تابع الاسئله المتوقعه

[تيتو نت]

ازيكم يا شباب معلش اتأخرت عليكم انا جايب باقى الاسئله و ديه متنوعه و هامه اخر حاجه
اولا قارن بين : 1- التبادل الحرارى الايزوثرمى و الاديباتى
2- سائل الهليوم و سائل النيتروجين
3- الانبعاث التلقائى والمستحث

ثانيا : ما المقصود ب ظاهرة كومتون ( هامه جداااااااا )
ما المقصود بالتيارات الدواميه و كيف يستفاد منها و كيف يمكن التقليل او الحد منها مع توضيع اسم الجهاز فى كل حاله

ثالثا : المسأله ديه تركزوا عليه جدااااااااااااااااااااااااااااااااااااااااااااااا
جلفانومتر حساس مقاومة ملفه 4 اوم و اقصى تيار يتحمله 4 مللى امبير وصل ملفه بمقاويه على التوازى مقدارها 1 اوم ليكونا جهاز واحد ثم وصل على التوالى مع مقاومه 999.2 اوم ليستخدمه كفولتمتير احسب اقصى فرق جهد يمكن قياسه

ما معنى قولنا ان : القيمة الفعاله للتيار المتردد = 2 امبير

جارى رفع باقى الاسئله والتوقعات

[mo7mag]

شكرا جداااا بس اشمعنا الاسئله دي اللي متوقعه ؟؟؟

[مصطفى الصفتى 10]

ألف شكر وفى انتظار المزيد

[CAn u see me]

المسالة 4 فولت ولا كام ؟

[اينشتاين العرب]

وحضرتك توقعت الحاجات دي منين .... دي اسئله عاديه جدا جدا وياريت تيجي المسائل كده

[سندريلا العربية]

طب انا هعمل نفسي مصدقاك
مش ملاحظين ان المساله زي بتاعه امتحان الوزاره
كفايه مش عايزين تعب اعصاب

[hatemT]

المشاركة الأصلية كتبت بواسطة اينشتاين العرب

وحضرتك توقعت الحاجات دي منين .... دي اسئله عاديه جدا جدا وياريت تيجي المسائل كده

يا ريت يا جماعة تحلوا من غير تعليقات ممكن تدايق صاحب الموضوع

[mysteuio33]

انا كمان مطلعها 4 فولت

[تيتو نت]

المشاركة الأصلية كتبت بواسطة hatemt

يا ريت يا جماعة تحلوا من غير تعليقات ممكن تدايق صاحب الموضوع

شكرا ليك يا استاذ انك وقفت معايا صدقنى انا كل ما انزل حاجه ناس تشكر و ناس مش عاجبها اى حاجه هو خلاص يعنى وقفت على كلمة توقعات يعنى لو انا قولت ان ديه مش توقعات كله هيحل من غير كلام يا حول الله يارب انا جاتلى عقده من الموقع ده

[تيتو نت]

المشاركة الأصلية كتبت بواسطة سندريلا العربية

طب انا هعمل نفسي مصدقاك
مش ملاحظين ان المساله زي بتاعه امتحان الوزاره
كفايه مش عايزين تعب اعصاب

لنا لقاء بعد الامتحان يا استاذه وانا مش بلعب بأعصاب حد انا مش عملت جريمه انا بنزل مسأئل الى عاجبه اوك مش عاجبه يحط لسانه فى بقه و يخلى كلامه لنفسه انا مش منتظر رد كويس من حد ولا اى حاجه انا بنزل مسأئل بعمل خير مش اكتر بس انا خلاص هحتفظ بحاجتى لنفسى اصل خير تعمل شر تلقى اصل الشعب المصرى ده مش بيعجبه العجب

[تيتو نت]

المسأله حلها 5 فولت وليس 4
الدكتور الى بيقول المسأئل عاديه خليه بقا يحل المسأله لصداقائه و يقوله طلعت 5 ازاى

[تيتو نت]

اولا بشكر كل الناس الى قالت كلمة شكر
ثانيا انا مش عارف اعمل ايه للناس الى مش عاجبه يعنى انا غلطان واحده تقولى هعملى نفسى مصدقاك ما تصدقى ولا لا انا بعمل خير و بعدين انا مش بجيب الحاجات ديه من فراغ او من دماغى ياجماعه الى مش عاجبه اسم الموضوع يتحفظ بردوده لنفسه انا عايز كله يخش يستفيد ومش منتظر اى حاجه من اى حد ولا حتى كلمه شكر بس الناس تستفاد مش اكتر مش ناقصه يعنى حرقة دم كل ما انزل موضوع ناس تطلع و بردود ملهاش اى لازمه تقول كلام بارد و محدش يلومنى اصل مش بردود تحرق دم الناس و بعد كده تجيب الغلط عليها و انا مش فارقه معايا حاجه انا مش خسران اى حاجه بس لينا لقاء مع كل المشككين بعد الامتحان لما يلقوا الاسئله ديه فى الامتحان

[Hima Ryan]

والله أنت عمهم و حارق دمهم
أنا برده مش عارف ليه الناس بيجيلها قشعرة لما بتشوف كلمة التوقعات
ما تعتبروه شخص عادي بيحط أسئلة عادية لإفادة الناس اللي ميستاهلوش
تقبلوا مروري
شكرا

[بلالل]

المشاركة الأصلية كتبت بواسطة تيتو نت

اولا بشكر كل الناس الى قالت كلمة شكر
ثانيا انا مش عارف اعمل ايه للناس الى مش عاجبه يعنى انا غلطان واحده تقولى هعملى نفسى مصدقاك ما تصدقى ولا لا انا بعمل خير و بعدين انا مش بجيب الحاجات ديه من فراغ او من دماغى ياجماعه الى مش عاجبه اسم الموضوع يتحفظ بردوده لنفسه انا عايز كله يخش يستفيد ومش منتظر اى حاجه من اى حد ولا حتى كلمه شكر بس الناس تستفاد مش اكتر مش ناقصه يعنى حرقة دم كل ما انزل موضوع ناس تطلع و بردود ملهاش اى لازمه تقول كلام بارد و محدش يلومنى اصل مش بردود تحرق دم الناس و بعد كده تجيب الغلط عليها و انا مش فارقه معايا حاجه انا مش خسران اى حاجه بس لينا لقاء مع كل المشككين بعد الامتحان لما يلقوا الاسئله ديه فى الامتحان

ياباشا سيبك منهم اللى ماكنش عاجبه اسم الموضوع مكنش دخل من الاول وبعدين يعنى انت هتستفاد ايه لو بتشغلنا غير تضييع الوقت
واعتقد الكل عرف العضو واسم مواضيعه واللى مش عاجبه مايبقاش يدخل من الاول
بس ايه يابرنس مبقتش تفتتح الميل ليه

[Hima Ryan]

المشاركة الأصلية كتبت بواسطة تيتو نت

المسأله حلها 5 فولت وليس 4
الدكتور الى بيقول المسأئل عاديه خليه بقا يحل المسأله لصداقائه و يقوله طلعت 5 ازاى

لا مؤاخذة يا تيتو بس إنت متأكد ؟
معلش يا جماعة حد يحلها