جدااااااا ان شاء الله معاكم

[Iam Alegend]

واللى مش مشترك عالفيس