أحسن من الاضراب؟؟.شارك برأيك وبلاش سلبية

[sasawawa]

السلام عليكم ورحمة الله وبركاته
أكيد الهدف من الاضراب ان صوتنا يوصل وليس فقط مجرد طلبات ،
لذلك فكرت اننا نعمل اجتماع فيديوكونفرانس علي مستوي جميع المحافظات بحيث يحضره مندوب من المجلس العسكري أو الدكتور عصام شرف ونعرض عليهم مطالبنا
سواء قبل الاضراب او بعد الاضراب ، المهم اننا نتكلم كلنا ويسمعوننا
واظن دا شئ مش مُكلف نهائياً لأن الدكتور عصام شرف ممكن يجتمع معانا من مكتبه مباشرة او من احد المكاتب المؤهلة لذلك في رئاسة الوزراء
مين موافق ؟؟
ياريت تشاركوا وبلاش سلبيه حتي لو كنت مش موافق
المهم تقول رأيك وتوصلّنا وجهة نظرك

[محمد حسين الشربينى]

أوافق علي الاجتماع ولكن بعد الاضراب

[ali14855]

فكرة جيدة ولكن تحتاج اعداد جيد ولكن المسئولين لن يسمحوا لنا باستخدام الفيديو كونفرانس

[sasawawa]

المشاركة الأصلية كتبت بواسطة ali14855

فكرة جيدة ولكن تحتاج اعداد جيد ولكن المسئولين لن يسمحوا لنا باستخدام الفيديو كونفرانس

يبقي الحل اننا نكتب الطلب دا علي صفحة رئاسة الوزراء والمجلس العسكري وكمان صفحة الدكتور عصام شرف
واذا كان في مسيرة غداً ان شاء الله يبقي المطلب الرئيسي فيها هو الاجتماع .
يعني المجلس العسكري يعمل اجتماع مفتوح مع شباب الثورة لأكتر من مرة ويرفض انه يعمل اجتماع مع المدرسين؟؟

[magdymhdy]

أنا عايز أفهم حاجة معظم المؤسسات والقطاعات في مصر عملت اضرابات وحصلت على حقوقها مثل الاتصالات والشرطة والكهرباء اشمعنا لما تيجي عند المدرس تقف ويقولوا بلاش اضراب علشان البلد والحالة وكدة مع ان كل اللي حصلوا على حقوقهم حصلوا عليها بهذه الطريقة
وأخرهم اساتذة الجامعات لأن ليهم في الاساس وزير ينادي ويطالب بحقوقهم وليس وزير يهادن ويطبطب على موظفي الديوان ويترك المدرسين شوفتوا الفرق بقى بين وزير وأخر

[sasawawa]

المشاركة الأصلية كتبت بواسطة magdymhdy

أنا عايز أفهم حاجة معظم المؤسسات والقطاعات في مصر عملت اضرابات وحصلت على حقوقها مثل الاتصالات والشرطة والكهرباء اشمعنا لما تيجي عند المدرس تقف ويقولوا بلاش اضراب علشان البلد والحالة وكدة مع ان كل اللي حصلوا على حقوقهم حصلوا عليها بهذه الطريقة
وأخرهم اساتذة الجامعات لأن ليهم في الاساس وزير ينادي ويطالب بحقوقهم وليس وزير يهادن ويطبطب على موظفي الديوان ويترك المدرسين شوفتوا الفرق بقى بين وزير وأخر

الفكرة في الاجتماع هي :
كل قاعة تقريباً تسع أكتر من 50 معلم ، يعني في المحافظة الواحده حوالي 200 "دا توقعي انا يعني ممكن يكون اكتر من كده "
يبقي علي مستوي الجمهورية في كام مدرس حاضر وبيشترك؟؟
أظن دا حل مناسب لكل المعلمين خاصة من المحافظات البعيدة

[magdymhdy]

الاخ الفاضل sasawawa اعود واقول لك ان اقتراحك غير منطقي بالمرة فمن الذي سوف يمكنك من عمل هذه الاجتماعات بالفيديو كونفرانس اذا كان المسئولين بالأساس يرفضون حتى مجرد الأستماع الينا بل يصفونا نحن المدرسون بأفظع الالفاظ (راجع شتيمة ابو سريع)
فأذا كان الحال كذلك فهل تظن ان هذا الحل ينفع ؟؟؟؟؟؟

[sasawawa]

المشاركة الأصلية كتبت بواسطة magdymhdy

الاخ الفاضل sasawawa اعود واقول لك ان اقتراحك غير منطقي بالمرة فمن الذي سوف يمكنك من عمل هذه الاجتماعات بالفيديو كونفرانس اذا كان المسئولين بالأساس يرفضون حتى مجرد الأستماع الينا بل يصفونا نحن المدرسون بأفظع الالفاظ (راجع شتيمة ابو سريع)
فأذا كان الحال كذلك فهل تظن ان هذا الحل ينفع ؟؟؟؟؟؟

عندك حق جداً ، وعلي فكرة ان معاكم ان الوزير يمشي وياخد ابو سريع في ايده "ودي من اهم المطالب "
لكن انا مقلتش ان الاجتماع يكون معاهم لكن مع المجلس العسكري او الدكتور عصام شرف ( ويكون الاجتماع دا من اهم المطالب اللي نطالب بيها في الاضراب)

[Monsieur_sadek]

ايه الحلاوة دى فيديو كونفرنس ودة ينفع من المبادئ اللى الشعب كله صفق ليه هيا عيش حريه عدالة اجتماعية ولما المعلمين تنادى بكده يبقى فئوية يا ناس حرام بقى اليابان لما حبت تبدأ بعد القنبلة النووية قبل ما تفكر فى المصنع فكرت فى التعليم واحنا حالنا فى التعليم لا يسر عدو ولا حبيب ولا ايه ؟؟؟؟؟؟؟

[سامى الجنانى]

الى الاخ هيما اسلوبك كلنا ندينه ويجب ان تتاسف لزميلك ولنا جميعا

[sasawawa]

ايه الحلاوة دى فيديو كونفرنس ودة ينفع

اللي حضر اجتماع فيديو كونفرانس قبل كده عارفين انه مجال مناسب جداً للحوار وسماع الآراء المختلفة
ويبقي المعلم هو اول من فكَّر بالمطالبة بحقوقه بطريقة راقية وايجابية

[hany himada]

اعتقد انها فكرة جيدة ولكنها للاسف غير قابلة للتنفيذ

وذلك لسبب بسيط كما اوضح لك الزملاء سابقا ان المسئولين عن هذة

القاعات لن يسمحوا بذلك بحجة ان هذة الاجتماعات يجب ان تكون بأمر مباشر

ومكتوب سواء من الادارة او المديرية التابعة او من ديوان الوزارة بالقاهرة .

ولك الشكر على مسعاك واجتهادك

فمن اجتهد واخطأ فله أجر

ومن اجتهد واصاب له أجران .

ونحن نهيب بالاخ " هيما " ان يتقدم لك ولجميع اعضاء المنتدى بالاعتذار .

[Nabila]

المسؤلين فى البلد للاسف عايزين الناس تعمل اضراب علشان المسأءلة اصبحت لوى ذراع من الآخر علشان المسؤل يتحرك عايز الناس تتصرف ببلطجة
انما الناس المحترمة الى عايزة حوار راقى مش عايزين لكن طول ما بنحاول مع المسؤلين
هنعمل الحوار
وبعدين صفحة الوزير والدكتور عصام على الفيس بوك موجودة ونخاطبهم
المطلوب من الدكتور عصام والدكتور أحمد لقاء لمدة نصف ساعة فقط على الفيديو كنفرنس

[sasawawa]

المشاركة الأصلية كتبت بواسطة nabila

وبعدين صفحة الوزير والدكتور عصام على الفيس بوك موجودة ونخاطبهم
المطلوب من الدكتور عصام والدكتور أحمد لقاء لمدة نصف ساعة فقط على الفيديو كنفرنس

انا معاكي في نفس الطلب
يا ريت يا جماعة حد يكتبلنا صيغة طلب جيدة نبعتها كلنا علي الفيس بوك او بالفاكس

[طه المنشاوى]

أوافق علي الاجتماع ولكن بعد الاضراب