وزارة التعليم تخطط لرفع رواتب المعلمين بنسبة 100 %

[أ / محمد الحسينى]

وزارة التعليم تخطط لرفع رواتب المعلمين بنسبة 100 %

الأحد، 24 أبريل 2011 - 17:43

الدكتور أحمد جمال الدين موسى وزير التربية والتعليم
كتب حاتم سالم

علم "اليوم السابع" أن وزارة التربية والتعليم طلبت من وزارتى المالية والتخطيط والتعاون الدولى منحها اعتمادا ماليا قيمته (5 مليارات جنيه) لتطبيق خطة وضعتها "التعليم" لرفع رواتب المعلمين بنسبة زيادة تصل إلى 100 %، كما طلبت الوزارة زيادة قيمتها مليار و(800 مليون جنيه) لزيادة رواتب إداريى "التعليم" بنسبة 50 % لتعويضهم عن عدم حصولهم على حافز المحليات الذى تصرفه الدولة للموظفين بالمحافظات باستثناء الإداريين العاملين بالمدارس.

وأوضح مصدر مطلع بـ"التربية والتعليم" أن الوزارة ستضع خطة عملية لتنفيذ هذه الزيادات تمهيداً لإقرارها فى حالة موافقة الحكومة على اعتماد المخصصات المالية التى طلبتها.

من جهته اعتبر الدكتور "طارق الحصرى"، مساعد وزير التعليم للتطوير الإدارى، أن ما يعانى منه المعلمون من مشكلات يتعلق بعيوب فى التطبيق وليس فى القانون 155/ 2007، وأضاف أن الوزارة تعمل حالياً على إصلاح آليات تطبيقه بناءً على رغبة المعلمين، وقال "تخصيص تمويل جيد للتعليم سيساعد على تحسين أحوال المعلمين وبناء مدارس جديدة".


المصدر جريدة اليوم السابع
http://www.youm7.com/News.asp?NewsID=398006&SecID=97

[إلهام صلاح لاشين]

نصهم بالصلاة على النبى دمغة وضريبة والنص الثانى نقابة ومستنقعات وبعدين ده كله كلام فى كلام نفسى فى مرة القاهم بيقولوا قرر رئيس الوزراء زيادة رواتب المعلمين المساكين حتى نرفعهم إلى مكانة تليق بهم وسط الناس أجمعين دون العودة لاستشارة وزير التعليم مع حرمان ديوان الوزارة والمستشارين وتطبيق أقصى العقوبة مع الغرامة لمن يتطاول على المعلمين

قولوا معايا آمين

[ام يوسف]

كله كلام ومسكنات للمدرسين الوزارة لسه بتخطط يعنى حتنفذ كمان ثلاث او اربع سنين ان شاء الله يعنى لديوان الوزارة التنقيذ فورى من السنة دى و للمدرسين لسه بتخطط وبتدرس حسبى الله ونعم الوكيل

[omarstar2]

بخطط حد يديلو قلم ومسطرة وجاي على نفسك ليه 100% وكمان في حالة قبول الحكومة ياعنى هترسى فى الأخر على 50% مقطوع منهم نقابة و-----------

[رمضان5]

دى اول بشاير نقابة المعلمين المستقلة
بس لسة بدرى اوى على طلابتنا

[dr.mhmud]

نريد العدالة بين جميع العاملين بالوزارة
ولا نرضى بمسكنات
المعلم يستحق أعلى مكانة في المجتمع
ولن نقبل أي استخفاف بالمعلمين

[فتحى فارس محمد مرزوق]

مسكنات لقرب الامتحانات

[YaserTrboush]

ممكن تكون دى كدبة ابريل

[عاصم منصور عارف]

دة خبر ملهوش مصدر
يعنى شوية يطلع الوزير فى العاشرة مساء ويقول معرفش حاجة عنة

[طارق احمد عبد السلام]

كلها مهدئات حتى تمر الامتحاتات
المهم النفيذ قبل الامتحاتات
والايبفى قابلونى لو تم حاجه

[أحمد علي]

لو تمت هذه الزيادة حتكون خطوة علي الطريق وأتمني كمان أنه يتم تعديل بدل الأعتماد وبدل المعلم ليكون من الأساسي الحالي بدلا من أساسي العام الماضي وأحنا الفئة الوحيدة في الدولة الي بيطبق عليها نظام حساب بدل الاعتماد علي أساسي العام الماضي

[رانيا محمود]

أفلح إن صدق وربنا يسهل

[السرسورى]

كدبة اخر ابريل

[عبدالعزيز السيد عرابى]

هو انا لمل اعلم طالب الثانوى اللى بخلص الجامعة ويتعين فى بنك مثلا وياخد مرتب 2000او 3000 جنية وانا المتعين من قبل ما يتولد آخد 1200 جنيه مش حرام ولا انا غلطان
حسبى الله ونعم الوكيل

[dr.mhmud]

لا نريد زيادة
نريد العدل
لقد سارت الأمور في الوزارة بصورة مهينة للمعلمين لعقود
وآن الأوان أن تتغير بعد الثورة
لابد من تحقيق العدل والشفافية
ولا يحصل فرد بسبب الواسطة على دخل في الوزارة أعلى من حقه
وأن يتم اختيار القيادات بشفافية وحسب معايير محددة معلنة