سؤال علي لسان الجميع !!!

[الاستاذ محمود حميد]

عندي استفسار بالنسبة لتثبيت من أمضوا ثلاث سنوات بالاجر ( الحصة ) ومن أمضي ثلاث سنوات بالتعاقد

هل شرط التثبيت هو ان المعلم يكون أمضي ثلاث سنوات بالاجر أو بالتعاقد ؟

بمعني لو معلم أمضي في الاجر سنتين وفي التعاقد سنتين هل يحق له التثبيت
أم لابد ان يكمل ثلاث سنوات في اي منهم ؟
بالبلدي 3 سنوات اجر يستحق التعيين أو 3 سنوات عقد يستحق التعيين
لكن من اكمل سنتين بالاجر ومثلهم في العقد هل يحق له التثبيت ؟؟؟
طالما اكمل 4 سنوات بالاجر والتعاقد معاً

أريد الاجابة من الاخوة
ولكم كل الشكر

[ايهاب بابا]

اعتقد بالمنطق كده من حقه التثبيت ولو انى اشك فى كونهم هيعينوا حد بهذا القرار اصلا كله كلام والسلام

[الاستاذ محمود حميد]

المشاركة الأصلية كتبت بواسطة ايهاب بابا

اعتقد بالمنطق كده من حقه التثبيت ولو انى اشك فى كونهم هيعينوا حد بهذا القرار اصلا كله كلام والسلام

الي فيه الخير يقدمه ربنا
اشكرك اخي علي ردك
70 مشاهدة وواحد بس الي رد وعبرني
وعاوزين تتعينوا
ابقو قابلوني

[صلاح محمد على سلامة]

اطمن هيتحسبولك اكثرمن ثلاث سنوات

[Mr/shukran]

المشاركة الأصلية كتبت بواسطة مدرس علي ما تفرج

الي فيه الخير يقدمه ربنا
اشكرك اخي علي ردك
70 مشاهدة وواحد بس الي رد وعبرني
وعاوزين تتعينوا
ابقو قابلوني

ايه المشكلة في كده
انت لا تستطيع احد علي الرد فهي حرية ومتروكة للجميع
وساعات الصمت يكون اكبر من الرد نفسه
وده علاقته ايه بالتعيين ولا التثبيت حتي . يا عم بالعربي احنا رزقنا علي الله مش علي حكومة او غيرها

انا اجر E بقالي 4 سنين ومازلت حتي الان وكمان خريج تربية جامعة قناة السويس الاسماعيلية

(بشروا ولا تنفروا)

[رحمي علي]

طبقا للقرار الوزاري 75 يتم التثبيت لمن امضي عليه ثلاث سنوات ولم يحدد اذا عقد ام حصة يعني بمعني انه سوف يتم التثبيت لمن امضي عليه ثلاث سنوات باي شكل من الاشكال

[nada1993]

علما بأناس تعرف حساب مدة الـ 3 سنين بيحسبوا الحصة + العقد

[اميرة مهران]

طيب ما انا سنتين و نصف اهو يعنى قربت على 3 سنوات يعنى عقبال ما القرار ينزل للى امضوا 3 سنوات هنكون احنا استوفينا الشروط زيهم

والله هما معندهمش دم المفروض كله يتعين
مثلا الى بقاله سنتين ايه ذنبه انه ملقاش عقد من الاول

طيب ما انا اول ما اتخرجت رحت قدمت ومجاليش عقد ذنبى بقا ان غيرى جاله علشان بالوسطة وتم ال 3 سنوات وانا 2