التربية والتعليم" تعلن تطبيق الحد الأدنى للأجور على المعلمين

[هويدااحمد76]

التربية والتعليم" تعلن تطبيق الحد الأدنى للأجور على المعلمين

السبت، 4 يونيو 2011 - 18:59

أحمد جمال الدين موسى وزير التربية والتعليم
كتب حاتم سالم
أعلن الدكتور طارق الحصرى مساعد وزير التربية والتعليم للتطوير الإدارى، أن المعلمين سيدخلون ضمن مشروع الدولة لإعادة هيكلة الأجور ، ووضع حدين أدنى وأقصى لها .

وأكد "الحصرى" فى تصريحات خاصة لـ "اليوم السابع" أنه أجرى ظهر اليوم اتصالا هاتفيا بالدكتور سمير رضوان وزير المالية، والذى أكد له أن المعلمين سيكونون أحد الفئات التى ينطبق عليها الحد الأدنى للأجور لأن رواتبهم عند بداية التعيين بالدولة لا تتجاوز 700 جنيه شهريا إلى جانب أن درجاتهم الوظيفية المقررة فى قانون الكادر مستوحاة من الدرجات المنصوص عليها بقانون العاملين بالدولة 47 لسنة 78 .

وكانت حالة من الجدل قد سيطرت على المعلمين خلال ال48 ساعة الأخيرة بعد انتشار أنباء عن استبعاد المعلمين من الجدول الجديد لأجور الموظفين بدعوة أنهم من أصحاب الكوادر الخاصة ، إلا أن مساعد وزير التعليم للتطوير الإدارى أكد أن المعلمين سيدخلون ضمن الفئات التى سينطبق عليها الجدول الجديد.

http://www.youm7.com/News.asp?NewsID...65&IssueID=168

[soma elsaied]

[تامر الفاضل]

ياريت يكون حقيقة علشان منولعش في نفسنا ومش هيكون وقتها الفلوس ولكن الاحساس بالظلم

[مريم اليكس2011]

لازم تفهمو ان الكلام ده رد فعل للي احنا قولناه واننا مكوناش ظالمينهم ولا حاجه كل مشاركاتنا عالمنتدي والفيس مقريه ومعروفه الف مبروك ويارب يتم الموضوع ده علي خير وبرضو نشوف راي الاغلبيه وانا معاكم

[Ahmed987]

حسبي الله ونعم الوكيل

[foxwood55]

يارب نفسي اشوف فيه وزير يتمسك بكلامه وميكنش فنجري بق فقط او يمتص غضب الناس وخلاص بعد كده يرجع في كلامه

[مريم اليكس2011]

مش عارفه ليه في جوايه حاجه مش مطمنه

[سنوات الانتظار]

يانهار ابيض والله الواحد بقى مش عارف احنا برة ولا جوة ولا واقفين ع الباب يعنى مفيش مسئول من وزارتنا اللى عندها شلل اطفال دى يطلع يوضح بدل الحيرة دى

[احمد محمد عبد المجيد]

حاسس ان فى حاجه غريبه فى الموضوع

[احمد_عصمت]

لازم تاكيد للخبر من وزارة المالية يا اخوانا مش عايزين حد يستخف بينا لغاية ما تعدي الثانوية العامة ولازم التطبيق يكون من 1 / 7 / 2011 مش يدونا في مسكنات وبعد شهر 7 يقولك الوزير يــــعـــــد بتطبيق الحد الادني ...... كمان ان رايي برضه نعمل وقفتنا الاحتجاجية برضه لو الخبر صحيح لكن منضربش عن امتحانات الثانوية عشان يحسوا ان البلد دي فيها معلمين وليهم صوت.... مش شوية خرفان

[هويدااحمد76]

المشاركة الأصلية كتبت بواسطة احمد_عصمت

لازم تاكيد للخبر من وزارة المالية يا اخوانا مش عايزين حد يستخف بينا لغاية ما تعدي الثانوية العامة ولازم التطبيق يكون من 1 / 7 / 2011 مش يدونا في مسكنات وبعد شهر 7 يقولك الوزير يــــعـــــد بتطبيق الحد الادني ...... كمان ان رايي برضه نعمل وقفتنا الاحتجاجية برضه لو الخبر صحيح لكن منضربش عن امتحانات الثانوية عشان يحسوا ان البلد دي فيها معلمين وليهم صوت.... مش شوية خرفان

انا بحاول اقول لكم الاخبار اول بأول بس انا متخوفة ان التصريح ده يكون مجرد مسكن لحد ما تخلص امتحانات الثانوية احنا عاوزين وزير التعليم يطلع على القنوات المصرية هو ووزير المالية لتأكيد الخبر ويوزعوا هذا القرار بالفاكس على جميع المدارس

[هويدااحمد76]

المشاركة الأصلية كتبت بواسطة foxwood55

يارب نفسي اشوف فيه وزير يتمسك بكلامه وميكنش فنجري بق فقط او يمتص غضب الناس وخلاص بعد كده يرجع في كلامه

انا بحاول اقول لكم الاخبار اول بأول بس انا متخوفة ان التصريح ده يكون مجرد مسكن لحد ما تخلص امتحانات الثانوية احنا عاوزين وزير التعليم يطلع على القنوات المصرية هو ووزير المالية لتأكيد الخبر ويوزعوا هذا القرار بالفاكس على جميع المدارس

[احمد عواد]

لازم نشوف الكلام دة من وزير المالية بالتفصيل مش واحد ملوش فيها او الاعتصام المفتوح يوم الثلاثاء

[منار على]

هو ايه اللى بيحصل بالظبط بين يوم وليله بقينا ضمن الحد الادنى ولا الخبر الاول اصلا كان غلط اكيد فى الموضوع دا حاجه غامضه

[math.sherif]

يعني يا جماعة دا مش اول كلام ولا آخر كلام من المسؤلين كل يوم يقولك كلمة من شكل ومن طبق مختلف غير الطبق التاني والله بقي علي حسب اللي بيسمع ويصدق أصل مراتبات التعليم المصري ضلع أعوج مثلها كمثل . . . . . خلقت من ضلع أعوج ( لا تستقر علي حال )
يعني مش مصديقينهم الا لما اي مسؤل يخرج ويكون متحمل مسؤلية كلامه اللي بيقوله يكون جرئ في قراراته
يا جماعة لابد من وقفة احتجاجية جااااااااااده بدل الاحلام دي
بصراحة خلاص يا جماعة مش متحمل والله الكلام دا كل يوم كلمة
حسبي الله ونعم الوكيل