بالله عليكم ارجو المساعدة وعدم التجاهل

[empty life]

السلام عليكم ورحمة الله وبركاته
عندى انترفيو فى مدرسة والمفروض انى هشرح درس للمدرسين وانا لسة مبتدئة
انا عندى درس عن وسائل المواصلات يعنى فيه شوية كلمات زى plane -car-metro-steamship وكدة والجرامر اللى فى الدرس مقارنة الصفات
المفروض انى ابدأ الشرح ازاى اقرى الكلمات ولا ادى الجرامر الاول ولا اعمل ايه بالظبط ياريت مساعدة
والدرس ده احسن كلمات وجرامر وهكون كمان معايا اسئلة هديهالهم بعد الدرس ولا اشرح درس عن تكوين السؤال وبس .
وشكرا ليكم جميعا

[HOSSAMASD102000]

بسم الله الرحمن الرحيم
والله بالنسبة لموضوع حضرتك أنا في رأيي :
ان حضرتك تعملي براجراف أو قطعة بحيث تشمل كل كلمات الدرس و القواعد بتاعته وبعد كده امام الطلاب أو المدرسين تبدأي تقرأي القطعة و تطلعي الكلمات الصعبة (كلمات الدرس ) و القواعد المهمة وبعد كده
أسئلة و شوية ‏Choose ‎و شوية ‏Find the mistakes ‎بحيث تكون علي كلمات الدرس و قواعده

‏ و شكرا

[Shapeera]

المفروض تمشي بترتبيب الكتاب العادي يعني عادة الكتب ببتدأ بال vocabulary وبعدين ال grammar وتقريبا كل الكتب كدة فانتي درسي الكلمات الاول عن طريق الوسائل الايضاحية يعني تقدري تجيبي صور ولو عملتي فلاش كرادز بتفرق كتير وبتكون علامة كويسة انا شخصيا بحب اقرا القطعة واسئل الطلبة عن معاني الكلمات واطلع منهم المعنى وطابعا لازم تستخدمي اللغة الانجليزي اثناء الشرح وتبدأبي بانك تكتبي التاريخ على البورد وعنوان الدرس وانتي بتقري اسئليهم على الكلمات اللي انت عاوزة تشرحيها واديهم امثلة تانية مختلفة عن اللي في الكتاب تبين معنى الكلمة ممكن تمثلة لو بتشرحي verb تمثليه يعني مثلا لو هاتقولي walk تمشي في الفصل وتقوليلهم i am walking وهكذا او ترسمي على البورد لو معاكيش صورة

بالنسبة للجرامر ابدأي بكتابة جمل مختلفة على البورد وحطب خط تحت ال structure اللي هايتعلموه لو هاتشرحي زمن من الازمنة مثلا ابدئي دايما بكيفية تكوين الزمن ده يعني ال form وبعدين تديهم امثله وبعدين استخدامات الزمن وبعدين تديهم امثلة اكتر وبعدين تسأليهم اسئلة تخرجي منهم ال structure
وربنا معاكي بالتوفق ان شاء الله

[Shapeera]

خلي بالك انه المدرسين عادة هايمثلوا كأنهم طلبة بالظبط وممكن يسألوكي اسئلة كتير زي ما الطلبة بتسأل كتير وممكن يتعمدوا يسألوكي اسئلة غبية مثلا عشان يشوفي انتي هاتتصرفي ازاي فتوقعي كل الاسئلة اللي ممكن تتسئليها وتأكدي من انك عارفة كل كلمة في الدرس لأنهم لو سألوكي على معنى كلمة وادتيهم معنى غلط او ماكنتيش عارفة او متأكدة بتقلل من صورة المدرس وده دور التحضير