ياريت حد يقولنا ايه اللي جه في مراجعة التليفيزيون؟

[عبدالرحمن1991]

انا سمعت يا جماعه ان المراجعه اللي اتعملت ف التليفيزيون مش هيخرج عنها الامتحان
فياريت لو حد تابعها يعرفنا ايه اللي جه فيها
ارجوكم
احسن لو جه منها حاجه ف الامتحان هتبقي حسرة؟

[meto2014]

الف شكر ليك

[لؤي وائل الخطيب]

بص ياعبد الرحمن انا هتكلم عن مراجعة القناة التانية الرسمية
المراجعة جيه فيها اسئلة كتير بس كلها سهلة وعادية من الاسئلة بتاعتنا
والراجل نبه إن الامتحان مش هيخرج عن الامتحانات السابقة وعن المراجعة ديه وكلها مستوى عادي الحمد لله

ارجو الدعاء وربنا يوفقنا جميعاً

[عبدالرحمن1991]

الف شكر يا لؤي
بس يعني لو توضح شويه
الحاجات الصعبه او المسائل اللي فيها فكره
لو تكرمت يعني
ويارب تنتش الخمسين بكره

[لؤي وائل الخطيب]

آمين يارب جميعاً
مفيش افكار خالص
كلها تعريفات وتعليلات عادية عدت عليك ,
من الحاجات اللي فاكرها بيقول اذا نقص الحجم ودرجة الحرارة ثابتة
فبتقول طبقاً لبويل
p1v1=p2v2 في تناسب عكسي بين الحجم والضغط عند ثبوت درجة الحرارة يبقى الضغط هيزيد .
المسائل مثلاً كلها تعويض مباشر
ركز على الفصول الاخيرة والامتحانات السابقة ويارب ننتش الخمسين بكرة والايام الجاية ياااااااااارب , تفاصيل الاسئلة بالظبط مش فاكرها باعبده بس هو في مستوى المثال ده

[لؤي وائل الخطيب]

آمين يارب جميعاً
مفيش افكار خالص
كلها تعريفات وتعليلات عادية عدت عليك ,
من الحاجات اللي فاكرها بيقول اذا نقص الحجم ودرجة الحرارة ثابتة
فبتقول طبقاً لبويل

p1v1=p2v2 في تناسب عكسي بين الحجم والضغط عند ثبوت درجة الحرارة يبقى الضغط هيزيد .
المسائل مثلاً كلها تعويض مباشر
ركز على الفصول الاخيرة والامتحانات السابقة ويارب ننتش الخمسين بكرة والايام الجاية ياااااااااارب , تفاصيل الاسئلة بالظبط مش فاكرها باعبده بس هو في مستوى المثال ده

[sarsoraa24]

متعرفش الامتحنات من سنه كام من فضلك

[عبدالرحمن1991]

الف الف شكر ربنا يوفقك بكره و تعود بالغنائم مجبور الخاطر

[لؤي وائل الخطيب]

آمين يارب جميعاً ,
Sarsoraa24
هو ماحددش بس انتي ذاكري مثلاً من 95
ولكن التركيز الاكبر على اخر 5 سنين

[egyptiancool]

هيعيدوا دلوقتي البرنامج تاني هما كاتبين كده

[msh-tlba]

الامتحان باذن الله سهل جدا ، بس هيكون نقطتين تلاتة كدا للمستويات العليا ...
خير ان شاء الله يا شباب .