حساب 278 جنيه وعدد المستفيدين من الحد الأدني للأجور

[أحمد علي]

أخواني : الحكومة رصدت في موازنة العام الجديد مبلغ 7‎,5‎ مليار جنيه لزيادة الحد الأدني للأجور وبعمل حسبة بسيطة لمعرفة عدد المستفيدين من الحد الأدني وبأفتراض أن كل موظف بالدولة سوف يأخذ مبلغ 278 جنيه شهريا أي في العام 3336 جنيه وبقسمة 7‎,5‎ مليار علي مبلغ 3336 جنيه يكون عدد المستفيدين من الحد الأدني للأجور هم 2 مليون و248 ألف مستفيد . بينما عدد العاملين بالدولة أكثر من 5 مليون موظف منهم مليون مدرس . يبقي هناك احتمال أن مبلغ الزيادة 278 جنيه يقل كلما زادت الدرجة يعني الي علي الدرجة الأولي حتكون زيادته أقل من الدرجة السادسة

[amin_mubarak]

السلام عليكم ورحمة الله وبركاته
يا أخى الكريم أعتقد أن هناك وزارات كامله مستثناه من تطبيق الحد الأدنى لأنها بطبيعتها تبدأ المرتبات فيها بأكثر من 700 جنيه
مثل الشرطه ( وهذه زادت بعد الثوره بنسبة 100% ) مثل وزارة الماليه والإستثمار والسياحه والإعلام ووزارة النقل والإتصالات
والتعليم العالى
اما المبلغ 7.5 مليار جنيه موجه للوزارات ذات الأجور المنخفضه جدا
والله أعلى وأعلم

[ابواحمدومحمد]

المشاركة الأصلية كتبت بواسطة مصر السلام

أخواني : الحكومة رصدت في موازنة العام الجديد مبلغ 7‎,5‎ مليار جنيه لزيادة الحد الأدني للأجور وبعمل حسبة بسيطة لمعرفة عدد المستفيدين من الحد الأدني وبأفتراض أن كل موظف بالدولة سوف يأخذ مبلغ 278 جنيه شهريا أي في العام 3336 جنيه وبقسمة 7‎,5‎ مليار علي مبلغ 3336 جنيه يكون عدد المستفيدين من الحد الأدني للأجور هم 2 مليون و248 ألف مستفيد . بينما عدد العاملين بالدولة أكثر من 5 مليون موظف منهم مليون مدرس . يبقي هناك احتمال أن مبلغ الزيادة 278 جنيه يقل كلما زادت الدرجة يعني الي علي الدرجة الأولي حتكون زيادته أقل من الدرجة السادسة

الحد الادني للاجور معمول للناس الغلابه اللي تحت خط الفقر
زي المدرسين (اللي عاشوا بمبدا الضمير وان الدروس الخصوصيه فيها شبه حرام وطبعا في الاخر بيندموا انهم عاشوا في المبادئ والاوهام ولكن بعد فوات الاوان) والمحليات
عدد المعلمين حوالي مليون و200 الف
خرج منهم من هم فوق 700 جنيه بدون الكادر مثل المدراء والموجهين ورؤساء الادارات وما فوقهم
يصفوا تقريبا علي 600 الف مدرس
وطبعا مش الكل هيزيد 278 لان فيه اللي هيزيد 100 واللي هيزيد 50 او 200 او30 جنيه فكلما اقترب من 700
قلت الزياده
وزي ما قلت شيل من 6.5 مليون موظف الموظفين في البنوك والضرائب والشرطه والبريد والاتصالات
وغيرها من الهيئات التي تاخذ حوافز فقط اضعاف اضعاف الحد الادني
وبتفكير بسيط تصل للحل
وهو ان الدوله بتضحك علينا والايام قادمه وستثبت ذلك
خداع الدوله للمصريين مستمر قبل الوره وبعد الثوره
فمصر ما خلقت الا لتسرق هي وشعبها

لك الله يامصر

[نصرالدين36]

والله مصر مشكلتها تحتاج لمن يتقى الله
والتار يخ شاهد على خيرات مصر التى لا تنقطع
مرورا بعهد سيدنا يوسف عليه السلام وحتى عهد امير المؤمنين
عمر بن عبدالعزيز رضى الله عنه
فعندما يحكم مصر من يتقى الله سوف تحل كل المشاكل بإذن الله
ولن يحدث ذلك إلا إذا بدانا بانفسنا واولادنا بتقوى الله

[wahsh2008]

سبحــان الله وبحـمـده سـبحـان الله الـعـظـيم

[عمران جابر مهني]

الحمد لله علي نعمة الصبر والنسيان لقد نسينا مع الحكومة السابقة كل متع الحياة

[braamahmoud]

يا ترى الوزير اى وزير فى بلدنا بيتقاضى كم فى الشهر؟ الحكومة طول عمرها بتضحك على الناس الغلابة ومفهماهم ان البلدفى شدة كنا قبل الثورة البلد تعبانة والاقتصاد وحش وبعد الثورة البلد مفلسة والاقتصاد فى ركود بسبب الثورة انا عايز افهم ايرادات البلد بتروح فين واحنا من اغنى الدول بشهادة خبراء الاقتصاد العالميين وعايز اقول للسادة الوزراء اصحاب البدل والكرفتات الشيك( الذين يغيرون كل يوم بدلة) وذوى الاملاك والسيارات الفارهة مش هتقدروا تضحكوا على الناس ب278 جنية عمى وانتظروا الثورة الجامحة(ثورة الجياع) التى ستأكل كل ما فى طريقها الاخضر واليابس وسلمولى على بتوع الحد الادنى.