أسئلة للباب الثاني ..... عاوز الحل برضه

[Twilight2011]

ندخل على أسئلة الباب الثاني .... يلا يا مستر محمد همتك معانا شوية معلش هتعبك اخر ايامي بقه

1- عرف الأكاسيد القلوية .....
2- عدد تأكسد الأكسجين فى ماء الأكسجين = .......
3- فى تفاعل انحلال كبريتات الحديد الثنائي لتكوين اكسيد الحديد الثلاثي
التفاعل ده يعتبر عملية أكسدة واختزال ذاتي لكبريتات الحديد الثنائي ازاى .؟؟؟

4- ايه الفرق بين الكلمتين دول ( فلز قلوي - فلز أرضى قلوي ) ؟؟؟

5- عاوز اعرف حاجة بقه فى دليل التقويم صـ 32 ثلاث معادلات شبهاء ببعض خاصين بجهد التأين والميل الالكتروني وجهد التأين الثاني ... ايه الفرق بين إجابات الأسئلة الثلاثة ؟؟؟

6- رتب حسب جهد التأين : O(8) , S(16) , Se(34) , Br(35)
رتب حسب جهد التأين : Na+ , Si(14) , Ge(32) , C(6) , Na(11)
انا رتبتهم بس عاوز اتأكد من الحل

7- ما التركيب الإلكتروني المميز لإلكترونات الغلاف الخارجي لاثنين من عناصر المجموعة 7A ( الهالوجينات ) ؟؟؟

8- رتب حسب جهد التأين : S , S+
اعتقد ان الأقل هيكون S لأن هنا هنخلي المستوى نصف مكتمل ... ؟ صح ولا ايه

[محمد عبد السلام عواد]

ندخل على أسئلة الباب الثاني .... يلا يا مستر محمد همتك معانا شوية معلش هتعبك اخر ايامي بقه

هو فيه حد بيعرف آخر أيامه؟

1- عرف الأكاسيد القلوية .....

هي أكاسيد الفلزات والذي يذوب منه في الماء يكون قلويات وتتفاعل مع الأحماض وتكون ملح وماء

2- عدد تأكسد الأكسجين فى ماء الأكسجين = .......

ماء الأكسجين هو مركب (فوق أكسيد الهيدروجين) أي عدد تأكسد الأكسجين (-1)

3- فى تفاعل انحلال كبريتات الحديد الثنائي لتكوين اكسيد الحديد الثلاثي

التفاعل ده يعتبر عملية أكسدة واختزال ذاتي لكبريتات الحديد الثنائي ازاى .؟؟؟

لأن أيون حديد2 تأكسد إلى أيون حديد3 أما كبريت مجموعة الكبريتات حدث له اختزال والعامل المؤكسد والمختزل من داخل كبريتات الحديد

4- ايه الفرق بين الكلمتين دول ( فلز قلوي - فلز أرضى قلوي ) ؟؟؟

الفلز القلوي = عناصر المجموعة الأولى أ
الفلز الأرضي = عناصر المجموعة الثانية أ

5- عاوز اعرف حاجة بقه فى دليل التقويم صـ 32 ثلاث معادلات شبهاء ببعض خاصين بجهد التأين والميل الالكتروني وجهد التأين الثاني ... ايه الفرق بين إجابات الأسئلة الثلاثة ؟؟؟

6- رتب حسب جهد التأين : O(8) , S(16) , Se(34) , Br(35)

صحح السؤال بدل البروم في السؤال بالزرنيخ 33
الترتيب هو : الزرنيخ أقل من السيلينيوم أقل من الكبريت أقل من الأكسجين

رتب حسب جهد التأين : Na+ , Si(14) , Ge(32) , C(6) , Na(11)
انا رتبتهم بس عاوز اتأكد من الحل

الغي السؤال ليس لصعوبته ولكن لعدم وجود قاعدة نتبعها

7- ما التركيب الإلكتروني المميز لإلكترونات الغلاف الخارجي لاثنين من عناصر المجموعة 7A ( الهالوجينات ) ؟؟؟

الأول = 2s2 , 2p5
الثاني = 3s2 , 3p5
الثالث = 4s2 , 4p5
وهكذا

8- رتب حسب جهد التأين : S , S+
اعتقد ان الأقل هيكون S لأن هنا هنخلي المستوى نصف مكتمل ... ؟ صح ولا ايه

صح جدا جدا

[aashraf-hussen]

عرف الأكاسيد القلوية هى
اكاسيد فلزية تذوب فى الماء وتعطى قلويات
2- عدد تأكسد الأكسجين فى ماء الأكسجين = -1
3- فى تفاعل انحلال كبريتات الحديد الثنائي لتكوين اكسيد الحديد الثلاثي
التفاعل ده يعتبر عملية أكسدة واختزال ذاتي لكبريتات الحديد الثنائي ازاى .؟؟؟
يعتبر تفاعل اكسدة لان عدد تاكسد الحديد فى المتفاعلات +2 بينما عدد تاكسدة فى النواتج +3

4- ايه الفرق بين الكلمتين دول ( فلز قلوي - فلز أرضى قلوي ) ؟؟؟
لا اعرف بالضبط

5- عاوز اعرف حاجة بقه فى دليل التقويم صـ 32 ثلاث معادلات شبهاء ببعض خاصين بجهد التأين والميل الالكتروني وجهد التأين الثاني ... ايه الفرق بين إجابات الأسئلة الثلاثة ؟؟؟
اسف فا انا لا املك الدليل

6- رتب حسب جهد التأين : O(8) , S(16) , Se(34) , Br(35)
رتب حسب جهد التأين : Na+ , Si(14) , Ge(32) , C(6) , Na(11)
انا رتبتهم بس عاوز اتأكد من الحل
الترتيب تصاعديا:Br-Se-Ge-S-Si-Na-O-C-Na+ )

7- ما التركيب الإلكتروني المميز لإلكترونات الغلاف الخارجي لاثنين من عناصر المجموعة 7A ( الهالوجينات ) ؟؟؟ nS2 ,nP5

8- رتب حسب جهد التأين : S , S+
اعتقد ان الأقل هيكون S لأن هنا هنخلي المستوى نصف مكتمل ... ؟ صح ولا ايه S ثم +S لان جهد التاين الاول يكون صغير عند مقارنتة بجهد التاين الثانى
[/quote]

[د / الشيماء]

هو فيه حد بيعرف آخر أيامه؟
فعلا يا مستر محدش يعرف اخر ايامه ولا اولها حتى
بس سمير يقصد اخر ايامه فى الكيمياء .

طبعا مش هقدر ارد على اسئلتك دى يا سمير بعد مستر محمد غير انى اشكره جدااااا على تعبه معانا وإجاباته النموزجيــة .

[د / الشيماء]

دليل التقويم صـ 32 ثلاث معادلات شبهاء ببعض خاصين بجهد التأين والميل الالكتروني وجهد التأين الثاني

تقصد المعادلات اللى هيا اول واحدة :
M-------M+ + e- h(-)kg

فى اول واح دى عاوز 3 مفاهيم
1- جهد تأين اول .
2- اكسدة.
3-تفاعل طارد للحرارة.
عرفهم انت بقا
اللى بيتدرج فى الجدول الدورى -- 0(جهد التأين) واشرح بقا التدرج

والباقى زيه تقريبا
لو انت تقصد الاسئلة دى قول وانا اكملهم.

[yoki2011]

انا عندي مشكلة ف الباب الثاني كل مأذاكره بنساه ومش عارفه اعمل ايه ؟!!!!!!!!

انصحوووووووووووووووووووووووني

[Ƹ̴Ӂ̴Ʒ EsLaM MaSHaL Ƹ̴Ӂ̴Ʒ]

حاول تستعمل الورقه والقلم وسجله علي شكل نقط واعمل مقارنات وفرق بين المفاهيم والتدرج

[Twilight2011]

المشاركة الأصلية كتبت بواسطة الشيماء22

هو فيه حد بيعرف آخر أيامه؟
فعلا يا مستر محدش يعرف اخر ايامه ولا اولها حتى
بس سمير يقصد اخر ايامه فى الكيمياء .

طبعا مش هقدر ارد على اسئلتك دى يا سمير بعد مستر محمد غير انى اشكره جدااااا على تعبه معانا وإجاباته النموزجيــة .

صح يا شيماء انا اقصد اخر ايامي فى الكيمياء ..... وبعدين قلنا اسمي محمود بقه انا غيرته عشان سمير دي ....

المشاركة الأصلية كتبت بواسطة الشيماء22

دليل التقويم صـ 32 ثلاث معادلات شبهاء ببعض خاصين بجهد التأين والميل الالكتروني وجهد التأين الثاني

تقصد المعادلات اللى هيا اول واحدة :
m-------m+ + e- h(-)kg

فى اول واح دى عاوز 3 مفاهيم
1- جهد تأين اول .
2- اكسدة.
3-تفاعل طارد للحرارة.
عرفهم انت بقا
اللى بيتدرج فى الجدول الدورى -- 0(جهد التأين) واشرح بقا التدرج

والباقى زيه تقريبا
لو انت تقصد الاسئلة دى قول وانا اكملهم.

ايوه أقصد دول الثلاث مفاهيم انا مكنتش عارف فيهم غير جهد التأين لو تقدري تجاوبي الباقى اكيد انا مستنى ... بس انا عاوز اعرف هو التفاعل بيكون طارد ازاى واحنا عندنا جهد تأين ... المفروض اننا بنمتص طاقة ( يا ريت تفسير للنقطة دي )

المشاركة الأصلية كتبت بواسطة محمد عبد السلام

هو فيه حد بيعرف آخر أيامه؟
هي أكاسيد الفلزات والذي يذوب منه في الماء يكون قلويات وتتفاعل مع الأحماض وتكون ملح وماء
ماء الأكسجين هو مركب (فوق أكسيد الهيدروجين) أي عدد تأكسد الأكسجين (-1)
لأن أيون حديد2 تأكسد إلى أيون حديد3 أما كبريت مجموعة الكبريتات حدث له اختزال والعامل المؤكسد والمختزل من داخل كبريتات الحديد

الفلز القلوي = عناصر المجموعة الأولى أ
الفلز الأرضي = عناصر المجموعة الثانية أ

5- عاوز اعرف حاجة بقه فى دليل التقويم صـ 32 ثلاث معادلات شبهاء ببعض خاصين بجهد التأين والميل الالكتروني وجهد التأين الثاني ... ايه الفرق بين إجابات الأسئلة الثلاثة ؟؟؟

صحح السؤال بدل البروم في السؤال بالزرنيخ 33
الترتيب هو : الزرنيخ أقل من السيلينيوم أقل من الكبريت أقل من الأكسجين

الغي السؤال ليس لصعوبته ولكن لعدم وجود قاعدة نتبعها

الأول = 2s2 , 2p5
الثاني = 3s2 , 3p5
الثالث = 4s2 , 4p5
وهكذا
صح جدا جدا

والله مستر محمد تعب معايا كتير ..... صح انا عاوز اكمل باقى الأبواب يعني يا ريت متبقاش مليت يا مستر ... وبالنسبة لسؤال الزرنيخ بدل البروم والسؤال اللى اتلغى ... السؤالين دول من دليل التقويم نسخة 2010 لعدم تمكني من الحصول على نسخة 2011 انا واصحابي لأنها موصلتش عندنا اصلاً

[محمد عبد السلام عواد]

والله مستر محمد تعب معايا كتير ..... صح انا عاوز اكمل باقى الأبواب يعني يا ريت متبقاش مليت يا مستر ... وبالنسبة لسؤال الزرنيخ بدل البروم والسؤال اللى اتلغى ... السؤالين دول من دليل التقويم نسخة 2010 لعدم تمكني من الحصول على نسخة 2011 انا واصحابي لأنها موصلتش عندنا اصلاً

أنا عارف أنهم في الدليل أنا حافظ الدليل يا محمود وفيه أسئلة كتير خطأ أكيد المستر بتاعك قال عليها
وعلى فكرة الدليل لم يتغير منذ ثلاث سنوات يعني مفيش نسخة 2011

[keen_wwe55]

انا مشكلتي المعادلات مش لاقي حل عايز حد ينصحني

[د / الشيماء]

اوكى يا محمود سورى

بالنسبة للتفاعل الطارد هو بيتعرف من قيمة دلتا h اما بتكون سالب بيبقى طارد , موجب يبقى ماص
بس هيا فى الدليل غلط المفروض تبقى موجب

وهيبقى تفاعل ماص للحرارة

المعادلة التانية : ميل الكترونى , اختزال ، تفاعل طارد

المعادلة التالتة : المصطلح : جهد تأين ثانى
علاقته بمفهوم المعادلة اللى بعدها انو اكبر من جهد التأين الاول وانت عارف التعليل بقا .....

وزى ما مستر محمد قال فى غلطات كتيـــر فى الدليل

[Twilight2011]

المشاركة الأصلية كتبت بواسطة محمد عبد السلام

أنا عارف أنهم في الدليل أنا حافظ الدليل يا محمود وفيه أسئلة كتير خطأ أكيد المستر بتاعك قال عليها
وعلى فكرة الدليل لم يتغير منذ ثلاث سنوات يعني مفيش نسخة 2011

لا يا مستر محمد ..... هو مش بيحل معانا اسئلة الدليل احنا بنحل امتحانات السنوات السابقة فقط انا اللى بحل الدليل لوحدي عشان كده بستشيركم

المشاركة الأصلية كتبت بواسطة الشيماء22

اوكى يا محمود سورى

بالنسبة للتفاعل الطارد هو بيتعرف من قيمة دلتا h اما بتكون سالب بيبقى طارد , موجب يبقى ماص
بس هيا فى الدليل غلط المفروض تبقى موجب

وهيبقى تفاعل ماص للحرارة

المعادلة التانية : ميل الكترونى , اختزال ، تفاعل طارد

المعادلة التالتة : المصطلح : جهد تأين ثانى
علاقته بمفهوم المعادلة اللى بعدها انو اكبر من جهد التأين الاول وانت عارف التعليل بقا .....

وزى ما مستر محمد قال فى غلطات كتيـــر فى الدليل

اوك يا شيماء شكراً اوي وعلى فكرة المستر صلحلنا دي بقه وقال ان المفروض دلتا اتش تكون موجبة مش سالبة والدليل ده بيكون مليان غلطات فى كل المواد مش الكيمياء بس .....
ويلا عشان انا هكتب اسئلة الباب الثالث

[روحاء هندسه]

مستر معلش في اجابة زميلي محمود على حكايه s و +s هو اختار s وحضرتك أقريت الاجابة


بس مش ده بيكون بالنسبه فقط للميل الاكتروني؟؟


لكن جهد التأين مش بيتعمل كدة بيتعمل على أساس الشحنة الموجبة الزيادة



صح ولا ايه؟؟