هام للغاااية !!!! جميع تفاعلات الكحولات , ياريت تسمع الكلام وتراجعهم

[احمد هشام المراكبى]

اولا التفاعلات والمعادلات : -

لاحظ ان هذا المجهود اولا لله ولا ابتغى فيه اى كلام او غير ذلك ولله شاهد على ذلك و هام جدا والله حيعجبكم اوى واللى عاوز اى اجابه يكتب رقم السؤال محدش يكسل معدش فاضل وقت

1 - كيف تحصل على كحول ايثيلى من السكروز ؟
2 - كيف تحصل على غاز يعكر ماء الجير الرائق من المولاس ؟
3 - كيف تحصل على 2 - بروبانول ( كحول ثانوى ) ( كحول بروبيلى ) من بروبين ؟
4 - كيف تحصل على كحول ثالثى ( 2 ميثيل , 2 بيوتانول ) ( كحول بنتيلى ثالثى ) من 2 ميثيل , 2 بيوتين ؟

5 - تمتلك المواد الاتية : -
أ - هيدروكسيد الصوديوم
ب - بروميد الايثيل
ج - 2 - برومو بروبان
د - كلوريد بيوتيل ثالثى

كيف تحصل على : -
--- كحول اولى وكحول ثانوى وكحول ثالثى


6 - تحصل على ايثو كسيد صوديوم من ( كربيد كالسيوم ) ( بروميد الايثيل ) ( السكروز ) ( اثيانال ) ( الايثين )
7 - كيف تحصل على استر اسيتات الايثيل من حمض عضوى , او من ايثو كسيد صوديوم او من كربيد الكالسيوم ؟
8 - كيف تحصل على كلوريد الايثيل من الايثانول ؟
9 - كيف تحصل على كلوريد الايثيل من : -
أ - هاليد الكيل ب - الايثين ج - الفينول د - ايثو كسيد صوديوم
10 - كيف تحصل على كلوريد الايثيل من الايثانول والعكس ؟ ( هام جدا ) ( انشاء الله حتيجى )
11 - كيف تحصل على حمض الخليك من الايثانول ؟
12 - كيف تحصل على الميثان من الايثانول ؟ ( هام )
13 - كيف تحصل على كيتون ( بروبانون ) ( كيتون ثنائى الميثيل ) من : -
أ - 2 - بروبانول ( كحول ايزو بروبيلى ) ( هـــــــــــــام خالص )
14 - كيف تحصل على اسيتون من بروبين او من بروميد بروبيل ثانوى ؟ ( هام )
15 - كيف تحصل على كيتون من كحول مناسب
16 - كيف تحصل على اثير ثنائى الايثيل من الايثانول او من المولاس او من الايثين ؟
17 - كيف تحصل على ثلاثى نيترو جليسرول من حمض غير عضوى او من الجليسرول ؟
18- كيف تحصل على كحول اولى من كحول ثانوى ؟



ثانيا : -
وضح بالمعادلات : -
1 - طرق تحضير الايثانول فى الصناعة ؟
2 - التحلل المائى للسكروز ثم إضافة الخبيره بيره ؟ واذكر اهميتين اقتصاديتين للناتج ؟
3 - التحلل المائى لكلوريد الايثيل فى وجود البوتسا الكاوية .
4 - التحلل المائى ل 2 برومو بروبان ( بروميد بروبيل ثانوى ) فى وجود البوتاسا الكاوية
5 - التحلل المائى ل كلوريد بيوتيل ثالثى فى وجود هيدروكسيد صوديوم
6 - تفاعل اكسده تام ( هام جدا )
7 - اكسده الكحول الايثيلى التام
8 - اكسدة الكحول البروبيلى الثانوى


ثالثا : - علل : - الهامه فقط : -
1 - الايثانول من البترو كيماويات ؟
2 - الكحولات لها صفه حامضية ضعيفه ؟
3 - تذوب الكحولات فى الماء بعكس الالكانات المقابلة ؟
4 - يتأكسد الكحول الاولى على خطوتين بينما الثانوى على خطوة ؟
5 - الكحولات والفينولات مشتقات للماء ؟
6 - لا تتاكسد الكحولات الثالثية ؟
7 - الجلكوز من الكربوهيدرات ؟
8 - الفركتوز من الكربوهيدرات ؟

رابعا : واخيرا
اسئلة متنوعه هامه : -

1 - ما دور فطر الخميره فى تحضير الايثانول من السكروز ( هام )
2 - قارن بين الهيدرة الحفزية ل بروبين و الهيدره الحفزية لـــ 2 ميثيل - 2 بيوتين مع توضيح القاعده المستخدمه ؟
3 - ما المقصود بالكحول المحول ؟ وفيم بستخدم ؟
4 - فيم يستخدم كلا من أ - كحول ميثيلى ب - البيردين ج - الصبغات الملونة

5 - سؤال مهم ولامم كتير و سهل

كيف تحصل على استر اسيتات الايثيل من حمض عضوى ؟
ثم اجب عن ذلك : -
ا - ما نوع التفاعل ؟
ب - ما دور حمض الكبريتيك ؟ وكيف يوثر على التفاعل ؟
ج - ما مصدر اكسجين الماء الناتج من عملية تكوين الاستر ؟
واثبت ذلك بالتجربة

6 - اذكر اهميه واحده لايثو كسيد صوديوم ؟

7 - السؤال ده مهم
رتب المركبات الاتية على حسب : -
أ - درجة الغليان ب - سرعة الذوبان
( سوربيتول ) ( جليسرول ) ( الايثيلين جليكول ) ( الايثانول ) ( الميثان )

8 - رتب هاليدات الالكيل هذه حسب سهوله انتزاع ذرة الهالوجين منها : -
أ - يوديد الكيل
ب - بروميد الكيل
ج - كلوريد الكيل مع ذكر السبب ( هام )

9 - اذكر ثلاث من خواص الكحولات ؟
10 - ما دور كلوريد الخارصين فى تحضير كلوريد الايثيل من الايثانول ؟
11 - شق من البنتان ثلاثة ايزوميرات مختلفة ( هامه )

12 - اوجد الصيغة البنائية لكل من : -
أ - جليسرول ( جليسرين )
ب - سوربيتول ( عديد الهيدروكسيل )
ج - ايزو بنتان
د - كحول ايزو بروبيلى
ه - الجلكوز ( هام جدا )
و - الفركتوز ( هام جدا )


13 - كيف تميز بين
أ - كحول اولى وكحول ثانوى هو هو ( الايثانول - 2 ميثيل , 2 بروبانول ) هو هو ( كحول ايثيلى - كحول بيوتيلى ثالثى )

14 - كيف تستطيع الكيف عن تعاطى السائقين المخدرات ؟

15 - كيف تستطيع الكشف عن الايثانول فى عدة اوساط مختلفة ؟

16 - لاحظ ما يلى يحضر الداكرون من البلمرة بالتكاثف ( منهج قديم مش تركز عليها )

ياااااااااااااااااه انا ظهرى خلاص ادعولى يا شباب وياريت كل واحد فيكم يحل الاسئلة دى والله الكحولات مش حتتطلع من هنا خالص وانا حكمل باقى العضوية علشان لما ارجع اطلعلكم ال 17 درجة من الموضوع ده والى قبله

ياريت كل واحد يحل الاسئلة والسؤال الى يقف يكتب رقمه وانا ححله
وسدقونى مش تستهتروا بلأسهله دى خالص
لان ده اسئلة الامتحانات وكتاب مدرسة ودليل تقويم
بالتوفيق

[بنت جمدة]

جزاك الله خيراا علي هالمجهود ..

بس عايزة اعرف ايه دور كلوريد الخارصين في تحضير كلوريد الايثيل؟؟

ومعلش سؤال خارج الاسئلة دي...

ازاي نحصل علي كحول اولي من كحول ثانوي؟؟

[sarsoraa24]

شكرا يا باشا وربنا يكرمك يا رب

[_ m3md_94_]

شكراااااااااااااااا يا احمد اسئلة شاملة وكويسة

[tahatata]

الف شكر
بس الافضل لو تحطها بإجاباتها

[احمد هشام المراكبى]

يا باشا انا حاطط للمراجعه ليكم لو حطيت الاجابات يبا مش حلحلق اخش الامتحان بكره
بس جزاكم الله خيرا وحل انت وهات الى يقف معاك

[احمد هشام المراكبى]

المشاركة الأصلية كتبت بواسطة بنت جمدة

جزاك الله خيراا علي هالمجهود ..

بس عايزة اعرف ايه دور كلوريد الخارصين في تحضير كلوريد الايثيل؟؟

ومعلش سؤال خارج الاسئلة دي...

ازاي نحصل علي كحول اولي من كحول ثانوي؟؟

دور كلوريد الخارصين يعمر كعامل حفز لتكوين كلوريد الايثيل بس

وسؤال الكحول ححلوهولك دلوقتى

[النصيحه]

صدقني الامتحان جاي صعب

[white_white]

انا احب اطمنكم ان شاء الله الامتحان مش صعب هيجى مايتحلش بس
ماتخافوش

[احمد هشام المراكبى]

يا جماعه والله مففيش حاجه اسمها صعب
الى مذاكر صح حيقفل الامتحان لو الامتحان فيه عفريت حتى حينحل ومينفعش تقولوا الكلام ده دلوقتى

[moOon light]

شكرااااا يا احمد ع المجهود الرائع
انا عاوزه اعرف الجزء دا من السؤال
تحصل على ايثو كسيد صوديوم من ( كربيد كالسيوم )

[احمد هشام المراكبى]

حتجيبى من كربيد كالسيوم الاستيلين ----- هيدرة حفزية حيديكى اسيتالدهيد ------ اختزال ب 2h حيديكى كحول ايثيلى ثم الكحول الايثيلى مع الصوديوم

ولو عاوز حاجه تانى اكتبيها

[Twilight2011]

المشاركة الأصلية كتبت بواسطة بنت جمدة

جزاك الله خيراا علي هالمجهود ..

بس عايزة اعرف ايه دور كلوريد الخارصين في تحضير كلوريد الايثيل؟؟

ومعلش سؤال خارج الاسئلة دي...

ازاي نحصل علي كحول اولي من كحول ثانوي؟؟

السؤال الأول :- كلوريد الخارصين بيكون عامل حفاز فى تحضير كلوريد الايثيل من ... الكحول وهاليد الهيدروجين

السؤال الثاني :-
(1) CH3-CHOH-CH3 ---- H2SO4/180----> CH3-CH=CH2 + H2O
(2) CH3-CH=CH2 + H2 ---------> CH3-CH2-CH3
(3) CH3-CH2-CH3 + Cl2 ----darkness-----> CH3-CH2-CH2Cl + HCl
(4) CH3-CH2-CH2Cl + KOH(aq) ----(heat) -----> CH3-CH2-CH2OH + KCl

أتمنى مكونش غلطت فى حاجة

[_ m3md_94_]

المشاركة الأصلية كتبت بواسطة النصيحه

صدقني الامتحان جاي صعب

لا حول ولا قوة ال بالله كن متفائلا مش من اولها كده!!!!!!!!!!

[MoHammed Youssef]

متشكرين يا احمد
تعبان معانا انت
ربنا يكرمك ويكرمنا ان شاء الله
...............
بس فيه سؤال
ايه الفرق بين المولاس والسكروز
ولما يجى يقول نحصل على الايثانول بالتخمر الكحولى لـ ......
السكروز ولا الجلكوز ولا الفراكتوز