"التربية التعليم" تُحذّر المعلمين من مقاطعة أعمال امتحان الثانوية

[شريف منير]

فى أول رد فعلٍ على الدعوة لمقاطعة أعمال امتحانات الثانوية العامة المقبلة، أكد مصدر مسئول بوزارة التربية والتعليم أن الوزارة ستعتبر كل من تخلَّف عن أعمال التصحيح والمراقبة – رغم ندبه لها - منقطعاً عن عمله، على أن يتم تخفيض درجات تقييمه السنوى.

وأوضح المصدر أن خفض الدرجات المخصصة فى التقرير السنوى لعنصرى الانضباط ومدى تحمل المسئولية سيؤثر سلباً على نصيب المعلمين - المقاطعين لأعمال الامتحانات - من الكادر، كما لن يُسمَح لهم بالتوقيع على دفاتر الحضور، إلا إذا قدموا إفادة من لجنة الإدارة المختصة بالموافقة على عودتهم لأعمالهم الأصلية.

وقال المصدر، الذى رفض ذكر اسمه، إن أعمال المراقبة والتصحيح فى الامتحانات تعد من صميم الأعمال الوظيفية، ولا يجوز الاعتذار عنها إلا وفقاً للقواعد الثمانى التى حددتها الإدارة العامة للامتحانات، وأهمها المعاناة من أمراض.

وكانت نقابة المعلمين المستقلة وعدة روابط للعاملين بالتدريس قد دعت إلى إضراب عن أعمال امتحان الثانوية العامة، الذى يبدأ السبت المقبل، اعتراضاً على صدور تصريحات من مسئولى وزارة المالية تشير إلى خروج المعلمين من مشروع إعادة هيكلة أجور العاملين بالقطاعين العام والخاص، باعتبارهم من أصحاب الكوادر الخاصة.


http://www.youm7.com/News.asp?NewsID=427971&SecID=97

[ayid]

وهكذا يتضح لنا كيف تنظر وزارة التربية والتعليم الى العنصر الاساسى فى العملية التعليمية فبدلا من ان يخرج علينا هذا الوزير الهمام بتصريحات يؤكد فيها ان مصلحة المعلم فوق كل اعتبار اذا هم يخرجون علينا من نوعية التصاريح اياها لتقيل الظلم ولا تفكر حتى فى رد فعل اى كان شكله للمطالبة بحقك .

[مجرد حلم]

اعملوا اللى تقدروا عليه يا وزارة بوليسية الى بيديرها شوية جهلة الواحد منهم بيسجل اسمه فى عشرين لجنة فى الوزارة وعلى اخر السنة يوصل دخلة الملايين واحنا نموت ولاد ----------

[Mohamed.Helmy]

حسبنا الله و نعم الوكيل فى كل ظالم

[ناصر65]

ههههههههههههه

اعمل كده مع كل المعلمين فى مصر .. وروح انت راقب وصحح

[أشرف المنوفى]

برضه إضراب ثم إعتصام

[هويدااحمد76]

المشاركة الأصلية كتبت بواسطة ناصر65

ههههههههههههه

اعمل كده مع كل المعلمين فى مصر .. وروح انت راقب وصحح

لابد من الاتحاد احنا عددنا مليون معلم ( مقاتل ) من اجل الحفاظ على كرامتنا

[zoghbawy]

زي ما قلت يا إخواني في مشاركتي السابقة كلنا نروح اللجان و نوقع في دفتر الحضور و الانصراف و نمتنع عن دخول اللجان و ده محتاج تنسيق ما بينا علشان نتأكد من تفعيل القرار بالاحتجاج العملي مش قلة ينفذوا و الباقي يخل بالاتفاق و لا تراجع حتى يخرج علينا أي مسئول في المالية أو التعليم يوضح موقفنا صراحةً و ذلك في التليفزيون الرسمي المصري

[نقاء الروح]

لاحول ولاقوة الا بالله
ربنا يستر

[ميدو وبيبو]

ما هم لازم يقولوا كده
اساميهم فى لجان الابتدائيه والاعداديه والثانويه والدبلومات دور اول وتانى وتالت وطول ما الفرح شغال
واحنا اللى طالع عنيننا يا ولاد ال ...........................

[alaa_eltallawy]

اؤيد كل ما قيل
و معاكم قلبا و قالبا
اشمعنا الدعوة للاضراب اللى وصلت لاذن سيادته
و صرخات مطالباتنا ان نتساوى بمخبرين و زارة الجاهلية ولا الممرضات
ما بيسمعهاش
دا انا ظننت انه اطرش
ولا اودانه مخرومة
و لا يكون ساددها طوالى بقطنة
ها يعمل ايه يعنى لو ما رحنش
قبل كده انا ما روحتش 2007 و 2009 و خصمهم ذكى بدر الوزير الحرامى السابق مضاعفين من مرتبى
و ادينا برضه عايشين

[طلعت احمد]

وزير فاشل وكاذب لابد من المقاطعة

[شحاتة خميس]

الى كل معلمى مصر كفانا مهانة كفانا ظلم لانفسنا لن نخرج لامتجانات بعد الان حتى يحترمو نا ويعرفون اننا مربى الاجيال ومصنع العقول التى منها سيادة الوزير وسيادة رئيس الوزراء التى لا تعترف بنا ولا يعرفون ان من هو مثلى معين بقالة 12سنة ومرتبى بسيادة الكادر 750جنية وفى الاخر يقولوا المعلمين مستبعدين بسبب الكادر تعالو معى مرة واحدة نكون فيها رجالة ونقف وقفة رجالة ونعرفهم يعنى اية معلم مهان

[ا/توفيق عزت]

المشاركة الأصلية كتبت بواسطة zoghbawy

زي ما قلت يا إخواني في مشاركتي السابقة كلنا نروح اللجان و نوقع في دفتر الحضور و الانصراف و نمتنع عن دخول اللجان و ده محتاج تنسيق ما بينا علشان نتأكد من تفعيل القرار بالاحتجاج العملي مش قلة ينفذوا و الباقي يخل بالاتفاق و لا تراجع حتى يخرج علينا أي مسئول في المالية أو التعليم يوضح موقفنا صراحةً و ذلك في التليفزيون الرسمي المصري

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــ
هذا هو الرأى السليم
مشكلتنا فى التنفيذ الجماعى
و بذلك لن ينالوا منن

[samar saad]

انا بقول هيورونا والله السنة دى ربنا يستر
ولسة الخوف كله ايام الامتحانات وعلى اللى هنشوفه ربنا يستر