الخدعة الفاشلة

[إبراهيم الهادى]

حسبى الله ونعم الوكيل فى كل من يتخاذل فى تثبيت معلمى الأزهر الشريف المتعاقدين وكفاية ضحك علينا بقى ورسائل وهمية على الديوان
إن شاء الله هننزل يوم 29 / 5 / 2011 نطالب بحقنا فى التثبيت
وبطلوا خداع بقى متبقوش زى صوت الأزهر حرام عليكم بقى ملينا
حسوا بينا شوية

( جبهة معلمى الأزهر الشريف المتعاقدين )

[مصراوى أصيل]

حسبى الله ونعم الوكيل عليك إنت وعلى كل المؤيدين لموقفك ،وعلى كل من يستغل ظروف البلد،
يا جماعة حرام عليكو إستنوا على البلد شوية ،كفاية ضغط على البلد أكتر من كده
إنتوا دخلتوا الأزهر وإنتوا عارفين إنكم داخلين متعاقدين ،وكنت إنت وإللى زيك تتمنوا بس تشتغلوا متعاقدين فى الأزهر ،ودلوقتى لما البلد وقعت ظهرت مطالبكم بالتثبيت ،ومكنش حد بيسمعلكم صوت قبل كده ،وكان أقصى حلم لأى حد فيكم هو إنه يفضل على التعاقد بتاعه، لكن دلوقتى بقت أسهل حاجة علشان نطالب بحاجة هى التظاهر والإعتصام،
يا جماعة أنا لا أنكر عليكم حقكم فى التثبيت ،
بس المطلوب نصبر شوية على البلد ونتقى الله فيها
علشان ربنا يكرمنا
:gilj otiiniug3::giljotiin iug3:

[مصطفى جمال 1984]

على فكرة لازم نطالب بحقنا فى يوم 29/5

[Hamada Radwan‏]

المشاركة الأصلية كتبت بواسطة مصراوى أصيل

حسبى الله ونعم الوكيل عليك إنت وعلى كل المؤيدين لموقفك ،وعلى كل من يستغل ظروف البلد،

يا جماعة حرام عليكو إستنوا على البلد شوية ،كفاية ضغط على البلد أكتر من كده
إنتوا دخلتوا الأزهر وإنتوا عارفين إنكم داخلين متعاقدين ،وكنت إنت وإللى زيك تتمنوا بس تشتغلوا متعاقدين فى الأزهر ،ودلوقتى لما البلد وقعت ظهرت مطالبكم بالتثبيت ،ومكنش حد بيسمعلكم صوت قبل كده ،وكان أقصى حلم لأى حد فيكم هو إنه يفضل على التعاقد بتاعه، لكن دلوقتى بقت أسهل حاجة علشان نطالب بحاجة هى التظاهر والإعتصام،
يا جماعة أنا لا أنكر عليكم حقكم فى التثبيت ،
بس المطلوب نصبر شوية على البلد ونتقى الله فيها
علشان ربنا يكرمنا
:gilj otiiniug3::giljotiin iug3:

كلامك صحيح ومعك الف حق فيما قلت تقبل تحياتى

[مصراوى أصيل]

المشاركة الأصلية كتبت بواسطة مصطفى جمال 1984

على فكرة لازم نطالب بحقنا فى يوم 29/5

ولا كأننا بنقول حاجة ،وكأن الواحد بينفخ فى قربة مقطوعة
يا جماعة الصح لما نحب نأخذ حقنا نأخذه بالسياسة ، ومتفتكروش إن موضوع الإعتصامات أو الإحتجاجات هيلوى دراع الحكومة كل مرة
هنيجى فى مرة الإعتصام هتيتفض بالقوة وطبعا هيكون معاهم حق لأن إحنا اللى إدينلهم الفرصة ،بس الحقيقة إحنا القوة هى اللى بتنفع معاناوالمثال واضح أمامنا بمجرد أن شعرنا بمساحة بسيطة من الحرية أسأنا استخدامها وكل يوم ناس تعتصم عند المشيخة وناس تشتم فى شيخ الأزهر ،وكأننا بنقول، إحنا يا حكومة مش عايزين حرية إللى ينفع معانا بس هى القوة
ربنا يهديكم

[Mr.Ahmed Raslan]

تثبيت 12 الف موظف مؤقت بالاثار قريبا
الخميس 26 مايو 2011 07:50 م



كتب ـ يسرى حسان : خاص المساء الالكترونية
وافق الدكتور عصام شرف رئيس مجلس الوزراء على تثبيت كل العمالة المؤقتة بوزارة الدولة لشئون الآثار, وذلك بناء على مذكرة قدمها الدكتور زاهى حواس وزير الدولة لشئون الآثار للدكتور شرف خلال اجتماع مجلس الوزراء امس الاربعاء , طلب فيه تثبيت العمالة المؤقتة بالوزارة والذين يبلغ عددهم حوالى 12 الف موظف مابين اثرى ومرمم ومهندس وادارى بمختلف المحافظات.
صرح بذلك اليوم الدكتور محمد عبد المقصود رئيس قطاع مكتب الوزير .. وقال انه من المقرر أن يصدر قرار بذلك خلال أيام, على أن تتحمل الوزارة كافة مصروفات التثبيت .
ويأتى هذا القرار بعد أن قام العاملون بالآثار بعدة مظاهرات أمام مجلس الوزراء للمطالبة بتثبيتهم, كان آخرها الأربعاء الماضى خاصة وان معظم هؤلاء العاملين تجاوزوا تسع سنوات كعمالة مؤقتة.
ودعا الدكتور عبد المقصود , كافة الأثريين المطالبين بالتثبيت لفض اعتصامهم والعودة للعمل, مؤكدا أن هذه الاعتصامات والاحتجاجات تضر بمصلحة العمل فى الفترة الحالية, خاصة وأنهم يعملون فى مواقع بالغة الحساسية وتحتاج لرعاية وعمل وحراسة دائمة.