.. سؤالى مش فى الامتحان .. سؤالى حرام ولا حلال ؟؟

[nesma mohsen hamdy]

السلام عليكم ورحمة الله وبركاته
لما اسمع ان ابن صاحبة ماما اللى مكنش بيفتح كتاب بيقول على الامتحان سهل وانا بقولك عليه متوسط يبقى ايه
هقولكم يبقى ايه .. يبقى مفيش ضمير
لجنتى اللى كنت فيها مكنتش عارفه اتنفس و المراقبين شادين من اول دقيقه لحد اخر دقيقه
فى اللجنه اللى جمبى دخلوا غششوهم النحو
بقولها يا ... عملتى ايه فى النحو
قالتلى مش عارفه اصلى معملتش حاجه بمجهودى المستر دخل قالهولنها
يا فرحتى
طبعاً مدارس الصبيان اللى مشاء الله كانت سايبه اخر حاجه
كل مراقب خايف على نفسه
(( يالهوتى .. لاحسن يضربونى بسنجه ولا بمطوه فى جمبى اروح فى ابو بلاش )) لا يا عم انا هسيب اللجنه .. اكيد اكيد ربنا هيسمحنى
الواد اتصل بامه فى اللجنه يقولها يا ماما ده الامتحان سهل ميييه
يالهوى فى اسهل من كده
طبعاً مفيش
لما الواد يتصل بامه وهى اللجنه شغاله يبقى ايه
دلوقتى ايه الحلللللللللللل ؟؟؟
لجنتى واقسم بالله كل كلمه حليتها فى ورقتى بمجهودى
واتفاجئ ان واحد مذكرش جاب اعلى مني يبقى ايه
معرفش
بس اعتقد وفى النهايه بقول
ولا يستوى الذين يعملون باللذين لا يعملون
وحسبى الله ونعم الوكيل

[yazo300]

عند نا واحدفى اللجنةنزل الحمام 4 مرات
بس مش عاارف كان عيان ولا بيستعبط
بس كان فيه لجان شدين جاااامدعليها

[AHMED 00]

انا مش فاهم انتى زعلانة علشان معرفتيش تغشى يعنى ..........
مش عارف ليه حاسس من كلامك انه عشان يبقى فى ضمير يبقى نقنن الغش او نسيب اللجان كلها بقى هههههههههههههه

احمدى ربنا انك مغشتيش وانه كله بمجهودك وربنا هيباركلك ان شاء الله

وعلى فكرة كل الناس بتبقى خارجة من الامتحان وتفتكر انها هتقفل والواحد يعينى يفتكر انه غلبان وفى الاخر نصهم بيقع لانهم مبيبقوش عارفين هما بيغلطوا فيه ....... والكلام ده كل سنة هههههههههه

[a_el7attab_n]

المشاركة الأصلية كتبت بواسطة nesma mohsen hamdy

السلام عليكم ورحمة الله وبركاته
ل
بس اعتقد وفى النهايه بقول
ولا يستوى الذين يعملون باللذين لا يعملون
وحسبى الله ونعم الوكيل

الخــــــــــــــــــــــــلاصــــــــــــــــة

[nesma mohsen hamdy]

يا جماعه ولله مش بقولك كلنا نغش
بس المفروض يبقى فى مسواه
انا فاهمه اصلا انه حرام وربنا مش بيبارك
بس حرام اوى ان يعنى حد ميذاكرش ويجيب زيي وانا ذاكرت طول السنه
لازم يبقى فى حد للحكايه دى

[dugi]

يعني أنتي زعلانة إنك ما غشتيش ؟
يعني ايه اللجنة شادة لحد آخر لحظة ما دا الطبيعي امال المراقب دا بيعمل ايه
وبعدين مدارس الأولاد مش زيطة ولا حاجة مانتي عارفة إن في جيش وشرطة

[مصعب امين]

هو انتى منين يا نسمه ؟؟

[karimadel7]

ربنا عادل و مبيساويهاش في الاخر
المذاكر ربنا بيكرمه و الفاشل ربنا هينتقم منه لو كان غشاش
مفيش كلام تاني يقال

[a7medl0vers]

بصي يا نسمة انا واحد من الناس كنت في لجنة شباب بس اقسملك بالله الامتحان مفيش وقت اصلا للغش انا واحد من الناس ماسك القلم من اول اللجنة لاخرها وصابعي مروح وارم والله وكمان كنت لسة مخلصتش تعبير وسلمت الورقة واللي غشوا دول اكيد ناقصين كتير لانهم اكيد ملحقوش يكملوا ومفيش حد هيتساوا بمجهود حد تاني ذاكر وتعب باذن الله

[mahmoudelekhnawy]

ياجدعان والله ما في وقت تغشش ولا تغش انا من اول اللجنه لاخر دقيقه بكتب موقفتش القلم وبرضه في حاجات غلطت فيها بس الحمدلله احسن من ناس كتير وده مجهودي اللي عملته طول السنه اما اللي كانوا بيغشوا فهما ممكن يكونوا غشوا الصعب اللي ممكن نكون غلطنا فيه بس انا متاكد ان اي واحد غش عمره ما هيبقي في اجابته زي واحد بيكتب من دماغه من اول اللجنه لاخر دقيقه والحمدلله وننسي بقي علشان اللي جاي

[nesma mohsen hamdy]

كل واحد داخل يقولى انتى زعلانه انك مغشتيش
لا مش زعلانه
بس فى مقوله بتقول (( المساواه فى الظلم عدل ))
يعنى مش اجى فى لجنه اغشش الاجابات و حتى اللى مذاكر زيي يجيب اعلى مني ويقفل
وعلى فكره انا مش شايفه ان الامتحان كان طويل
انا خلصت قبلها بساعه اللى ربع !!!!!!!!!!!!!!!
وانا من حلوان

[bishoy2000]

بساعة الا ربع وغلطتى طب ازاى انا لو كان عندى ربع ساعة زيادة بس انا كنت قفلت الامتحان انا لحد ما كنا فاضل ساعة الاربع مكنتش كتبت تعبير او بصي حتى فى النحو يا بختك انك لاقتى ساعة الا ربع قبل الوقت ما يخلص

[ahlawy6105]

يا جماعة مالكو جايين ع البنت كدا؟؟؟؟؟؟؟؟؟؟؟؟؟!!!!!!!!!!!!!!!
انا شايف ان عندها حق لانها حاجة تخنق وتشل انك تطلع من امتحان صعب وانت مذاكر سواء غلطت او لأ وتتفاجأ بواحد طلعلك من تحت الارض قالك انا غشيت ولا كان معايا الامتحان
حاجة تــــــــــــــــــــشل
على ايامنا اتسرب الاحياء والفيزياء والانجليزى والرياضة بس
خلى املك ف ربنا ان حتى لو جابو اكتر منك ف تانية هيتبهدلو ف تالتة وان عدو ودخلو طب هيتبهدلو لأن الشاطرين بيسقطو ف طب امال الخايبين هيعملو ايه

[ahlawy6105]

كفاية حسد ف البنت يخرب بيت الحقد ههههههههههههههههه

[nesma mohsen hamdy]

يسلااااام
يعنى هى المشكله فى الوقت
المشكله ولله ان سؤالين الادب انا عارفه اصلا اجابتهم بس السؤال جاى بطريقه مش مباشره خلانى اتلغبط
وكمان النحو انا اساسا المشكله انى مش متأسسه فيه من صغرى كنت اول مره اخد درس عربى فى اولى ثانوى
فى ناس كتير قالو الامتحان طويل لدرجة انى شكيت انى نسيت سؤال !!!!!!!!!!!!!!
وعلى فكره يا ahlawy6105 بص هى مش بس المشكله اللى مش مذاكر
انا هجيبلك مثال
يعنى مثلا حد مذاكر زيي
اجيب انا مثلا حاجه وتمانين فى الميه
وهو يجيب حاجه وتسعين
وفى الاخر محدش هيقوله انت كنت بتغش فى اللجنه صح ؟؟؟؟
انا ليا ابن عمتى وواحده تانيه قريبتى كلهم مستواهم زيي
بس لما يجوا يقلولى انا جبت اعلى منك او يقارنوا بيا وبين حد تانى يبقى اكيد ظلم
لانى مغشتش ابداً وهما مشاء الله كانوا شغالين على ودنه
ولله انا مش بحقد على حد انا اتمنى الخير للكل بس اى حد يحط نفسه مكانى هيحس بحرقة الدم
فى سنه اولى انا كنت دحيحه فى الفزياء و صحبتى مكنتش فاهمه فيها كلمه
دخلت الامتحان هى جابت 12 وانا جبت 18
بس هى متعرفش فيها كلمه
ولا خدت درس بس فى الاخر عدت ونفس الحكايه الاحياء