المعلمين المستقلة" تهدد "التعليم" بتأخير توزيع أسئلة الامتحاناتللمطالبة بتحقيق أهدافه

[وليد زكير]

قرر المكتب التنفيذى لنقابة المعلمين المستقلة، التى تم إشهارها رسمياً أمس، الخميس، تنظيم مظاهرة أمام وزارة التربية والتعليم فى 2 مايو المقبل ولمدة 7 ساعات للمطالبة بتحقيق أهدافهم، وهى: (تعيين جميع العقود بدون شرط - رفع الحد الأدنى للمرتب وإعادة هيكلة الأجور- عودة المستبعدين أمنياً- إلغاء اختبارات الكادر من الآن- إقالة الوزير وتعيين وزير متخصص فى مجال التربية - المساواة بين جميع العاملين بالتعليم من معلم وإدارى سواء فى الوزارة أو المديريات أو الإدارات- تحويل تبعية الشئون القانونية إلى وزارة العدل).

واتفق المكتب التنفيذى لـ"المعلمين المستقلة"، فى اجتماعه الأول اليوم، الجمعة، بعد الإشهار الرسمى للنقابة، على التصعيد فى حالة انتهاء يوم التظاهرة دون تقدم تلبية الوزارة لمطالب المتظاهرين، ووافقت النقابة على أن تكون الخطوة الأولى للتصعيد هى تأخير توزيع ورق الأسئلة 5 دقائق أثناء اليوم الأول من امتحانات النقل، ثم 10 دقائق فى اليوم الثانى من نفس الامتحانات، على أن تكون الخطوة الثالثة هى تأخير تصحيح أوراق إجابات طلاب امتحانات الثانوية العامة.

كما اتفق أعضاء المكتب على توجه وفد من النقابة ثانى أيام المظاهرة إلى مكتب الدكتور عصام شرف رئيس مجلس الوزراء، للالتقاء به بعدما أصبحت النقابة جهة تفاوض رسمى عن المعلمين بعد إشهارها رسمياً من وزارة القوى العاملة، بحسب أعضائها.
http://www.youm7.com/News.asp?NewsID=396768

[رمضان5]

بالتوفيق ان شاء الله خلى الوزير يفرح

[هاجر موسى]

يارب يسر الحال

[memoo_87_6]

اطالب المدرسين بالهدوء حتي لا تحدث فتنة في المدارس حيث يتبقي شهر واحد وعلي المعلمين ان يصبروا من اجل التلاميذ وانتهاء الامتحانات فقد استحملتم سنين يا معلمي الاجيال هددوهم اذا لم تنفذ المطالب قبل اول يونيه سنقوم باضراب مستمر ربنا يهدي شعب مصر.والوصول لحلول اخرى غير الاضرابات التى سوف تؤدى الى انهيار الاقتصاد المصرى

[نورالحبيب]

ياسيدى الفاضل ماهم مش فاهمين الكلام وديا مبيفهموش ولابيسمعوا غير للى بيعمل اضرابات انت مشفتش كلام الوزير المستفز كل وزير جاب لوزارته حقها وزياده من حيث رفع الحد الادنى للاجور واعلاء مكانتهم الاجتماعيه واحترامهم ماعدا احنا
وللاسف لسه ساكتين وبنحايل وبنطالب وللاسف ولاحد معبرنا يبقى مبقاش لنا اختيار اخر غير كده طالما مش قادرين نوصل لحقنا وابسط حقوقنا المساواه بالوزارات التانيه ولا حضراتكم شايفين ان المعلم لايستحق اعلاء شأنه ورفع مكانته بين الوزارات الاخرى ده اقل مطلب وابسط الحقوق الاجتماعيه
ربنا يوفقنا جميعا لما يحب ويرضى ويحفظ بلدنا بلدا امنا

[الأستاذ حمدي]

أنا ضد كل هذا .
نعم للأمن والأمان والاستقرار والسلام .
فيه ناس غيركوا مش لاقيه اللضا وانتوا كل شوية تعملوا مظاهرة !
أليس لكم في غيركم عبرة ؟!

[مصطفى محمد ص]

والله دول رجالة
وأنا مستغرب من الناس ئل زعلانة
على فكرة الوزير الجديد مرء وميعرفش ياخد قرار
وعشان كدة والله دول رجالة وأنا معاهم ‘إنشاء الله

[كوكو حمادة]

والله فعلا رجالة مش احنا المدرسين النص كم اللى نقول عازين حقنا تقولوا لا احنا دائما المدرسين دائما متأخرين في كل شيء هو ايه اللى فرعن الوزير ان لم يجد من صدى لصوته وانا نفسي الوزير يمع الكلام او يروح خلاص الواحد زهق من الكلام الكلام ويارب يارب يارب يسترها معانا كلنا وياريت يسمع لينا بقى

[سعاد اقتصاد منزلى]

مفيش حل تانى غير كده والله الموفق

[نودى محمد]

هو ده الحل لنأخذ حقنا لان كل وزير بيشكل اللى هو عايزه بمزاجه احنا لازم ناخد حقوقنا كويس وكفاية اهانة بقى وقلة قيمة

[التغيير]

وقفة معلمون واخصائيون يريدون تغيير المسمى الوظيفى امام محافظة الدقهلية
الخميس 5 / 5 / 2011 الساعة 11 صباحا

مطالبنا

1. تغيير المسمى الوظيفى لخريجى كلية التربية العام ويعملون بالمرحلة الابتدائية كمدرسين ابتدائي ومدرسين فصل إلى مدرس إعدادي ويعتبر منتدبا على المرحلة الابتدائية كسد عجز ويكون له الأولوية فى سد العجز فى المرحلة الإعدادية فورا فى تخصصه
2. تغيير المسمى الوظيفى لأمناء وأخصائيين المكتبات من التخصصات الأخرى إلى معلم فى مادته الأصلية بدلا من اخصائى كل وفقا لمادته الأصلية ويعتبر منتدبا على المكتبات وله الأولوية فى سد العجز فى تخصصه الاصلى وفى مرحلته الأصلية فورا
3. احتساب المدد السابقة من التعاقد الى مدة الخدمة
4. من نقل نقلا كليا إلى المرحلة الإعدادية قبل امتحان الكادر فله الحق ان يثبت على المرحلة الإعدادية وليس على العقد لان النقل يلغى بذلك العقد

[MUSTAFAEGYPT]

لا تنسوا

الوقفة الاحتجاجية للمعلمين يوم 5-5-2012

مطالبنا

ان تقوم الحكومة بتوفير مينى باص للمعلمين ينقلهم من البيت للمدرسة ومن المدرسة للبيت

ان تقوم الحكومة بصرف ثلاثة كيلو كباب فى اخر كل شهر مع المرتب لكل معلم وادارى



ان تعمل الحكومة على توفير مروحة لكل معلم ومعلمة وتسلم له فى بداية الصيف من كل عام