"التعليم" تقرر تطبيق الكادر على معلمى المدارس الخاصة الأحد، 24 أبريل 2011 -

[ام رينا]

علم "اليوم السابع" أن وزارة التربية والتعليم وافقت على تطبيق الكادر على معلمى المدارس الخاصة والقومية، وأكد مصدر مطلع بالوزارة أن الدكتور أحمد جمال الدين موسى كلَّف نبيل الدمرداش، رئيس الجمعية التعاونية التعليمية لـ"القوميات"، والمندوه الحسينى، رئيس جمعية أصحاب المدارس والمعاهد الخاصة، بإعداد قاعدة بيانات بأعداد وأسماء المعلمين فى هذين النوعين من التعليم تمهيداً لتسليمها للأكاديمية المهنية للمعلم المسئولة عن تطبيق الكادر.

وأوضح المصدر لـ "اليوم السابع" أن الوزارة تبحث إدخال معلمى المدارس الخاصة والقومية امتحان الكادر المقبل المُزمع عقده مبدئياً فى الـ 15 من يوليو المقبل، وأضاف أنه فى حالة استيفاء أوراقهم قبل هذا الموعد فسيتم إدخالهم الامتحان، مشيراً إلى قناعة الوزير الحالى بضرورة المساواة بين هؤلاء المعلمين وبين نظرائهم بالمدارس الحكومية، والذين يحصلون على الزيادات المالية للكادر منذ مطلع عام 2009.

وكشف المصدر عن موافقة الوزير على إشراك معلمى المدارس الخاصة فى أعمال امتحانات الشهادات العامة والمحلية بدايةً من العام الدراسى الجديد 2011/ 2012، وقال إن الوزارة ستلغى النشرة التى تفيد بضرورة أن يكون المشارك فى أعمال هذه الامتحانات معيَّناً على درجة مالية بوزارة التربية والتعليم، على أن تفتح الباب أمام العاملين بـ"التعليم الخاص" ولكن مع وضع عدة ضوابط جديدة أبرزها أن يكون المشارك فى أعمال الامتحانات حاصلاً على تقرير "ممتاز"، وأن يكون متمتعاً بمظلة تأمينية وأن يكون قد قضى 5 سنوات كحد أدنى من العمل فى المدارس الخاصة.

من جهته أكد المندوه الحسينى، رئيس مجلس إدارة جمعية أصحاب المدارس الخاصة، أن الجمعية بدأت حصراً لأعداد معلمى المدارس الحاصلة على عضوية الجمعية، وقال "المدرسون فى التعليم الخاص عندهم رغبة فى المساواة مع أقرانهم فى المدارس الحكومية".

[بحراوية من دمنهور]

خبر كويس وياريت يحصل فعلا بس ازاى يطبق على مدرس فى مدرسة خاصة اختبار كادر ومعلم الاجر لسة معرفشى حيتثبت ولا لا

[meslmat]

غرائب وطرائف

[pop55]

إزاي يطبقوا الكادر علي المدارس الخاصة ويتم مساواتهم مع المدارس الحكومية

طيب الناس اللي في المدارس الخاصة ما شاء الله شغلين دروس علي ودنه يعني معاهم مبسوطين

أنا والله مش عارف أقول آيه

لا حول ولا قوة إلا بالله العلي العظيم

[pop55]

كمــــــــان مرتباتهم أعلي ممنا

والله العظيم أنا أعرف ناس في مدارس خاصة بتأخذ 600 جنية بعد تاني سنة

وكمان هيتثبوا زينا

والله العظيم دى حرام

يعني نكون أحنا شغالين في الضواحي وبنسافر أكثر من 30 كيلو كل يوم علشان أم التثبيت

ويجي ناس شغاله تحت بتهم في مدارس خاصة يتثبتوا زينا

والله الكلام دي حرام

[اميرة مهران]

عندكم حق على الاقل يتثبتوا بعد ما احنا نتثبت الاول

[pop55]

المشاركة الأصلية كتبت بواسطة amiraabdeen

عندكم حق على الاقل يتثبتوا بعد ما احنا نتثبت الاول

لو عايزين يثبتوهم يبقوا يشتغلوا زينا في ( المدارس الحكومية ) أكثر من خمس سنوات زينا بالضبط

هو دي الحق

لكن أحنا نتعب بقلنا أكثر من خمس سنوات وأكثر ويجي ناس شغالة تحت بتهم يتم مساواتهم معانا

والله العظيم والله العظيم والله العظيم

دي حرام

[علي عضاضلي]

ربنا يكرم الجميع ،،،،،،،،،،،،،

[pop55]

المشاركة الأصلية كتبت بواسطة علي عضاضلي

ربنا يكرم الجميع ،،،،،،،،،،،،،

المساواة في الظلم عدل

وربنا يكرم الجميع

[midoo353]

لا حول ولا قوة إلا بالله العلي العظيم

[حسام جوهر]

يا صالح الاحوال للجميع

[jijireda]

ياناس والله حرام المدارس الخاصة دي مافيهاش دروس زي مانتوا فاهمين وكمان المرتبات ضعيفة جدا ومافيش اجازات ولا مكافأت ولا اي حاجة وحرام عليكوا هي الكحكة في ايد اليتييم عجبة

[على محمد مفتاح]

انتو عرفين احنا مش بنشارل ليه فى المنتدى لانكم غير معترفين بان هناك مدرسين فى الصعيد واقصد اسيوط هذا الوزير لايعرف المدرسين ولايهمه مطالب المدرسين والكن يهمه الاستاذ فلان لتغير 5 لجان للكادر يريت يشيلوه حتى لاتنهب اموال المدرسين لهولاء الدكاتره وسلملى على الوزير ولجانه المحترمه والعبيد من المدرسينوشكككككككككككككككككككككككككككككككككككككككك كككككككككككككككككككككككككككككككككككككككككككككككككك كككككككككككككككككككككككككككككككككككككككككككككككككك كككككككككككككككككككككككككككككككككككككككككككككككككك كككااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااا

[pop55]

المشاركة الأصلية كتبت بواسطة jijireda

ياناس والله حرام المدارس الخاصة دي مافيهاش دروس زي مانتوا فاهمين وكمان المرتبات ضعيفة جدا ومافيش اجازات ولا مكافأت ولا اي حاجة وحرام عليكوا هي الكحكة في ايد اليتييم عجبة

مع احترامي الشديد لحضرتك

كلامك غير صحيح بالمرة

والدليل أصدقائي اللي شغالين في المدراس الخاصة

اقسم بالله العظيم اقسم بالله العظيم
زميلي كان بيقبض 500 وهو في البداية

في الوقت اللي كنا بنقبض بالأجر

حضرتك واخد بالك معايا ولا آيه

يا عم انا معنديش مانع أنهم يتثبتوا

بس يشتغلوا في الحكومة 5 سنين

زينا وبعدين يبقوا يتعينوا