للنقاش و الافادة و الاستفادة

العمل سبب الامل · #1 13-05-2011, 12:53 AM

السلام عليكم
انا يا جماعة بجد حاسة ان الامتحان مش هيكون زى 2008 ابدا
و على قد السنة اللى فاتت كانت فيه مواد صعبة
الفيزياء كانت سهلة
انا باذن الله حاسة ان الامتحانات هتبقى اكيد فى مصلحة اللى تعب و ذاكر
لانكم اخوتى فى الله اريد ان الفت انتباهكم الى ان اللى معاه كتاب المتحان لازم يهتم باسئلة النظرى و اجاباتها وخاصة على الكهربية و الحرارة
ذاكروها والله مش هتندموا
ثانيا بما انى براجع دلوقتى اسئلة كتاب المدرسة ودليل التقويم
لو معندكوش مانع اننا نكتب الاسئلة الصعبة اللى بتقابلنا و انه يتفضل اساتذة المنتدى بالاجابة مشكورين
باذن الله اللى هيذاكر بما يرضى الله هيأخد تعبه و زيادة
و ربنا يوفقنا جميعا

العمل سبب الامل · #2 13-05-2011, 12:55 AM

اه نسيت
انا مكانش عندى كتاب الوسام الاحمر
انتوا ايه رأيكوا فيه
احنا الاستاذ كان بيجيب اسئلة معينة منه
انا بصراحة قلقت لما تيتو قال انه مهم
انا بجد ارتبكت مش عارفة
على العموم قولولى رأيكم

Heartbeat · #3 13-05-2011, 01:03 AM

ان شاء الله خير حبيبتى
بس صدقينى اهم حاجة اننا نركز الفترة دى
على الدليل والاسئلة اللى فى نهاية كتاب المدرسة
المستر قالنا قد ايه انها مهمة
وكويسة فكرة اننا نتناقش فيها لان ساعات حاجات بتعلق معايا فيها

Ahmed Ragab medo · #4 13-05-2011, 01:11 AM

يا ريت نخلينا فى كتاب المدرسة وتقويم الطالب وبالمناسبة فى سؤال فى الدليل انا حاطه بره بعنوان سؤال مهم والاجابة ضرورى ياريت تدخلوا وتقولولى رايكو وشكرا اه على فكرة كتاب الوسام الاحمر ما هو الا اسئاة امتحانات مصر وشوية امتحانات حاططها هو واولمبياد 2008 و بس ومعظم امتحاناته من الدليل .

hatemT · #5 13-05-2011, 01:22 AM

طيب والله فكرة حلوة يا راجية

bebo4ever · #6 13-05-2011, 02:02 AM

فكره جميله المهم انا هقولكم على اللى انا عملته السنه اللى فاتت و جاب نتيجه انا كنت طول السنه بذاكر فى المذكرات الخارجيه وجيت فى المراجعه قبل الامتحان ذاكرت من كتاب المدرسه والحمد لله كانت النتيجه كويسه ..........
فيه حاجه تانيه ان اى مساله من مسائل الاولمبياد او 2008 احتمال صعب جدا انها تيجى وبالذات فى السنه دى ولا ايه رايكوا ؟
فياريت نركز فى التظرى ونراجع من الكتاب العادى اخر مراجعه لينا

سها نور · #7 13-05-2011, 09:04 AM

وانا موافقه علي الفكره دي وكتاب الوسام الاحمر حلو جدا

العمل سبب الامل · #8 14-05-2011, 11:27 AM

يا جماعة انا متشكرة اوى اوى على الردود بس لو نقدر يساعدنا احد مدرسى المنتدى
و انا هبدأ بأسئلة الكهربية اللى فى الدليل اللى وقفت قصادى
الفصل العاشر ص169
11-خطوط الفيض فى الجلفانومتر تكون قطرية بسس(تقعر قطبى المغناطيس-وجو اسطوانة من الحديد المطاوع مع تقعر القطبين)
مسألة 30-أميتر لقياس التيار المستمر و صل طرفيه بسلك مقاومته 12اوم فتغيرت قراءته من 2 امبير الى 1.5امبير
احسب مقاومة الاميتر(دى سهلة) مشيرا الى الاحتياطات للوصول للحل(دى مش عارفة قصده ايه)
الفصل ال11
اختر8- عند لحظة امرار التيار فى الملف الابتدائى و هو بداخل الملف الثانوى يتولد فى الملف الثانوى(تيار طردى-تيار مستحث عكسى-تيار مستمر-تيار متردد(
الاسئلة التركيبية رقم 12 الحرف د
اذا تم ادخال قضيب من الالومنيوم على محور كل من الملفين يسخن هذا القضيب بينما لبا يسخن قضيبا من البلاستيك موضوع فى نفس المكان السابق علل
سؤال علل رقم 17يتحرك سلك مستقيم يمر به تيار كهربى موضوع عموديا على مجال مغناطيسى؟
هل التعليل هيبقى ب(كثافة الفيض - ق د ك - القوة)
انا لقيت ال3 تعليلات فى كتاب الامتحان 2 فى الفصل 10 و واحد بتاع ق د ك فى الفصل ال11
مسألة رقم 17 لو بصيت فيها هتلاقى المسألة فيها أ-ب-ج-د
و لو بصيت فى الاجابة هتلاقى ه معاهم يا ريت لو حد يعرف السؤال بتاعها ايه لان شكل الاجابة لافف
فيه كام سؤال فى كتاب المدرسة
الفصل ال11
اختر يمكن تحديد اتجاه التيار الكهربى المتولد فى ملف الدينامو باستخدام
(قاعدة لنز-قاعدة فلمنج لليد اليمنى)
ان بس كنت عايزة اعرف احنا لما بنيجى نحدد اتجاه التيار على كل ضلع بمفرده بنستخدم قاعدة فلمنج لليد اليمنى
بس فى الملفات قاعدة لنز؟
يا ريت كلنا نشارك و ليتفضل اساتذة المنتدى بالمساعدة

العمل سبب الامل · #9 15-05-2011, 10:47 PM

يا جماعة بالله عليكم الللى عارف اجابة الاسئلة دى يجاوبنى