|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
22-04-2011, 01:25 AM
|
||||
|
||||
المهازل اللي حصلت في ندوة عمرو موسى لجامعة طنطا
نبدأ بجريدة الدستور :- عمرو موسى يشيد باستقبال أهالي طنطا له.. وبيان لطلاب كلية الطب يتبرأ من ندوته في الجامعةاتحادطلاب طب طنطا:مؤتمرعمروموسى"دعايةرخيصة لمرشح رئاسة بمساعدة المسئولين" من هنا جريدة البديل ::- **-*-*-*-*-*-*-*-*-*-*-*-*-*-*-*-*-** بسم الله الرحمن الرحيم  ********* أرجو قراءة التوبيك دا كله و هتعرف أكتر ايه اللى حصل بقلم : محمد يسرى عضو اتحاد الطلاب بعنوان : عن المهازل اللي حصلت النهاردة في ندوة عمرو موسى **************************** المهازل اللي حصلت قبل ما ييجي رحت الصبح بدري واستعوضت ربنا في سكشن المراجعة اللي هيفوتني عشان أشوف النظام إيه بالضبط الأمن اللي واقف على بوابة مركز المؤتمرات كان بيسمح للناس بالدخول بإثبات الشخصية وبيفتش الشنط دخلنا المركز لقينا على باب القاعة اللي تحت (اللي هييجي فيها عمرو موسى) طلاب وأمن هما اللي بينظموا الدخول وقالولنا إن القاعة اللي تحت لأعضاء هيئة التدريس وطلاب حقوق بس وبقية الطلاب يطلعوا القاعة اللي فوق ويتفرجوا من شاشات العرض صبرنا شوية .. وكنا واخدين قرار من امبارح إن ماحدش من اتحاد الطلاب هيدخل إلا لو اتسمح لكل الطلاب بالدخول شوية وبنبص جوة القاعة اللي تحت لقينا رئيس الاتحاد القديم ومعاه واحد من الاتحاد القديم وواحد كان في الاتحاد القديم والجديد لقينا التلاتة جوة ... وبقية طلاب الكلية مش مسموح ليهم بالدخول الطلاب كلها هاجت وقالت طب ليه دول يدخلوا .. وفيه ناس جوة مش من حقوق .. وبصفة إيه الطلبة دول داخلين ؟؟ ..راح الأمن أخد طالب من الواقفين وقاله اللي تعرفهم جوة مش من حقوق قلنا واحنا نطلعه الطالب فعلا دخل وقاله عليهم وطلعهم الأمن طلعوا الطلاب التلاتة دول يشتموا فيه ويقولوله إنت بأي حق تطلعنا ؟؟ وقال واحد منهم احنا دخلنا عشان لقينا جوة إخوان ( ما كانش فيه أي طالب من كلية الطب جوا غير التلاتة دول وقتها والناس اللي دخلت مع الأمن عشان يطلعوهم) ؟ !!!! طبعا الكلام ده كله متسجل ومتصور المهم .. الطلاب اتجمعوا من الكليات المختلفة وقعدوا يهتفوا ضد منعهم من الدخول وكان طلبة الاتحاد الحالي معاهم برة وما حدش منهم دخل إلا لما اتسمح للطلاب إنهم يدخلوا (على فكرة الدخول كان بالعافية وقتها .. في الآخر بقت الناس بتدخل عادي) المهم قدرنا في الآخر ندخل وفيه اللي لقى كرسي وفيه اللي مالقاش .................................................. ................. كان فيه فقرة كدة للطلاب كل واحد يطلع يقول قصيدة أو مشهد لحد ما ييجي عمرو موسى كنوع من تسلية الحضور طبعا المنظم للحفل كان إدارة كلية الحقوق ( أيوة احتفالية عميد حقوق قال كدة يعني مش ندوة ولا حاجة .. احتفالية ) ************************************************** *************************** المهازل اللي حصلت بعد ما جه عمرو موسى وجه عمرو موسى وقام عميد حقوق بإلقاء كلمة نيابة عن إدارة الجامعة وقاله بعد الترحيب طبعا .. إن الجامعة بتأيده في الانتخابات الرئاسية وإنه هو الأمل من زمان لإنقاذ مصر وإن الجامعة كلها وراه !!!!! آه صحيح .. هو أنا نسيت أقولكم .. ندوة عن الثورة إيه وبتاع إيه .. الندوة كانت دعاية انتخابية بحتة ومبتذلة لعمرو موسى .. حتى كانت فيه ناس شايلة يفط لتأييد عمرو موسى في الانتخابات الرئاسية هوب ولقينا عميد حقوق بيقدم طالب من الكلية وإنه هيلقي قصيدة باسم الطلاب لقينا الطالب بيقوله أهل كفر الشيخ أمننوني إني أقولك إنهم بيسلموا عليك وبيأيدوك !!! (فكرني بالناس اللي كانوا بيطلعوا في الندوات الجماهيرية للرئيس المخلوع ) وبدأ في إلقاء القصيدة المليئة بالنفاق الدنيء والمبتذل من الحاجات اللي فيها : أكرم بشعب عمرو رئيسه !!!!!!!! وبقدومك كأننا حررنا فلسطين !!!!!!!!!!!!!!!!!!!!!!!!!!!!!!!!!!!!!!!!!!!!!!!! (أنا استغربت ان الراجل ما أبداش أي اعتراض عالقصيدة دي ) المهم بعد وصلة النفاق المبتذلة والسخيفة دي والدعاية الانتخابية البحتة من إدارة الجامعة بدأ كلام عمرو موسى ************************************************** ******************************* كلام عمرو موسى تكلم عمرو موسى عن مواضيع عامة وعن مصر مابعد الثورة ويشتم في الثورة المضادة وعن اللي هيعمله لو بقى رئيس وانه هينمي سيناء والنوبة وهيضبط طنطا وهيخليها مركز اقتصادي هام وعن الدستور وأكد أكتر من مرة إنه ينوي إلغاء قانون الطوارئ ( مش عارف إزاي مع إنه اتلغى خلاص في التعديلات الدستورية .. يا خوفي ليكون ناوي يرجعه وبعدين يبقى يلغيه ) المهم الراجل ما طولش ************************************************** ************************************* الأسئلة واللي حصل فيها طبعا كانت الأسئلة بتتجمع من الناس في ورق والمنظمين ياخدوها ويفلتروها وبعدين قالوا ده نموذج من الأسئلة عشان أغلبها مكرر .. وقالوا كام سؤال كدة .. ماتعرفش بقى مين اللي كاتبهم ولا حد جايبهم معاه ولا إيه بالضبط .. الأسئلة اللي في الورق كانت عن الوضع في ليبيا ّ( دعا" الأخ القائد" معمر القذافي للتحاور مع المعارضة !!!! ) وعن أزمة مياه النيل وغيرها .. بصراحة .. حسيت إن الأسئلة مفبركة سابقا .. خاصة إن ردوده كانت جاهزةخد عندك .. بقى ده سؤال مثلا : كنت قويا في تعاملك مع اسرائيل خلال فترة رئاستك لجامعة الدول فهل ستعاملها بقوة أيضا عندما تصبح رئيس .. ؟ الطلاب اللي في القاعة قالوا مش هي دي الأسئلة بتاعتنا .. وطلعوا كام طالب يقول الأسئلة شفهيا قام في البداية طالب من حقوق وسأله إذا كان مأيد أم معارض للنظام السابق ؟ عمرو موسى بدى عليه التوتر .. ماهو لو قال معارض هيقولوله إزاي كنت جزء من النظام ده عشر سنين ... المهم وطى صوته وقعد ( يحور ) وقال في الآخر أنا مؤيد للثورة فرد الطالب : طب ليه رحت للمتظاهرين في التحرير وطلبت منهم الرحيل .. الراجل توتر أكتر وقال لأ ما حصلش ( ارجعوا لمنشيتات الجرايد وقتها وحاولوا تجيبوا تصريحاته على قناة الجزيرة عشان تتأكدوا إنه فعلا راحلهم وقالهم روحوا ) قاله الطالب ما علينا طب ليه حضرتك كنت بتقول إنه لو ترشح الرئيس مبارك هتنتخبه وإنك بتأيد طريقة إدارته .. قال ده تزوير وما حصلش ( الكلام ده متسجل في لقاء في قناة دريم والمقطع عاليوتيوب ) الإدارة طبعا خلال الكلام حاولت تشد الطالب وتبعده .. لاقوا الطلبة اللي في القاعة كلهم هاجوا .. فسابوه لحد ما خلص بعد كده طلع زميلنا محمود ميسرة أمين اللجنة الثقافية رحب في البداية بعمرو موسى .. وبعدين استنكر الطريقة اللي أدارت بها الإدارة الندوة .. وبعدين استنكر كمية النفاق والكذب اللي كانت في القصيدة .. ووجه سؤال لعمرو موسى هو انت ليه طالبت بفرض حظر جوي على غزة خلال الغارات على غزة دلوقتي عشان 20 واحد ماتوا وما طالبتش بده في العدوان على غزة بتاع 2008 - 2009 اللي مات فيه أكتر من 1000 واحد عمرو موسى قال إنه بيشكر قائل القصيدة لكن عيبها إنها ركيكة ( القصيدة كانت مش موزونة وفيها أخطاء في النحو ) .. بس آه والله بس ولا اعترض على النفاق اللي فيها ولا حاجة وبعدين قعد يبص في الورق اللي قدامه ويقول أصل الوضع مختلف وفي 2008 ده كان حصار ومختلف عن دلوقتي ( وقتها عمرو موسى طلع وقال المقاومة الفلسطينية هي اللي غلطانة ) بعدين سأله طالب تالت عن مقولته أن حسني مبارك أبو المصريين وأنه لا يرى داعي لمحاكمته ( ارجعوا تاني لمنشيتات الجرايد ولاحظوا إنه ماجابش حاجة من ده ) الراجل توتر جدا وبدأ يتكلم بصوت واطي و (يحور ) في الكلام وما فهمناش منه حاجة وهو كان متوتر جدا وفجأة لقيناه قال السلام عليكم والمايك اتفصل وما جاوبش عن بقية أسئلة الطالب اللي كان واقف ومشي والحرس بتاعه قعد يزق الناس جامد ومنهم بنات وكان فيه ناس جاية تشتكيلوه اتعامل حرسه الخاص معاهم بقمة قلة الذوق والعنف وبرة العربيات كانت بتجري جامد وكانت هتدهس ناس كل اللي حصل في اللقاء ده متصور نبدأ بقصيدة النفاق من العصر الأموى , و إزاى بتصف مقدم عمرو موسى بفتح فلسطين !! موكب عمرو موسى قبل الندوة 25 ( خمسة و عشريييييين) عربية ! مـــن هــــنـــا ضرب حرس عمرو موسى لطالبة بعد الندوة و خروج موكبه من الجامعة بسرعة وسط الطلبة ( نترك التعليق لأصوات الناس بالفيديو) من هــــنـــا فيديو لتوثيق كلام و مواقف عمرو موسى عن حسنى مبارك و غيره بالصوت و الصورة , مفيش بعد كدا !! (هام) ما حدث كان مسرحية مبتذلة و(مهزلة )بكل ماتحتويه الكلمة من معاني...
__________________
ومن يتهيب صعود الجبال ,,, يعش أبد الدهر بين الحفر
 آخر تعديل بواسطة hema_maf ، 22-04-2011 الساعة 02:14 AM سبب آخر: تعديل الروابط |
|
#2
22-04-2011, 01:57 AM
|
|||
|
|||
من اجل مصر اتوقف
 بالنسبة للأخ اللى قال كفر الشيخ بتأييد عمرو موسى أحب أطمنه هنا مفيش عمرو لا برادعى إنسى ياعمرو وكمان البرادعى
__________________
قالوا كذبا : دعوة رجعية -- معزولة عن قرنها العشرين
الناس تنظر للأمام ، فما لهم -- يدعوننا لنعود قبل قرون؟ رجعية أنّا نغارُ لديننا -- و نقوم بالمفروض و المسنون! رجعية أن الرسول زعيمنا -- لسنا الذيول لـ "مارْكسٍ" و " لِنين" ! رجعية أن يَحْكُمَ الإسلامُ في -- شعبٍ يرى الإسلامَ أعظم دين ! أوَليس شرعُ الله ، شرعُ محمدٍ ------ أولى بنا من شرْعِ نابليون؟! يا رب إن تكُ هذه رجعيةً ------ فاحشُرْنِ رجعياً بيومِ الدين ! |
|
#3
22-04-2011, 02:20 AM
|
||||
|
||||
اقتباس:
تمام ,, ربنا يولى من يصلح إن شاء الله
بس للأسف شعبية عمرو موسى بعد أغنية شعبان عبد الرحيم و موقفه من مشكلة الدكتور المصرى اللى كان فى السعودية عاملاله صيت جامد أوى , و الأغلبية الصامتة أغلبها بتحب عمرو موسى ! يبقى حرام الثورة تقوم علشان عمرو يمسك ! ماهو اتخلل فى جامعة الدول العربية محادش شاف منه حاجة !! حسبى الله و نعم الوكيل اللى غايظنى أكتر الإستفتاء اللى فى المنتدى هنا , عمرو موسى واخد أغلب الأصوات !! يا ناس شوية تفكير 
__________________
ومن يتهيب صعود الجبال ,,, يعش أبد الدهر بين الحفر
|
|
#4
22-04-2011, 01:29 PM
|
||||
|
||||
|
من يرشح شخص لان شعبان بيحبه يبقى لا مؤاخذه..
__________________
مستر/ عصام الجاويش معلم خبير لغه انجليزيه بمدرسه التل الكبير الثانويه بنات بمحافظه الاسماعيليه |
|
#6
23-04-2011, 12:56 AM
|
||||
|
||||
اقتباس:
 اقتباس:
إذا كان أنا مش هرشح البرادعى !!
__________________
ومن يتهيب صعود الجبال ,,, يعش أبد الدهر بين الحفر
|
|
#7
23-04-2011, 03:10 AM
|
|||
|
|||
|
لا حول ولا قوة إلا بالله
حقيقة الامر اصبح بأن النظام القديم يعود من جديد كل شخص ناوي يترشح للرئاسة ماشي يلف على البلدان وكأنه بيروج لبرنامجه الانتخابي بأي حق ؟ إذا كان لم تبدأ الانتخابات بعد ولا هو هذا الوقت الله المستعان اللهم ولي على خيارنا ولا تولي علينا شرارنا
__________________
|
|
#8
23-04-2011, 09:59 AM
|
|||
|
|||
|
عمرو موسى
- كان جزء من النظام القديم -سنه كبير -كفاياه رأّسه للجامعه العربيه اللى سايبه القذافى يقتل المدنيين اظن ان مصر محتاجه وجه جديد غير المالوفين فى النظام السابق ونفس الكلام ينطبق ع البرادعى - كان يتكلم ايام الثوره وكانه المتحدث الرسمى باسم الشعب - قال مش هيترشح ورجع فى كلامه تانى - اول ما نزل مصر كان بيتكلم الانجليزيه وكان بارع فى النطق بها ع عكس العربيه -عاوزين حد اصغر فى السن
__________________
never break 4 things in your life (promise , relation trust and heart ) because when they broken they don`t make noise , but hurts alot ! |
|
#9
23-04-2011, 10:37 AM
|
||||
|
||||
|
هو فى حد سألكم عاوزين عمرو موسى ولا البرادعى؟
ما ترشحو اللى انتو عاوزينه بدون اعلانات غريبة والله كل الهيصة دى عشان تقولو لا لعمرو موسى ؟ ما تقول لا يا عم براحتك ورشح اللى يعجبك وما تفرضش رايك على الغير بالقبول أو الرفض |
|
#11
23-04-2011, 10:42 AM
|
|||
|
|||
|
اقتباس:
نريد رئيس على دراية وعلم بمشاكل المصريين وخاصة من هم بعيدون عن العين فى القرى والصعيد يكون على علم تام بأوضاعهم الحقيقية والتى يتابعها بأم عينيه وليس من خلال تقارير يتبعها تشكيل لجنه ينبثق منها لجان من أصحاب الجرافت الشيك والذى يخشى على حذائة الاتساخ بالطين و...... ثم فى النهاية تكون أوجاعهم أداة فى أيدى المعارضة للضغط على الحكومة للحصول على مناصب ومكاسب سياسية -- والغلبان مازال غلبان --- والمكاسب والأرباح تتوزع على المؤيد والمعارض--- دوروا قبل أن تتعصبوا لأحد -- فكفانا التضحية بالنفس من أجل زعماء لا يقدرون النفوس وقد منحنا الله لكل منهم ماض - فلندقق ونختار فمالمانع ؟؟-- قد يدفعنا البعض لليأس من وجود مثل هذه النوعية فى بلادنا ولكن ردى عليهم - مارأيكم فى عصام شرف - إنه يذهب إلى مطاعم الفول والطعمية -ستجدون مثله فى مصر الكثيرون ولاحاجة لنا للإستيراد من الخارج فالقطن المصرى يزرع فى مصر ثم يصدر للخارج فيصنع ويصبغ ليعود لنا لنشتريه لمجرد التباهى من الهاى أنه مستورد من الغرب فلماذا كل هذا وشركات المحلة وكفر الدوار وأسيوط تنتج من نفس القطن من هم أفضل مليون مرة ويكفى أنه تشبع بنسيم ورطوبه أرض الكنانة والأصالة والحضارة شكرا للجميع
__________________
الحمد لله |
|
#12
24-04-2011, 08:25 PM
|
|||
|
|||
|
ليه الاستعجال كل يوم بيطلع مرشح للرياسة ومصر ولادة والله وحده يعلم من هو رئيس مصر القادم ان شاء الله انا هانتظر واشوف برنامج كل واحد ثم استفتى قلبى ا ن شاء الله
|
|
#13
24-04-2011, 08:39 PM
|
||||
|
||||
|
عمرو موسى ساب القذافى لما الدول الافريقيه اللى ليها و اللى مالهاش داخله تحل وقبل كده كانت فنزويلا وبعدهم تركيا يا شيخ طب قدم اقتراح حتى لو مرفوض المهم اعمل منظر واليمن ولا اكنه دوله عربيه على الخريطه كانها فى كره ارضيه تانيه وكذلك سوريا والبحرين من قبل مش عارفه هتعمل ايه فى مصر الله لا يقدر اذا مسكت ساعتها حسنى احسن
__________________
 |
|
#15
24-04-2011, 11:36 PM
|
||||
|
||||
|
اللهم ولى من يصلح يارب العالمين.
__________________
MR/Sherif Khattab
 اللهم صلى على سيدنا محمد وعلى أله وصحبه وسلم |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 01:53 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
