حد يجي يعملي جدول علشان اخلص العربي في 10 ايام واكون مستعد للإمتحان

[blackarmy50]

السلام عليكم

زي اما موجود في العنوان انا عايز جدول حلو كدة ومنسق يخليني اخلص العربي كله
في 10 ايام واكون مستعد للإمتحان..

وطبعا كل اما اذاكر مثلا الجزء بتاع النهاردة هحل عليه كتير بحيث اظبط فيه ومحتاجش ارجع ابوص واراجع عليه تاني

ملحوظة: محدش يفكر اني لسة اول مرة افتح العربي لا المنهج اتشرحلي قبل كدة وراجعت عليه بس انا بقي عايز ابدأ احل علي المنهج واثبته في دماغي

وشكرا .................

[blackarmy50]

ياجدعان انا عايز جدول حنين كدة مش تقيل علشان اقدر اذاكر براحتي وكمان يكون فيه وقت احل...بكرر تاني معلش ياجماعة انا عايز جدول حنين اوي وسهل اوي وفي حاجة بالنسبة للنحو بلاش حد يحطهولي كله في يوم واحد لوسمحتم

[blackarmy50]

ياجماعة انتوا فين لو سمحتم انا عايز جدول علشان هبدأ فيه من 6/1 إنشاء الله

[omdamakrm]

يوجد فى المنتدى جدول تخلص فيها العربى فى 5 ايام

[blackarmy50]

الجدول دة تقيل اوي اوي انا عايز اخلص العربي علي 10 ايام علشان يكون كل يوم جزء مذاكرة سهل كدة مش كله فوق بعضه زي الجدول اللي في المنتدي ياريت ياجماعة لو حد يعرف يعملي جدول حلو

[سيد عبد اللاه]

انت اسلوب فى الطلب مستفز بتحسس اللي قدامك انك بتأمره

[blackarmy50]

المشاركة الأصلية كتبت بواسطة سيد عبد اللاه

انت اسلوب فى الطلب مستفز بتحسس اللي قدامك انك بتأمره

انا ما اقدرش أمر حد حضرتك انا كل كلامي لو سمحتم ... معلش ياجماعة ... وشكرا .... لا فيه امر ولا حاجة يمكن حضرتك حسيت اني بأمر علشان بقول مواصفات الجدول اللي انا عايزها انه يكون سهل وخفيف ومش تقيل ويكون جدول اخلص بيه العربي علي 10 ايام بس لكن امر حد ليه وهيكون اسلوبي فيه امر لية حضرتك شوف مواضيعي هتلاقيني طالب في الجيولوجيا جدول برضه شوف اسلوبي هتلاقيه مفهوش اي كلام فيه اوامر وبرضه في الفلسفة والمنطق الفصل الرابع والخامس طلبته بأسلوب عادي خالص برضه

[A.Monier]

ياعم تلم منهج اى قعد حل الامتحانا الفاتت بتاعت السنين الفاتت والامتحان مش هيخرج عنها واحفظ الاسئلة انت لسه هتذاكر

[blackarmy50]

المشاركة الأصلية كتبت بواسطة a.monier

ياعم تلم منهج اى قعد حل الامتحانا الفاتت بتاعت السنين الفاتت والامتحان مش هيخرج عنها واحفظ الاسئلة انت لسه هتذاكر

ماشي ياباشا انا بس كنت عايز استرجع المنهج من تاني وشكرا علي النصيحة دي

[ورك عماد]

بلاش الهجوم علىالاخ الى عايز الجد ول انا شكله حاصل على 97

[bebo4ever]

يا جماعه بلاش نزعل بعض كلنا عاوزين ربنا يسترها معايا وعلى العموم الطلب موجود ادخل قسم المراجعه والامتحانات هتلاقى الجدول وادى صوره منه بعد حذف الملغى من الجدول والجدول يخليك تخلص العربى فى 5 ايام بس

[blackarmy50]

المشاركة الأصلية كتبت بواسطة bebo4ever

يا جماعه بلاش نزعل بعض كلنا عاوزين ربنا يسترها معايا وعلى العموم الطلب موجود ادخل قسم المراجعه والامتحانات هتلاقى الجدول وادى صوره منه بعد حذف الملغى من الجدول والجدول يخليك تخلص العربى فى 5 ايام بس

ربنا يخليك يارب الف شكر ليك وعلي الجدول