أنا أعترض على الحذف...حسبى الله ونعم الوكيل

[IL Madrigal]

أنا الحمد لله حليت الامتحان كله صح وجمل الأختيارى اللى كانت مش مشكله خالص أو سهله بالنسبه ليا بس كنت متأخر وبحل القصه ومعملتش الـــQOUTATION صح عملته وليد لأيمن وعشان ما ابقاش قليل ألاصل اللجنه كلها بتاعتى مليتها سؤال الأختيارى كامل وكله طلع مبسوط ومرتاح
أجى أبص على الحذف ألاقى الناس اللى طالعه تعيط هتجيب أكتر منى وأنا اللى كان صحابى بيبوسوا دماغى عشان مليتهم سؤال التشوز صح أجيب أقل منهم؟؟؟
أنا أعترض وبشدة على الحذف ولو كان فيه مسئول أكلمه كنت هقوله الكلام دا ؟؟؟

أنا حليت كدا:
2: كانت synthetic لأنى عارف معانى الكلمات التانيه وكنت متأكد منها
5: عملتها ALthough عشان أنا كنت بغلط فيها كل حصه والمستر كان بيزعقلى وأحيانا بيضربنى
10:bilngual لانى عارف أن الكلمات التانيه مش مناسبه واحدة أمى متنفعش خالص والكلمه اللى شبهها كنت عارف أن mono بادئه بمعنى واحد فمتنفعش
11:كنت متأكد من أنها superstition بمعنى خرافه والحمد لله كنت عارفها
16:حليتها مع المستر كتير وأعتقد أنها من كتاب Top Students
رقم خمسه فى القطعه التانيه خدتها بالمعنى وأخترت unconvincing وفى الاخر وبعد دا كله يطلع عندى غلطه؟؟!!!

حسبى الله ونعم الوكيل

***********************

الحمد لله الكوتيشن طلع صح
أن شاء الله 25 ربنا يستر
بالتوفيق لكل الاخوة

[hishamahmed]

انا حليت الاختياري كله صح برده

[hishamahmed]

ازاي يلغي الاختياري اللي عليهم درجة الا ربع كان اولى يلغي الquotation حسبي الله ونعم الوكيل

[A1one]

Me Too

بس ده حقهمـ ..

[Tam top]

يا حماعه في نموذج الجابه الكوتيشن طالعه وليد لايمن ايه المشكله بقى ؟

[vigooo]

اللي عملهم صح هايخد درجتهم
واللي عملهم غلط درجتهم هاتضاف للاسئلة التانية
يعني اللي عملهم صح خد حقه واللي عاملهم غلط خد حقه

[LordOmar]

أضم صوتى معاك
حليت الحاجات اللى ناس كتير محلوهاش حليتها صح
وفى الاخر يحذفو
عشان انا عندى فى القصة حاجات غلط حرام والله

[vigooo]

وعالفكرة literate معناها متعلم مش امي

[LordOmar]

بس فى الاخر تيجى وتفكر حتقول ان الله لا يضيع اجر من احسن عملاً
انت تعبت يبقى ان شاء الله حتجيب اعلى من الناس دى
وحب لأخيك ما تحب لنفسك

وان شاء الله حتعوض فى مواد تانية لسه الجبر والكيميا

[vigooo]

أعلنت وزارة التربية والتعليم اليوم الأحد على صفحتها بموقع التواصل الاجتماعي "فيس بوك " إلغاء 4 جزئيات من امتحان الانجليزي بالمرحلة الأولي بالثانوية العامة وضم درجات الجزئيات الملغاة إلى باقي السؤال الثالث.
وجاء في بيان الوزارة كالتالي: " بناءً على ما ورد إلى وزارة التربية والتعليم من شكاوى بعض طلاب المرحلة الأولى بالثانوية العامة، من احتواء الورقة الامتحانية على بعض الجزئيات من خارج المقرر الدراسي، وحرصاً من الوزارة على مصلحة أبنائنا الطلاب، أمر الوزير د.أحمد جمال الدين موسى بتشكيل لجنة محايدة لدراسة وتقييم الاختبار المشار إليه، والتي انتهت إلى عرض ما يلي:
1 .حذف الفقرات أرقام (2) و(10) و(11) و(16) من السؤال رقم (3) بورقة الأسئلة (الاختيار من متعدد)، لاحتوائها على مفردات لم تدرس في إطار المقرر الدراسي.
2 . إضافة درجات الفقرات إلى الفقرات أرقام (1) و(3) و(4) و(5) على الترتيب في نفس السؤال.
بشرط ألا يترتب على ذلك ضرر يقع على الطالب الذي أجاب إجابة سليمة على الأجزاء المحذوفة.

[IL Madrigal]

المشاركة الأصلية كتبت بواسطة tam top

يا حماعه في نموذج الجابه الكوتيشن طالعه وليد لايمن ايه المشكله بقى ؟

متأكد من الكلام دا؟؟؟

[vigooo]

اقرأ اخر جزئية في القرار "بشرط ألا يترتب على ذلك ضرر يقع على الطالب الذي أجاب إجابة سليمة على الأجزاء المحذوفة"

[IL Madrigal]

المشاركة الأصلية كتبت بواسطة lordomar

بس فى الاخر تيجى وتفكر حتقول ان الله لا يضيع اجر من احسن عملاً
انت تعبت يبقى ان شاء الله حتجيب اعلى من الناس دى
وحب لأخيك ما تحب لنفسك

وان شاء الله حتعوض فى مواد تانية لسه الجبر والكيميا

والله يا عمر أنا بحب الخير لكل الناس وزى ما كتبت أنا مليت زمايلى الانجليزى كله ومش الانجليزى بس دا كل المواد وأنا عارف أن فيهم ناس ممتازة وممكن تجيب أكتر منى بس انا نيتى خير
+
يارب يسمع من بقك وشكرا ليك

[IL Madrigal]

المشاركة الأصلية كتبت بواسطة vigooo

اقرأ اخر جزئية في القرار "بشرط ألا يترتب على ذلك ضرر يقع على الطالب الذي أجاب إجابة سليمة على الأجزاء المحذوفة"

يا فيجو يا حبيبى أنا عارف كدا بس مش اللى انا أقصدة
أنا أقصد أن الخطأ عندى بعيد عن التشوز وهما مش هيضروا اللى عنده خطأ فى التشوز وحالل الاسئله دى صح

[IL Madrigal]

المشاركة الأصلية كتبت بواسطة vigooo

وعالفكرة literate معناها متعلم مش امي

يا راجل؟؟ دا أنا قريتها illiterate