دعوه لاسقاط لقب معلم مساعد

[marwaya]

السلام عليكم ايها المعلمين
أولا احب اشكر رجالنا على المجهودات العظيمه اللى عملوها عشان ناخد حقنا ونطالب بيه ، فعلا عملنا اللى علينا ورحنا وعملنا مظاهرة وكانت فعلا مليونيه وفعلا تعبتوا نفسكوا ورحتو عند الوزارة وكل مطالبنا اتنفذت وبقينا على درجه ماليه وكمان اتثبتنا ودخلنا الحد الادنى للاجور وهناخد 900 ومش عارف كام ( طبعا كل دا تريقة )
يخسارة معلمين مصر اللى ساكتين على حقهم بقينا ملطشة لكل فئات المجتمع ، العمال والدكاترة والاعلاميين و و و و و و و و و و و و و و كله عمل مظاهرة عشان ياخد حقة ، واحنا كل اللى فلحين فيه نعمل جروب ع الفيس وندخل المنتدى وكله يقول اعتصام اعتصام وكل واحد قاعد فى بيته مستنى يشوف مين اللى هيروح يجبله حقة
المهم
الموضوع دا عشان نلغى لقب معلم مساعد ............... ليه؟؟؟؟؟؟
يعنى ايه معلم مساعد ................ يعنى يدخل الفصل مدرسين مدرس اساسى ومدرس مساعد والمدرس المساعد طبعا بيساعد فقط ..................
او لو مادة عملى المدرس الاساسى يشرح نظرى والمدرس المساعد يشرح عملى ..........................
صح الكلام دا ولا ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟
هل دا بيطبق فعلا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ولا احنا زينا زيهم ؟؟؟؟؟؟؟؟؟؟؟؟؟؟؟؟؟؟؟؟؟؟
يبقى ايه لزمتها لقب مدرس مساعد يا اخواااااااااااااااااااااااااااااااتنا
انا خلاص هتجنن من كل حاجه فى وزارة التربية والتعليم دى قاعدين يمطوحوا فينا يمين وشمال واحنا ساكتين
هل عمرك سمعت عن طبيب متعين وبيقولوله طبيب مساعد ؟؟؟؟؟؟؟؟؟؟؟؟؟ او محامى مساعد او زفت وقطران مساعد ؟؟؟؟؟؟؟؟؟؟؟؟؟؟؟؟؟ سورى يا جماعة خرجت عن شعورى والله
واخيرا ربنا يحمى معلمى مصر

[همس الصمت]

انا مش شايفة حاجة خالص يا استاذة مروة فى لقب معلم مساعد على فكرة مع انى معلم مساعد يا دوبك اتعينت من فترة قليلة
شوفى انا وجهة نظرى انى لو عقد المعلم المساعد اتحسب مفيش مشكلة ان المدرس بعد الكليه يفضل معلم مساعد سنتين وبعدها يدخل امتحان ويبقى معلم
هى المشكلى فى طريقة تقويم المعلم المساعد
انما لقب معلم مساعد لا يعيب المعلم الجديد
كفانادعوات بقى احنا مش عارفين نحقق حاجة من كتر الدعوات والوقفات اللى عاوزينها
احنا لازم يكون لينا وقفة واحدة ومش بأى حاجة وخلاص انما بحقوق ووجبات

[همس الصمت]

طبعا استاذة مرو احنا كلنا فى مركب واحدة
والمركب دى ياما هننجوا كلنا او هنغرق كلنا والاختلاف فى الرأى لا يفسد للود قضية

[mohammed ahmed25]

مش الدكاتره وامناء الشرطه وبس
الجديد بقى ان عمال النظافه اعتصموا امام ديوان عام محافظة اسيوط النهارده

[المريسي]

المهم النتيجة من الاعتصام

[asekot]

اصلنا من اصل الشعب الاصلى اللى خاف سلم واحنا اجبن فئه فى المجتمع وعمر ما الحق هييجى لعندنا احنا لازم ناخده

[mohammed ahmed25]

كل موازنــــــــــــــــــــــــــــــــه واحنا طــيبــــــــــــــــين

كتب- ناصر فاض:



قرر مجلس الوزراء اليوم برئاسة الدكتور عصام شرف إحالة موازنة الدولة الجديدة للعام المالي 2011 ، 2012 إلى المجلس الأعلى العسكري لإقرارها خلال الأيام القادمة.
وقال بيان مجلس الوزراء: إن الحكومة وافقت على تعديل مسار المرحلة الثالثة للخط الثالث لمترو الأنفاق بطول 7 كيلو مترات لتوفير 2.8 مليار جنيه من التكاليف الإجمالية للمرحلة. ويقضي التعديل بتحويل بعض المسافات لتصير سطحية بدلا من نفقية .
وأشار البيان إلى أن الاجتماع ناقش قضايا محلية وخارجية عديدة ،من بينها التأكيد على إلغاء ضريبة الأرباح الرأسمالية التي أثارت أزمة خلال الأيام الماضية وتأثرت بها البورصة.




اقرأ المقال الأصلي علي بوابة الوفد الاليكترونية إحالة موازنة الدولة إلى "العسكري"
http://www.alwafd.org/index.php?opti...tid=102:الشارع السياسي&Itemid=105#axzz1OOjJO6TR

[بنت دمياط]

واحده واحده ومنمعلم مساعد لمعلم ان شاء الله بس مشكلتنا ان كل حاجه بتيجى على كام سنه كده وممكن اجيال تروح وتيجى واحنا زى مااحنا منتظرين ايه تقريبا القرار .....تحياتى