مسابقة الكويت

[طارق عبد الحفيظ]

ياريت ياجماعة اللى عندة اى خبر عن مسابقة الكويت او تم الاتصال بية يدخل ويقول وخصوصا إن النهاردة
4/22 وكان المفترض إنة من يوم 15/4 وإلى الان لم يحدث اشئ ارجو الرد

[معلم متعاقد]

لا جديد واللجنه حتى لم تنزل مصر ولا اى دوله عربيه حتى الان ومن المحتمل مينزلوش لانهم عملوا مسابقه اختبارات فى الكويت حتى نهايه هذا الشهر يعنى بتهافتوا على اى واحد فى الكويت هناك ويخدوه حتى بدون خبره او فى غير تخصصه يعنى امتحان روتينى وهذه معلومه من قريب لى فى الكويت يعنى اللى ممكن يروح زياره خلال هذا الشهر الكويت كان يتقبل فورا

[محمد مسعد شرابى]

السلام عليكم
لو ممكن شوية معلومات عن المسابقة
التخصصات اللى محتاجينها اية
والمسابقة بدأت امته ومواعيد التقديم واخر ميعاد للتقديم واى تفاصيل تانية

[salama201043]

لاجديد
ياعم خليك هنا
بكرة تتعدل
ابو الرياضيات

[محمد مسعد شرابى]

لكن دى فرصة ممتازة

[meslmat]

على فكرة المسابقة للمقيمين والوافدين فقط
والله اعلى واعلم

[الاستاذ احمد حامد]

أحد الاصدقاء معلم لغة انجليزية أخته تعمل بالكويت بعتت له زيارة لحضور امتحان بالكويت وأكدت له ان الامتحان روتيني وأنه مقبول مقبول

[محمد مسعد شرابى]

ممتاز ياريت ياجماعة اى حد يوافينا بالتفاصيل الخاصة بالمسابقة
وجزاه الله خيرا

[اميرة مهران]

المسابقة كانت بشهر 12 على فكرة ومعادها كان لحد 31 /1 /2011 يعنى المعاد عدى والناس نجحت بس الكويت مخددتش حد مش عارفه السبب
كله بسبب الثورة معرفى ايه العلاقة بس
ممكن يكون تاخير وقت بس مش اكتر

[علي عضاضلي]

ربنا يطمنكم ،،،،،،،،،،،

[معلم متعاقد]

ياجماعه زى ما قلت لكم والله ان اللجنه لم تنزل مصر ولا اى دوله عربيه بسبب الاحداث اللى حصلت والثورات بس اجرت اختبار فى الكويت ومش شرط المقيمين يعنى لو حد لك هناك بعت لك زياره سهل جدا انك تتقبل واخر موعد هناك هو نهايه شهر 4 الحالى لانه بدأ من اول 4 وانا كان ممكن اروح زياره بس رفضت لانى متعاقد فى الازهر وحتى الان لم نتعين

[محمد مسعد شرابى]

امال اية حكاية المسابقة للمقيمين والوافدين فقط
ياريت توضيح
يعنى كارت زيارة ينفع ولا لاء
واخر ميعاد يوم كام بالظبط عشان لو كدا نسعى فى الموضوع

[دكتور/ رأفت علم الدين]

يا جماعة لو اى حد عرف معلومات عن المسابقة دى يقول عليها والخير يعم على الناس كلها وشاكر لكل من اهتم ورد على الموضوع....
والسلام عليكم ورحمة الله وبركاته

[معلم متعاقد]

الموضوع باختصار ان اللجنه قررت تاخد من الكويت بشرط تواجدك هناك حتى لو زياره يعنى لو لك قريب هناك يقدر يعملك زياره لو اسبوع على ما تجرى الاختبار والسنه دى لم يشترطوا الخبره ولا غيره حتى لو فى حاجات مش مستوافاه بيعدوها هو اختبار روتينى والله الخبر ده من شخص كويتى واصل بلغه لقريب لى هناك لكن الاختبارات بدأت من بدايه الشهر وحسب علمى تنتهى بنهايه هذا الشهر لكن اللى انا اعرفه ان بيكون هناك تقديم كل سنه واختبارات تجرى فى شهر 7 دى كان بيحصل لما كانوا بينزلوا مصر لكن السنه دى منزلوش فانا مش عرف هل اختبار 7 هيبقى برضه ولا ايه على اساس انك لو ملحقتش الفرصه دى تلحق غيرها

[محمد مسعد شرابى]

فيه ناس بتقول اخر ميعاد للتقديم 30/4/2011