احسب مرتبك الجديد معايا بعد مضاعفة الحوافز مرتين كيف تحسب الزيادة في مرتبك؟! كتبت - ث

[خالد جمال888]

بعد مضاعفة الحوافز مرتين
كيف تحسب الزيادة في مرتبك؟!24/6/200
كتبت - ثناء حامد:
في تصريح خاص لجريدة "الجمهورية" صرح د.عبدالفتاح الجبالي مستشار وزير المالية.. بأن الموازنة العامة الجديدة تتضمن رفع حافز الإثابة للعاملين في الدولة من 75% إلي 200% بما يرفع إجمالي دخل كل عامل إلي 700 جنيه. ويستفيد من رفع الحافز مليون و900 ألف موظف بالدولة هم مجموع العاملين الذين يتقاضون حافز إثابة 75% فقط في حين أن بقية العاملين يتقاضون حوافز بمسميات مختلفة تعلو نسبة ال 75% وتحقق لها دخلاً شهرياً أعلي من ال 700 جنيه.. الحد الأدني.
علمت "الجمهورية" أن لدي وزارة المالية أسماء الجهات التي تمنح حافز إثابة أعلي من 75% ليصل إلي 200% وبالتالي لن يطبق عليها قرار رفع حافز الإثابة.. كما علمت أن قرار رفع الحافز سيطبق علي جميع العاملين في الدولة مادام الحافز نسبته 75% بغض النظر عن الدرجة الوظيفية.
ويُحسَب حافز الإثابة علي الأجر الأساسي للدرجة والمضاف إليه نسبة 240% من العلاوات المضمومة حتي علاوة 2005 التي نسبتها 20% بحد أدني 30 جنيهاً. وهذا الأجر حتي 1/7/.2011
فالأجر الأساسي للدرجة الممتازة 734.4 جنيه وحافز الإثابة بنسبة 200% يبلغ 1475.8 جنيه.
وللدرجة العالية 478 جنيهاً وحافز الإثابة بنسبة 200% يبلغ 860 جنيهاً.
وللدرجة الأولي 334 جنيهاً وحافز الإثابة بنسبة 200% 660 جنيهاً.
وللدرجة الثانية 254 جنيهاً وحافز الإثابة بنسبة 200% يبلغ 508 جنيهات.
وللدرجة الثالثة 183.6 جنيه وحافز الإثابة بنسبة 200% يبلغ 357.2 جنيه.
وللدرجة الرابعة 151.6 جنيه وحافز الإثابة بنسبة 200% يبلغ 303.2 جنيه.
وللدرجة الخامسة 145.2 جنيه وحافز الإثابة بنسبة 200% يبلغ 290.4 جنيه.
وللدرجة السادسة 142 جنيهاً وحافز الإثابة بنسبة 200% يبلغ 284 جنيهاً.
وعلي سبيل المثال كل موظف يتقاضي حافز إثابة 75% فقط أو حافز إثابة أقل من 200% سوف يزداد الحافز إلي 200% ويضاف إلي إجمالي ما يتقاضاه حالياً في 1/7/.2011
ولنأخذ موظف الدرجة السادسة علي سبيل المثال. فنجد متوسط ما يتقاضاه حتي 1/7/2011 هو 420.5 يضاف إلي الحافز بعد رفعه أي يضاف 284 جنيهاً فنجد إجمالي ما يتقاضاه هو 704 جنيهات أي أنه أعلي من الحد الأدني للأجور "700" بأربعة جنيهات.
وهناك جهات تمنح حافز إثابة بنسبة 125% من الأجر الأساسي وبالتالي سوف يزيد إلي 200% هذا الحافز يضاف إلي إجمالي ما يتقاضاه الموظف في 1/7/.2011

[ام ياسين وآمر]

شعور جميل ان اقرا صفحه طويله عريضه ومفهمش ولا حاجه

[ام رهف]

المشاركة الأصلية كتبت بواسطة kokokornoko

شعور جميل ان اقرا صفحه طويله عريضه ومفهمش ولا حاجه

هههههههههههه
انا حاولت افهم اللي فهمته اننا لمانتثبت الاساسي بتاعنا بدل ماهو 183 ج هيكون 375 ج
طبعا انا اكيد فهمت غلط بس اهو نحاول نطلع بحاجة ولو حتى حلم يعنى

[mostafa radwan]

يعنى ده توضيح وشرح لجدول الاجور اللى ظهر من فترة ولا ده اخترررررررررررراع جديد وفري من نوعه؟؟؟؟؟؟؟؟؟؟؟؟؟؟؟؟؟؟؟؟

[amir11111]

دة الواحد مننا ضعيف بشكل
انا مش فاهم حاجة مع انى قريت الكلام مرتين

[emadomda]

ربنا يستر
انا حاسس ان زيادة شهر 7 ها ناخدها فى شهر 12 عشان الأزهر دايما بطىء كالسلحفاء

[السمنودي]

هُوه فيه ايه 111111

[الشوكي55]

هناخد ايه انتوا بتحلموا ملناش دعوه بالكلام ده مش لما نتعامل معاملة البنى ادمين ونتثبت نبقى ندور على الفلوس

[ايادممدوح]

الله ينور عليكم يا ازهرية

اهو انتم كدة اثبتم للناس انكم اكتر ناس بتفهموا

لان فعلا الكلام ده ما لوش علاقة بالمتعاقدبن

ولو هو ممكن

فلازم قرار من شيخ الازهر خاص بالمتعاقدين

و بما ان الازهر متخلف و يومه بسنة

يبقي انسي

[Step By Step]

الراجل حاول يشرحلنا جدول الاجور بطرقة سلسلة

وكمان بمثال عملي

يبقي نعلق بكلمة شكر اولا

[الاستاذة نجلاء علي]

اللي انا فهمته اعتقد انها محاولة لرفع الحد الادني للأجور الي 700 جنية كمرتب شامل بحيث ان يكون اقل راتب لأي وظيفة في الدولة هو 700 جنيه و ذلك عن طريق رفع الحوافز الي 200 % من الاساسي و بذلك سيستفيد الجميع سواء الاقدم تعيينا أو حديث التعيين اما موضوع المتعاقدين ليس لهم في الحد الادني فأعتقد اننا نحن متعاقدي الازهر نتقاضي مرتبانتا من ميزانية الدولة و أي زيادة يتم تقديرها تطبق علينا بدليل صرف العلاوات و كمان عندما تم صرف 50% حوافز للاداريين المعينين تم تطبيقها علي المتعاقدين لم أكتب الا ما أعرفة و لا يهاجمني احد بأنني ادعو الي تثبيط الهمم للدعوي الي الاعتصامات فلم اذكر الا مايمليه علي ضميري هذا و اللة اعلم

[amrsa3d]

يا سيدي الفاضل هو بيقول ان الحافز ال 200% سيضاف الي اجمالي مرتبك
بمعني ان مرتبك هو 357+ 399 =756 دا لو انت مرتبك 399
وهكذا
وعيب تقولوا مش فاهمين علشان ماتضحكوش علينا حد

دا لو كلام الزيادة دا صحيح

" افلح ان صدق "

[الاستاذة نجلاء علي]

و جزاك اللة خيرا يا أستاذ خالد و دائما أبشرنا بما يسرنا

[أ/ سعيد موسى]

شكرا لك أ/ خالد لكن اوضح ان جميع الاخوة اصحاب الردود طبعا فاهمين لكن مشكلتهم اولا فى التثبيت فلو كانوا مثبتين كان كل واحد منهم عرف درجته والزيادة لكن هناك سؤال اخر القطاع الخاص ليس له دخل فى موضوع الدرجات ومع ذلك طالبت الحكومة رجال الاعمال ايضا بالحد الادنى فهل من مر على تعاقده سنتان وينتظر التثبيت العام القادم سوف يدخل فى الحد الادنى !!!! السؤال الاهم وانا منتظرون هل ال700ج هو هذا المبلغ الذى استلمه ام المبلغ فى شيت المرتب ثم بعد الضرائب والاستقطاعات يصل الى 400ج !!!! لو نظرت الى فاتورة التليفون الارضى سوف تعرف قصدى المكالمات التى تحدثت بها بالفعل حوالى 100ج تجد اجمالى الفاتورة 150ج كيف ؟؟؟؟ الله اعلم عموما دعونا لانسبق الاحداث وكلها ايام ونعرف الاخبار وربنا يستر

[عبده44]

جبت الكلام ده منين ياعمرو يعني انت هتاخد كده