اعاتب المدرسين على تركى كل هذا الوقت

[بنت من المستقبل]

ياجماعة الوقت بيعدى حد يشرحلى for.............next
يا ناس اتوسل اليكم بكلمكم وانا بعيط حسه انى هسقط الترم ده اههههههههههههههههههههههههههههه

[عاطف جوده]

بالنسبة لجملة for .....next يكون عملها كالتالي
- عندما يبدأ الكمبيوتر بتنفيذ هذه الجملة يقوم بتخزين القيمة الابتدائية بداخل العداد ويقوم بمقارنة هذه القيمة بالقيمة النهائية للعداد مع ملاحظة أنه سيتم التكرار إذا كانت القيمة الابتدائية أقل من او تساوي القيمة النهائية
- واذا كان الشرط محقق فإن الكمبيوتر يبدأ بتنفيذ الجمل التي هي موجودة في السطر الذي يلي كلمة for
- عندما يصل الكمبيوتر إلى كلمة next يقوم بزيادة العداد بقيمة step أما في حالة عدم كتابة أي قيمة فإنه يقوم بزيادة واحد ثم يعود مرة أخرى بداية الحلقة التكرارية for next

[body_12354]

لو عندك كود عايز الكمبيوتر ينفذه اكتر من مرة فهناك اوامر تسمى اوامر التكرار تستخدم في تنفيذ مجموعة من الاوامر (الاكواد) عدد من المرات لحين تحقق شرط معين ومنها الامر for ....next وامر التكرار هذا يستخدم لما نكون عارفين عدد مرات التكرار لاني بقدر احدد له بداية ونهاية طب علشان تقدر for تعد مرات التكرار لزمن افتح مخزن يخزن عدد مرات التكرار وبنطلق عليه كلمة عداد (counter)


شكل الامر
for counter = start to end step increment
الاوامر المراد تكررها
next
كل الكلمات المحطوط تحتها خط ده مصطلحات للارقام اللى هتتحط مكانها
counter : مصطلح لاسم المخزن او المتغير اللى هيخزن عنده عدد مرات التكرار يعني اللى هيعد مرات التكرار
start : مكانها بنحط الرقم اللى هيبداء منه العداد العد (القيمة الابتدائية)
end : مكانها هنحط الرقم اللى ينتهي عنده العداد العد ( القيمة النهائية)
increment :العدد اللى انا عايز ازوده كل مرة يعني لو عايز العداد يعد فردي اكيد هزود كل مرة اتنين يبقى هبدل الكلمة برقم 2 (مقدار الزيادة)
وكلمة step ومقدر الزيادة اختياري لو مش عايز احطها مش هيحصل حاجة بس هنا العداد هيزيد كل مرة برقم واحد
وممكن يكون مقدار الزيادة بالسالب يبقى كده هنقص بشرط تكون القيمة الابتدائية اكبر من القيمة النهائية اما لو الارقام بالموجب يبقى القيمة الابتدائية تكون اقل من القيمة النهائية


مثال انا عايز الكمبيوتر يعد من واحد الى عشرة وكل مرة يطلع رسالة بالعدد هعمل ايه اكيد هستخدم امر التكرار وهقول اول حاجة افتح مخزن علشان نخزن فيه رقم التكرار كل مرة
dim n as integer
for n = 1 to 10
msgbox(n)
next
اول سطر الكمبيوتر هيفتح مخزن اسمه n
بعد كده هيبداء التكرار ويخلي العداد بتاعي ياخد واحد اول مرة وينفذ الكود الخاص بصندوق الرسالة بعد كده نكست ترجع الى فور وتدي المتغير n او العداد الرقم اتنين علشان هيزيد كل مرة بواحد وينفذ مرابع الرسالة ويروح لنكست وتقوم نكست مودية لفور وهكذا لحد ميوصل العداد بتاعي الى الرقم عشرة ويقوم منفذ الكود ويخرج من التكرار وتكون عدد مرات التكرار هي
1.2.3.4.5.6.7.8.9.10 فتكون عدد مرات التكرار بعشرة طب لو عايزينه يعد فردي
dim n as integer

for n = 1 to 10 step 2
msgbox(n)
next
وهنا بدانا العداد بواحد علشان فردي ومقدار الزيادة كان باتنين علشان لزمن ازود اتنين كل مرة علشان يجيب الارقام الفردي طب هنا القيمة النهائية بعشرة والعشرة مش من الارقام الفردية ايه اللى هيحصل هيقف عند اخر رقم فردي قبل العشرة اللى هو مين تسعة وتكون مرات التكرار هي 1.3.5.7.9 يعني عدد مرات التكرار بكام خمسة ويارب اكون قدرت اوصل المعلومة نرجو الدعاء

[MR : ABO BATTA]

الأساتذة مشكورين قدموا لك يا رضوى الاجابة على استفسارك ولو موصلتش المعلومة بشكل كامل تقدري تتابعي الأمثلة اللي بيتم الاجابة عليها وكذلك اجابة الامتحانات التي يتم رفعها .

[MR : ABO BATTA]

x = 1
For m = 0 to 7 step 3
X = x*2
Next
بعد تنفيذ التعليمات السابقة تكون :
( ا ) قيمة m هي (7- 9 - 6 ) ( ب ) قيمة x هي (4 - 8 - 18 )

الأجابة
المتغير m سيأخذ اربع قيم ولكن عدد مرات التكرار ثلاثة لأن القيمة الرابعة ستتجاوز قيمة End وهي 7 وبالتالي قيم M كالتالي :
m = 0
m = 0 + 3 = 3
m = 3 + 3 = 6
m = 6 + 3 = 9
أما قيم المتغير X والتي ستتكرر ثلاث مرات هي كالتالي :
x = x * 2
x = 1 * 2 = 2
x = 2 * 2 = 4
x = 4 * 2 = 8
وبذلك فإن قيمة المتغيرين كالتالي :

m = 9
x = 8

[بنت من المستقبل]

شكررررررررررررررررا لكل اساتذه المنتدى الكرام شكرا مستر ابو بطة على المثال واتوجه بالشكر لكل اللا جوبه عليه

[MR : ABO BATTA]

المشاركة الأصلية كتبت بواسطة رضوى سيد حسين

شكررررررررررررررررا لكل اساتذه المنتدى الكرام شكرا مستر ابو بطة على المثال واتوجه بالشكر لكل اللا جوبه عليه

لا شكر على واجب يا رضوى
المهم تكوني فهمتي الموضوع ده
بالتوفيق بإذن الله