هل ترضى بهذا!!

[Sally82]

قال قدماء العرب تجوع الحرة و لا تأكل بثدييها...
هل سمعتم منذ قليل اوباما في خطابه قرر التنازل عن مليار دولار من ديون مصر و عمل خطة بمعاونة البنك الدولي و صندوق النقد الدولي لمساعدة مصر و تونس..
انتوا يا اصحاب المظاهرات الفئوية هل تدركوا خطورة هذه المساعدات!!
من هذه المساعدات ستدفع الزيادة التي ترجونها في الرواتب....و لكن.. هذه المساعدات ستقيد مصر سياسيا و ستكون وسيلة للضغط عليها و املاء التوجهات و القرارات عليها فهل ترضى بهذا؟؟!!
البنك الدولي يا سادة في باطنه مؤسسة صهيونية و الا بماذا نفسر ان رئيسه دايما يكون امريكي..
و صندوق النقد الدولي كفى فسادا بهذه المؤسسة القذرة فضيحة رئيسها الذي يسكن في فندق بثلاثة آلاف دولار في اليوم فهل يظن احد ان هذه المؤسسات تسعي جديا لمساعدة الدول النامية ام تستنزفها ببطء بداعي القروض التي تتراكم فوائدها لتزيد عن مقدار القرض نفسه بعد سنوات..
في عهد المخلوع اللامبارك كانت مصر تأخذ معونة من امريكا و كان نصفها يذهب لجيوب ازلام النظام و البقية تذهب للجيش لتكبله و تفرض عليه التسلح من امريكا نفسها و تحرمه من التكنولوجيا فلا يطور نفسه ليضاهي التسلح الاسرائيلي..
في عهد اللامبارك كانت مصر تقريبا محتلة اقتصاديا من امريكا بفضل هذه المعونة
و الآن و بفضل ثورة يناير لا نريد ان نكرر ذلك الخطأ خلاص جربنا نسائم الحرية و لا نريد بديلا عنها
فارجوكم اجلوا طلباتكم الفئوية لمة عام او اقل لحين تستقر البلاد سياسيا و يعود الامن و ينتعش النشاط الاقتصادي من جديد...انا لا الومكم على المطالبة بحقوقكم لكن هي مشكلة التوقيت فقط..

[Sally82]

يا نحلة لا تقرصيني و لا عايز منك عســـــــــــــــــــل

[ابو مريومة]

والله يا استاذ انا متعاقد
والله العظيم انا مقتنع بكلامك
واحنا مش وحشين ممكن ندي اكتر من المتوقع بس كل ما هناك عاوزين شفافية فيها ايه لما تتعهد الدولة بتثبيتنا اول 7 او8 او 7 السنة اللى جاية مثلا بس يكون كلام صدق مش تنويم
فيها ايه لما يعينونا ويقولو يا جماعة اصبروا معانا شوية على اى زيادة في الفلوس
احنا وغيري كتير مش مهم زيادة الفلوس المهم الاستقرار
والله يا اخى اخوانا الاساسيين يببصوا علينا من فوق لتحت وكاننا بنحط ايدينا في جيوبهم وبنقبض منهم مع ان الواحد مننا يقدر يقود بلد زى مصر والواحد منهم لو مرتبة اتاخر يوم يشحت ويكون مضحكة للعيال
مش عارف ليه
الحكومة اللى فاتت قتلت في الناس الحب والانتماء والتعاون وزرعت فيهم الغل والكرة والتفكك والحكومة دي نفس السياسة
احنا عاوزين مصداقيه حتى شيخ الازهر الامل الوحيد بعد ربنا اهم لهوه في قضايا تاني ونسي الازهر والازهريه خالص
بيت عيلة عيلة ايه مش لما نكّون عيله الاول
اعتقد ان كلامي ده مرضي واعتقد برضو ان نظرتي كتير من المتعاقدين موافق عليها
واخيرا اسف لاى خطأ وقع منى
السلام عليكم

[teacher120]

استاذ ابو مريومه انا معاك المفروض وكيل الزاهر يصطلع بالمهام لان الامام مشغووووووووووووووووووول فى مليون حاجه يوميا والازهر مهامه كثيره ومش هنعلق عليه كل حاجه لازم البهوات الى فى الازهر يشتغلوا ولازم الحكومه تكون صادقه

[Sally82]

اكتر من مسئول في الحكومة دي صرح بان المظاهرات الفئوية تجهد الميزانية و لكن اقروا بانه حق للعمالة ..الحكومة دي مسكينة بتدفع ثمن تقصير الحكومات السابقة ناس كان مفروض تتثبت من زمان و الحكومات السابقة بدل ما تثبتهم لهفت فلوسهم و اجلت تثبيتهم ..يبقى الحكومة دي ذنبها هي..!! انا شايفة انها بتعمل اقصى ما في جهدها و الحمل عليها مضاعف بسبب الاضطرابات الامنية و السياسية و القلق الخارجي... ليه مستعجلين على المطالب الفئوية و البلد ليس مفيهاش رئيس و لا مجالس نيابية و عموما مش مستقرة سياسيا..!! الحكومة الموجودة حاليا دي مجرد حكومة تسيير اعمال...انا مش فاهمة هي ممكن تعمل ايه اكتر من اللي بتعمله وعود التثبيت جاهزة انما التنفيذ بياخد وقت و الحكومة مش معاها العصا السحرية بلاش ارجوكم نشكل ضغط عليها و نضطرها للاقتراض و قبول المعونات...ده دورنا في ثورة يناير دور اهم و اكبر من الهتافات في المظاهرات..ده حق الشهداء علينا

[Hamada Radwan‏]

كل يبكى على ليلاه

[ايادممدوح]

بقولك ايه يا sally خليك في حالك ... ما احنا طول عمرنا بنشحت ومع كدة بنتسرق .. خلينا دلوقتي نشحت بس الحقوق ترجع .. وبعدين دي فلوسنا اللي هربها الحرامية ... بس الامريكان بيفهموا اكتر من مبار و منك ... دي مش مظاهرات فئوية .. دي حقوق ادمية

[رضاالوادي]

كل المشاركات السابقة صحيحة

[Sally82]

عيب على المصري لما يقبل على نفسه الشحاته..بجد عيب..
ليه منبقاش زي شيخنا الدكتور الطيب لما ضرب مثل و تخلى عن راتبه لدعم الاقتصاد...مش ده شيخكم اللي بتحبوه مش ده المفروض يبقى قدوتكم..مش بنقول تتخلوا عن الراتب زيه لكن نصبر شوية لغاية ما الاقتصاد يقف على رجليه و نستغنى عن المساعدات و ساعتها نطالب بحقنا

[Sally82]

المطالب الفئوية حقوق اجتماعية و محدش يقدر ينكرها دي هي المطالب الي قامت ثورة 25 يناير عشان تحققها انما الثورة لسة مستمرة و هي مسألة وقت فقط قبل ما تبقى الظروف جاهزة لتحقيق هذه المطالب
هي بس الناس اصابها شئ من الانانية او يمكن دي عادتهم من زمان و اراهن ان الناس دي المصرة على المطالب الفئوية مش في بالها الثورة اصلا و لا مهتمة بيها و لا شاركت فيها و عايزة تقطف ثمارها عى الجاهز..ناس مش بتفكر في المصلحة العليا للبلد و همهم نفسهم و بس

[_sara_]

حسبى الله ونعم الوكيل

[ام علاء]

هم يريدون ان تكون النهاية لديهم كما امسكوا بزمام البداية

[حسن الامين على]

المشاركة الأصلية كتبت بواسطة sally82

عيب على المصري لما يقبل على نفسه الشحاته..بجد عيب..
ليه منبقاش زي شيخنا الدكتور الطيب لما ضرب مثل و تخلى عن راتبه لدعم الاقتصاد...مش ده شيخكم اللي بتحبوه مش ده المفروض يبقى قدوتكم..مش بنقول تتخلوا عن الراتب زيه لكن نصبر شوية لغاية ما الاقتصاد يقف على رجليه و نستغنى عن المساعدات و ساعتها نطالب بحقنا

اوافقك الراى فى كل ما ذكرتى واتمنى ان يكون الوعى بمصلحة البلد عند كل الناس
ولكن البعض لايفكر الا فى نفسه ويجعلك تشعر بالاحباط عندماتتحدث معه


ولكى منى كل التحية والتقدير

[ايادممدوح]

عيب على المصري لما يقبل على نفسه الشحاته..بجد عيب..
ليه منبقاش زي شيخنا الدكتور الطيب لما ضرب مثل و تخلى عن راتبه لدعم الاقتصاد...مش ده شيخكم اللي بتحبوه مش ده المفروض يبقى قدوتكم..مش بنقول تتخلوا عن الراتب زيه لكن نصبر شوية لغاية ما الاقتصاد يقف على رجليه و نستغنى عن المساعدات و ساعتها نطالب بحقنا




وانت اللي حتعلمني العيب ...... و بعدين انا اول من اقترح التبرع بجزء من الراتب نظرا لظروف البلد في اول فبراير قبل ما تسمعوا عن الثورة وقبل ما الشيخ الطيب يفكر اصلا في الموضوع .وجمعت توقيعات بعض الناس اللي وافقوا بس الفكرة لم تكتمل بسبب امثالكم بتوع الكلام و بس .... . واحنا كان نفسنا ان الشيخ الطيب يحرج المستشارين ووكلاء الوزارة والموظفين القدامي الذين يتقاضون المبالغ الضخمة ..لكن عملوا نفسهم صم وبكم .

و بعدين امريكا حتساعد مصر في صورة استثمارات ... يعني مش شحاته .... و بعدين امريكا زي ايران زي السعودية ..وانت فاهمني .. لو بتفهم سياسة .... و كلهم مصر بالنسبة لهم ام الدنيا وخيرها علي الكل .... ولو انت زعلان قوي من الضغوط السياسية قول انت عايز تعمل ايه وامريكا مانعاك منه ... حتقوللي اسرائيل ... حقوللك ... انسي

[Sally82]

انا بقولها عيب بشكل عام مش لك شخصيا... عيب على المصري اى مصري حقيقي و يجري في عروقه دم اجداده اصحاب حضارة عمرها سبعة آلاف عام علمت الدنيا كلها معنى الحضارة..

اسمع لخطاب اوباما لم يقل استثمارات بل معونات و مساعدات و قروض و القروض عليها فوائد تتراكم بمرور الوقت و تصبح اكثر من قيمة القروض نفسها..فهذه المليار جنيه التي تم الغائها من الديون هي في الحقيقة ليست من الديون انما من فوائد الديون لذلك فامريكا لم تخسر قرش...و حتى لو وضعوا قرش واحد في مصر فلن يكن ذلك لله في لله انما لضمان التبعية السياسية...اما الاستثمارات المفروض ان المستثمر ليس حكومة انما مؤسسات و شركات خاصة و مع ذلك لا يستثمر امواله ببلاش انما يتوقع عائد كبير..انما عائد اقتصادي و ليس تبعية سياسية...احنا نقول اهلا و سهلا للمستثمرين مع خضوعهم للقانون انما لا و الف لا للمعونات و المساعدات و القروض..

حتى دول الخليج التي اعطت مبالغ كبيرة لعصام شرف في زيارته الاخيرة فلن يكون ذلك لله في لله ايضا انما لشراء السيطرة على القرار السياسي المصري بعد الثورة بعدما راح منهم مبارك و تحسروا عليه..
و يا سيدي مصر بالنسبة للجميع ورقة رابحة نظرا لاهميتها الاستراتيجية و ثقلها السياسي فيسعى الجميع لاستمالتها فبيستغلوا جوع شعبها و وضعها الاقتصادي التعبان عشان يضغطوا عليها
اتمنى يا استاذ اياد و المسألة مش شخصية معاك انك ترفع المصلحة العامة للبلد فوق المطالب الشخصية...
هو انا يعني مثلا مش عايزة مرتبي يزيد و لا عايزة اتثبت!! لا طبعا بس مش شايفة ان ده وقته...الاقتصاد منهار و خسر كتير و احنا بكل انانية بنضغط عليه بزيادة...ده ايه ده...بجد اللي بيحب مصر ميعملش كدة..