اريد استكمال دراستى بالثانوية العامة

[icevolcanooo]

بسم الله الرحمن الرحيم

فى البداية احب ان اشكر القائمين على الموقع والاعضاء بالمنتدى على جهدهم المبذول
جزاكم الله كل خير و اود طرح سؤال بسيط شاكر لكم الاهتمام بالرد عليه


انا حصلت على الشهادة الاعدادية عام 1999
وبمجموع 260 من 280 بمعنى انه يؤهلنى للثانوى العام بسهولة

اريد ان اعرف هل يمكننى الالتحاق والتقدم للثانوية العامة
وماهى الاجراءات والاوراق المطلوبة للتقديم

شكرا لكل المهتمين بالرد والاجابة على اسئلتى

وليد مشالى

[الرهينه]

بجد انا نفسى اساعدك

انا مامتى مدرسه وسألتها قالتلى انك ممكن تكمل عادى

بس لو حضرتك عايز التفاصيل ممكن اسألك

[عبقرينومان]

السلام عليك
ممكن تكمل بأذن الله
بس تروح بأوراقك إلى المديرية التعليمية الخاصة بمنطقة سكنك
والسلام عليك

[M I D O]

انا مش مدرس


لكن هاتكمل باذن الله

وهانكون اخواتك هنا بكل ماهوا مستطاع

[icevolcanooo]

احب اشكر كل اللى ردوا على سؤالى
و أنا بجد اتمنى اكمل واخد الثانوية العامة واكمل جامعة
بس هنا فى الادارة التعليمية اللى انا تابع ليها لما بسأل مش بلاقى حد يدينى رد كافى
فأتمنى لو حد يقدر يوصل لحد مسئول وبتفاصيل اكتر عن الاجراءات والقيود اللى تمنع انى اكمل يبقى
جزاكم الله خير

[Unique Muslimah]

ربنا يوفقك و تكمل بتفوق ان شاء الله

[عادل المصرى]

اذهب الى الادارة التعليمية التى تتبع لها واطلب استخراج شهادة نجاح المرحلة الاعدادية ستكلفك حوالى 10 جنية ثم بعد ذلك اذهب الى اى مدرسة ثانوى عام وقدم هذه الشهادة وسيسجل اسمك ضمن الذين يمتحنون بظام منازل ولا تنسى تحدد المواد الاختيارية التى ستمتحن فيها فى النصف الاول وبنسبه للمدرسة التى تقدم فيها هذه الشهاده ستدفع 15جنيه مصاريف ادارية فقط وليس هناك زياده عن هذا المبلغ . الاهم من هذا ان تكون اعددت نفسك جيدا للامتحان وربنا يوفقك

[icevolcanooo]

شكرا على ردودكو يا جماعة وجزاكم الله خير
لكن عاوز تفصيل أكتر عن التقديم و الاوراق المطلوبة
مفيش حاجة غير الشهادة الاعدادى وهل ممكن ادخل امتحانات السنة دى
وياترى لازم ادخل اولى ثانوى ولا ممكن ادخل على تانية علطول حيث ان اول سنة نقل بس
و ايه نظام دراسة المنازل وامتحاناتهم مختلفة ولا زى الطلبة العاديين
وبالنسبة فيما بعد هل هناك قيود للالتحاق بالكليات حيث انى هكون سنى حوالى 25 لو حصل
نصيب وكملت

معلش تعبتكو معايا وياريت لو فيه مختصين او فيه اداريين تعرفوهم فى المجال ده يدينى تفاصيل
وشاكر جدا ليكو

[صوت الحق]

المشاركة الأصلية كتبت بواسطة icevolcanooo

شكرا على ردودكو يا جماعة وجزاكم الله خير
لكن عاوز تفصيل أكتر عن التقديم و الاوراق المطلوبة
مفيش حاجة غير الشهادة الاعدادى وهل ممكن ادخل امتحانات السنة دى
وياترى لازم ادخل اولى ثانوى ولا ممكن ادخل على تانية علطول حيث ان اول سنة نقل بس
و ايه نظام دراسة المنازل وامتحاناتهم مختلفة ولا زى الطلبة العاديين
وبالنسبة فيما بعد هل هناك قيود للالتحاق بالكليات حيث انى هكون سنى حوالى 25 لو حصل
نصيب وكملت

معلش تعبتكو معايا وياريت لو فيه مختصين او فيه اداريين تعرفوهم فى المجال ده يدينى تفاصيل
وشاكر جدا ليكو

الخلاصة المفيدة
لن تدخل الامتحان هذا العام لسبب لانه لا يوجد
الصف الاول هذا العام فى اغلب المدارس
2: استخراج شهادة ميلاد بالكمبيوتر
3: استخراج بيان نجاج بالشهادة الاعدادية
3: أستخراج بيان بعدم التقدم الى المدارس الثانوية
عن هذه المدة من عام 1999 حتى عام 2008
الذهاب الى المدرسة فى شهر 12 عام 2008
لتتقدم الى التسجيل بالمدرسة وللعلم
يم دفع مبلغ 290 ج عن العام الواحد فى
التعليم الفنى اما الثانوى لا اعلم لاكن اسئل لك
لو قررت لاننى فى نفس المدرسة الثانوية
اما هذا العام كما قلت لا يوجد صف اول
المهم
يكون عندك نية للتكملة
والاستعداد الجاد
والباقى اداريات تخلص
بسهولة
ربنا يوفقك
يارب

[icevolcanooo]

شكرا جزيلا و جزاكم الله خير