اجازه بدون مرتب

[خوخه33]

الي الاخت سها حضرتك خلصتي اجراءات الاجازه بدون مرتب

[soha_teacher]

اة انا خلصتها ووصلت لحد انى اخدت ورقة من الادارة اخلى بيها من المدرسة من تاريخ القيام بيها والورقة لسة معايا لما اخلى بعد كم يوم
انا بعد ما اخدت الاخلاءات من الادارة وقدمتها فى المدرية ومضيت الاجازة من كذا حد اخدت بعدها بكم يوم ورقة من المديرية للأدارة تفيد انهم وافقو على الاجازة من تاريخ القيام بيها وفى الادارة عطونى ورقة للمدرسة

[miss_emy]

يعنى بجد لينا اجازه بدون مرتب؟ طيب حضرتك محافظه ايه بالظبط؟؟؟؟؟؟؟؟؟

[soha_teacher]

محافظة بنى سويف يا جماعة حكاية الاجازة دية اكيد والاكيد بردة انكم ممكن تلاقوا فيها تعقيدات بس ربنا يسهل فى الاخر
اجازة بدون مرتب سنة لمرافقة الزوج

[خوخه33]

يعني مش لازم يعدي علينا ستة شهور علشان ناخد اجازه ولا الاجازه بدون مرتب لمرافقة الزوج مش لازم يعدي عليها ستة شهور وممكن تكمليها بعد ما ترجعي

[جارةالوادى]

ربنا ييسر لك امورك واحنا كمان يارب استرها معانا وسهلها

[miss_emy]

قالوا عندنا فى الادراه لازم ست شهور ورجعوا قالوا طالما لسه ماخدتوش درجه ماليه يبقى مش ليكوا حق فى الاجازات

[thediamond]

ياريت يا سها تقوليلى على الخطوات اللى انتى عملتيها والفلوس لو دفعتى عشان انا نفسى اخد اجازة بس رعاية الطفل وحاسة ان الادارة هنا هايعارضوا جامد انتى اخدتى ورقة من المديرية فالاول تفيد بان ليكى حق فى الحصول على اى نوع من الاجازات بدون شرط مرور 6 شهور ياريت لو تفيدينى انا محافظة المنيا

[soha_teacher]

بصى انتى بتكتبى طلب اجازة لمدير الادارة اجازة بدون مرتب لرعاية الطفل والمدير بيمضى عليها وبعدان بتروحى تمضيها من مدير الادارة وبتاخدى الاخلاءات من الادارة وبتروحى المديرية
دة العادى او الطبيعى لكن ممكن حد يوقف الكلام دة بسبب ان فى ادارات كتير متعرفش الكلام الجديد بتاع الاجازات يعنى انا مثلا مدير الادارة قالى ملكوش اجازة ودة كان كلام مديرة شئون العاملين بالادارة اللى كانت موجودة وانا بكلمة قولتلة لاء انا سألت فى المديرية قالولى عادى لينا علشان احنا كنا شغالين قبل كدة قالى هاتيلى ورقة بكدة وفى المديرية كانت ست كويسة وكتبتلى ارجوا اعطاءها الاخلاءات المالية
فأنا رأيى أسألى فى المديرية الاول علشان تبقى على اساس لو انتى مش من بنى سويف
انا دفعت 30 رسوم و90 نقابة واجازة رعاية الطفل الحكومة بتدفعلك التأمينات يعنى انتى بتدفعى مبلغ بسيط جدا لا يذكر غير مرافقة الزوج او التعاقد الخارجى بيدفع فيها فلوس كتير

[علا سعد عبد الرحمن]

الاخت خوخة هو حضرتك محافظة ايه ؟؟؟
وعايزة تعملى اجازة مرافقة زوج برده ؟؟

[thediamond]

شكرا يا سها وياريت تبقى توافينا بالاخبار اول باول
بس معنى كلامك انهم عندكوا فالمديرية ماشترطوش موضوع الدرجة ؟
يارب وقعنى فناس سلسة وسهلة مش معقدة وتمشى اجازتى واجازات كل الناس يااااااااااارب

[المعلم الحزين]

المشاركة الأصلية كتبت بواسطة thediamond

شكرا يا سها وياريت تبقى توافينا بالاخبار اول باول
بس معنى كلامك انهم عندكوا فالمديرية ماشترطوش موضوع الدرجة ؟
يارب وقعنى فناس سلسة وسهلة مش معقدة وتمشى اجازتى واجازات كل الناس يااااااااااارب

لو انتي ادارة المنيا او ادارة ابوقرقاص هتلاقي العمليه سهله خصوصا ادارة المنيا استاذ ثروت مدير شئون العاملين راجل فاهم جدا وهيقوم بالازم اما موضوع الدرجات ده و6 شهور فدا كلام فاضي

[ام رهف]

ربنا يوفقكم وعقبالنا في الازهر نفسي انام واصحى الاقي نفسي اخدت اجازة مرافقة زوج او رعاية طفل

[deda_lolo]

ياريت تقولولى الاجراءات الخاصة بالاجازة عشان عايز اقدم على اجازة وسالت فى المنتدى قاللولى بعد 6 اشهر

[mrmoh]

يا جماعة الدرجات الدرجات المالية احنا ليس لنا درجات مالية حتي الان ولا بعدين وحسبي الله ونعم الوكيل ده رد التنظيم والادارة