سؤال نماذج

[Ma7moud101]

‏"الأحرار يمارسون الديمقراطية-نار الارهاب لا تخبو إلا بالمحبة-قاطعو الطريق يعاقبهم القانون" بين نوع الواو في كل كلمة مع بيان السبب

[Ma7moud101]

ايه مفيش حد عارفها ولا مكسلين

[Ma7moud101]

بسرعة معلش يا اساتذة

[hazem3]

المشاركة الأصلية كتبت بواسطة ma7moud101

‏"الأحرار يمارسون الديمقراطية-نار الارهاب لا تخبو إلا بالمحبة-قاطعو الطريق يعاقبهم القانون" بين نوع الواو في كل كلمة مع بيان السبب

الأولى واو الجماعة ضمير رفع..

الثانية واو أصلية من أصل الكلمة

التالتة.. واو الجمع وهي علامة رفع جمع المذكر السالم..

[Ma7moud101]

المشاركة الأصلية كتبت بواسطة hazem3

الأولى واو الجماعة ضمير رفع..

الثانية واو أصلية من أصل الكلمة

التالتة.. واو الجمع وهي علامة رفع جمع المذكر السالم..

الف شكر ليك يا باشا بس لو معلش تشرح اصل الفعل تخبو ده وازاي اصلية
تاني حاجة في كدة جملة(أما اولئك الاحرار) تعرف تشرح الجملة كلها هل هتبقي
أولئك/ اسم اشارة مبني علي السكون في محل رفع مبتدأ
الاحرار/ بدل مرفوع
طب
وأما لا محل لها من الاعراب صح؟

[hazem3]

المشاركة الأصلية كتبت بواسطة ma7moud101

الف شكر ليك يا باشا بس لو معلش تشرح اصل الفعل تخبو ده وازاي اصلية
تاني حاجة في كدة جملة(أما اولئك الاحرار) تعرف تشرح الجملة كلها هل هتبقي
أولئك/ اسم اشارة مبني علي السكون في محل رفع مبتدأ
الاحرار/ بدل مرفوع
طب
وأما لا محل لها من الاعراب صح؟

بص يا باشا..

معنى أنها أصلية يعني هي حرف من الفعل نفسه..

يعني أنت عارف الفعل يخبو ويسمو ويدعو ويزهو كل الأفعال دي فيها واو..

وهي أصلًا في الفعل مش علامة إعراب ولا جمع ولا إضافية على الفعل..

يعني الفعل اسمه يخبو.. مينفعش نقول يخب.. سيبك طبعًا من حالة الجزم..

يعني مثلأ أنت بتبحث عن يخبو في مادة أيه؟؟ خبو صح؟؟ إذن أنت شايف أنها حرف في أصل الكلمة..


سؤالك التاني يا باشا..

إجابتك بتيألي صحيحة تمامًا..

الجزئية الوحيدة اللي هأكدلك عليها..

أن أما حرف شرط وتوكيد.. ولازم جوابها يبقى مقترن بالفاء..