ممكن مساعدة من طلاب الثانوى

[hobahoby]

يا جماعة انا رايحة تانية ثانوى السنة دى ان شاء الله

بس للاسف معرفش مدرسين
وكل الناس بيقولوا ان الشهر دة اخر ميعاد للحجز وبعد كدة مش هلاقى حتى نملة و لحد دلوقتى ملقتش حد خالص
هو الكلام دة صحيح ولا هما بيخوفونى وخلاص

[hobahoby]

شكرا لحضرتك يا استاذ apido معلش مش راضى يبعت رسالة خاصة للأسف
عند حضرتك حق فى كل كلامك بس ابدأ احجز دلوقتى من مين معرفش حد خالص انا فعلا فى القاهرة لو حضرتك تعرف حد قولى عشان الحق احجز

[sad nono]

ممكن تسألي زميلاتك وتعرفي منهم ارقام المدرسين وكدا

[hobahoby]

اه مانا فكرت فى كدة بس هما بردوا ميعرفوش حد الا مدرسين اولى بس مكنتش بفهم منهم فى اولى يبقى هفهم فى تانية اكيد لا مش عارفة اعمل اية خالص

[Nada Dody]

يبنتى الحقى بسرعة
شوفى اى حد من صحابك او قرايبك اللى دخل الثانوية و خدى الارقام منه و احجزى
و ما تحجزيش ف المادة الواحدة عند مدرس واحد احجزى عند اكتر عشان لما تروحى مثلا و ما عجبكيش شرحه و مش مرتاحة معاه ما تحتاسيش و تقدرى تغيريه
بس ما تعمليش كدة كتيير استقرى ع واحد ما تعديش كل شوية تغيرى عشان ما تتوهيش

ربنا معاكى و معانا ان شاء الله

[waleedabu]

الموضوع مش صعب للدرجة دى شوفى زميلاتك المتقوقات رايحين عند ممين وروحى زيهم والمهم المذاكرة المذاكرة بتاعتك دى الاهم
طبعا الدرس بردة مهم بس روحى مع اللى رايحين عادى وذاكرى كويس

[hobahoby]

المشاركة الأصلية كتبت بواسطة Nada Dody

يبنتى الحقى بسرعة
شوفى اى حد من صحابك او قرايبك اللى دخل الثانوية و خدى الارقام منه و احجزى
و ما تحجزيش ف المادة الواحدة عند مدرس واحد احجزى عند اكتر عشان لما تروحى مثلا و ما عجبكيش شرحه و مش مرتاحة معاه ما تحتاسيش و تقدرى تغيريه
بس ما تعمليش كدة كتيير استقرى ع واحد ما تعديش كل شوية تغيرى عشان ما تتوهيش

ربنا معاكى و معانا ان شاء الله

عارفة ان عندك حق بس مش لاقية حد خالص عشان احجز الا الفرنساوى واصحابى زيى بالظبط
وقرايبى بعيد عنى خالص اكيد كل يوم هروح من عين شمس لشبرا مع ان هناك مدرسين جامدين جدا و كل اللى بياخدوا معاهم بيجيبوا درجات عالية وبيدخلوا كليات حلوة جدا

ربنا معاكى ومعانا :022yb4

:

[hobahoby]

المشاركة الأصلية كتبت بواسطة waleedabu

الموضوع مش صعب للدرجة دى شوفى زميلاتك المتقوقات رايحين عند ممين وروحى زيهم والمهم المذاكرة المذاكرة بتاعتك دى الاهم
طبعا الدرس بردة مهم بس روحى مع اللى رايحين عادى وذاكرى كويس

عارفة ان اهم حاجة المذاكرة بس لازم افهم الاول بردو
اصحابى زيى ميعرفوش الا مدرسين اولى بس دول مفهمتش منهم حاجة فى اولى يبقى هفهم فى تانية
نفسى فى حد يكون متخصص مش اى حد
وشكرا جد ا

[Nada Dody]

طيب اسالى جيرانك
حد يكون عدا ثانوى او ف تالته المهم يكون يعرف مدرسين و شوفى
ربنا معاكى يا رب
و تلجقى الحجز
فعلا اهم حاجة المذاكرة بس الدروس بقت لازم ف الثانوية و جنبها المذاكرة طبعا
و ربنا يوفقنا يا رب

[waleedabu]

الموضوع مش بالصعوبة دى اسالى الناس ولا انتى فى صحرا اية ؟ الناس اللى خلصت وطلاب تانيو وزميلاتك كدة ومتروحيش عند الاساتذة اللى فهمتيش منيهم غيرى انتى صح

[hobahoby]

الحمد لله يا جماعة ابتديت الاقى شوية
بس ممكن اسألكم سؤال الدرس احسن ولا السنتر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[sad nono]

الحمد لله يا جماعة ابتديت الاقى شوية
بس ممكن اسألكم سؤال الدرس احسن ولا السنتر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مواد ومواد ،، يعني مثلا مادة زي الانجليزي السنتر هو احسن حاجة ومهما جبتي مدرسين مش هتحسي انك فاهمة اوي وعن تجربة علفكرة ،،
اما مثلا الرياضيات ، الاحياء ، الفرنسي انا شايفة ان الدرس احسن ..
والعربي كمان السنتر فيه بيبقا كويس وممكن يبقا سنتر ودرس مع بعض خصوصا في العربي ...
ومتقلقيش خالص ان شاء الله تعرفي تحجزي على مهلك انا حتى لسا محجزتش ولا درس ..
ولو محتاجة حاجة ممكن تقولي محافظتك واللي معاكي يدلوكي على مدرسين كويسين ،،
ربنا يوفقك ويوفقنا جميعا ان شاء الله ،،
والسلام عليكم ،،

[فاطمة456]

هو اية السنتر ده؟؟؟؟؟؟؟؟؟

[waleedabu]

المشاركة الأصلية كتبت بواسطة فاطمة456

هو اية السنتر ده؟؟؟؟؟؟؟؟؟

وانا كمان بضم صوتى لصوتك وبناشد المسئولين انهم يقولوا لنا اية السنتر ؟

[..: Pink rose :..]

انا كمان ماعرفش ايه الفرق بين السنتر و الدرس في مجموعات