خدوا بالكم

[Om Salma3]

اوعوا حد يطالب بالغاء الكادر. احنا الحمد لله طالبنا بالغاء امتحانات الكادر وليس نظام الكادر ككل .نظام الكادر بتاعنا زيه زي كادر الاطباء يعني المفروض نصر على تطبيق الكادر بالشكل الصح يعني الحد الادنى للمدرس اول تعيينه يكون زي ما بقى الدكتور 1200ج .الحكومه عايزه تضحك علينا وتخلينا احنا اللي نقول مش عايزين الكادر شيلوه وطبقوا علينا الحد الادنى.لا احنا اللي هنبقى خسرانين الكادر معناه تاخد فلوس زياده +مرتبك اللي محدداه الحكومه كل على حسب درجته الوظيفيه.وميمنعناش كمان من اي زياده سنويه .
ودي بعض المطالب التي ارجو ان نضمها غدا ضمن باقي المطالب:
1_تطبيق الكادر بالنظام الصح زينا زى الدكاتره 1200ج حد ادنى ولا تتهاونوا يقولوا مفيش ميزانيه نقول في هيه العداله الاجتماعيه ساووا بين مرتبات موظفي الكهرباء والبترول والدكانره والمعلمين وانتوا هتعرفوا تظبطوا الميزانيه.


2_ازالة الفروق الطبقيه التي وضعوها بين المعلمين بعضهم البعض كله يتعين كمعلم مساعد بلاش كلام فارغ ايه معلم بالاجر واخر مكافأه شامله بلاش قرف .


3-اعطائنا درجاتنا الماليه حيث اني اعمل مدرس مساعد وسالت في مديرية طنطا عن الاجازه بدون مرتب على اعتبار اني اترقيت وبقيت معلم قالوا لسه انتوا معلم مساعد علشان الدرجات مش راضيين يبعتوها من التنظيم والاداره.

يوم كرامة المعلم غدا ان شاء الله اوعوا نضيع حقنا علشان ربنا هيحاسبنا لو مدورناش عليه وحاربنا علشان نخده.
مفيش دكتور بالتعاقد ولا دكتور مكافأه شامله ولا دكتور بياخد 105ج.زي مالقوا فلوس وميزانيه للدكاتره والوزراء والمستشارين بتوع الوزراه هيلاقولنا.

بس هم كانوا لاقيينا ساكتين فساقوا فيها.

حقنا مش هنسيبه تاني يضيع مننا.

الله المستعان
ه.

[maths city]

اتفق معك طبعا

[marwa1985]

تمام

كلامك صح

[mido0200]

كلام جميل يحتاج للتنفيذ ومين يسمعنا