ذهبت الى منطقة طنطا

[emadomda]

كل واحد بيفتى.... ياجماعة اصبروا لشهر 7 ونشوف ايه......بلاش نعمل مشاكل بدون ما نتأكد ... أنا والله كنت فى المنطقة من أسبوع وسألت شئون العاملين فى طنطا قال احنا رجع لنا ورق الناس اللى مش ها تتثبت ولم يمضوا 3 سنوات وورق الباقين بيتراجع عشان ها يتثبتوا وفى شغل جامد عن التثبيت وراجعوا الفاكسات والمنشورات .....عايز واحد يجيبلى منشور واحد ان مفيش تثبيت

[مستر/ عبدالكريم على]

هات لى انت منشور واحد يبين معاد محدد للتثبيت

[أبوووووعبدالرحمن]

الوقفه والاعتصام هو الحل الفورى

[_sara_]

نعم الوقفه والاعتصام هو الحل الفورى

[emadomda]

يعنى انتى ها تعتتصمى يا سارا

[يارب عفوك]

ساره لازم تعتصم طالما مفيش رجاله هيقوموا بالمهمة دى

[السمنودي]

كلنا معاك فى الإعتصام يا سارا

[محمود 511]

اناخايف ندخل متاهة شهر سبعه واول السنه

[totia]

ان شاء الله ياجماعه فى تثبيت دا حقنا القانون بيقول كدا هو احنا مش عدى علينا 3 سنين واكتر ولا ايه

[omda2008]

لا بد لمتعاقدى الازهر ان يذهبوا لمقابلة شيخ الازهر شخصيا فى مكتبه والتحدث معه ومناشدته بان يعطينا حقوقنا و يلبى لنا مطالبنا فلقد عانينا وصبرنا كثيرا وهذه المطالب هى
1- التثبيت الفورى لمن أمضى ثلاث سنوات مع ضرورة إرسال إخطارا لكل معلم بقرار التثبيت ورقمه وتاريخه.
2- ضم المدة التى تم العمل بها أثناء التعاقد الى تاريخ التعيين.
3- إستعادة جميع الخصومات والاستقطاعات المالية وبأثر رجعى.
4- سرعة تحويل العقود الموسمية الى تعاقدات مكافأة شاملة دون تباطؤ أو تأخير.
5- صرف كادر المعلمين المتعاقدين الذين اجتازوا اختبار الكادر بتاريخ 20/11/2009 وبأثر رجعى.
6- زيادة أجر المعلم الى 1200 جنيه ورفع قيمة المكافأة الى 400 يوم.
7- إلغاء إختبار الكادر الذى لم يحقق إنجازا للعملية التعليمية والذى يعد بمثابة إهانة لكرامة المعلم, مع استبداله بدورات تدريبية لتحسين أداء المعلمين.
8- تأسيس نقابة مستقلة للمعلمين الأزهريين تدافع عن حقوقهم.
9- إستقلال الأزهر من أجل استرجاع هيبته ومكانته العالمية.

[SHENDO25]

"التنظيم والإدارة": لم يصل "الجهاز" ما يفيد تعيين 34 ألف من أوائل الخريجين

الثلاثاء، 21 يونيو 2011 - 16:46
الدكتور صفوت النحاس رئيس الجهاز المركزى للتنظيم والإدارة
كتب وليد عبد السلام

أكد الدكتور صفوت النحاس رئيس الجهاز المركزى للتنظيم والإدارة، أن محافظة القاهرة لم ترسل أى بيانات بشأن تثبيت عمال نظافة وتجميل المحافظة حتى الآن، مطالباً الدكتور عبد القوى خليفة محافظ القاهرة بإرسال مسوغات تعاقدهم وما يفيد استمرارهم بالعمل تمهيداً لدراسة تعيينهم من عدمها.

وقال النحاس فى تصريحات لـ "اليوم السابع"، إن مجلس الوزراء ووزارة التعليم العالى لم يرسلا أى خطابات حتى مثول الخبر للنشر تفيد تعيين ‏43‏ ألفا من أوائل خريجى الجامعات والحاصلين على الدكتوراه والماجستير فى مختلف الوزارات والمصالح الحكومية والجامعات.

وكان الجهاز أعلن فى وقت سابق أن الدرجات الشاغرة المحتفظ بها على سبيل التذكار المتوفرة بالجهاز، خاصة بالدرجات الشاغرة للكادر العام وليس الخاص.

وطالب الجهاز بضرورة موافاة وزارة الزراعة ببيان تفصيلى عن درجات الكادر البحثى الشاغرة، بدأ من درجة أستاذ مساعد وحتى باحث مساعد بكافة مراكز البحوث الزراعية.

وأشار إلى موافقة الجهاز على تمويل 617 وظيفة على الدرجات البحثية بعدد 9 باحثين و198 باحثا مساعدا و410 مساعدين باحثين، على أن يتم إخطار الجهاز بالدرجات الشاغرة والمقترح إعادة توزيعها واستخدام تكاليفها لتمويل العجز فى الدرجات.

[مستر/ عبدالكريم على]

النحاس ده من فلول النظام السابق

[ركن الدين]

يانس ياهو عتبر ياسيدى كلامك صح وزى ماتقول انه فى تثبيت لوعملنا اعتصام حيبطلو ومش حيثبتو حد
لا طبعا لو عملنا الاعتصام لو مفيش حيبقى فى ولو فى حيتم بسرعه

[ركن الدين]

وبعدين النحاس ده ربنا ال رايحنا من درويش قادر عز وجل ياخده خالص

[عطر الجنه1]

والله انتم عملين زى اللى فى غيبوبه زملائنا وصل لهم منشور تجديد العقود وانتم لسه بيسالوا فى تثبيت ولا لا
؟؟؟؟؟؟؟؟؟؟؟؟؟؟؟؟؟؟؟؟؟؟؟؟