صدقونى يا جماعة : مبارك ولا كإنه مشى ولا كإن كان فيه ثورة

[البرهان الرياضى]

مبارك ولا كإنه مشى
ولا كإن كان فيه ثورة
يمكن أنا الشخص الوحيد اللى مش حاسس
إن كان فيه ثورة
مش عارف ليه ؟
أقول بعض أسبابى :
ثورة ...... يعنى تغيير شامل
بمعنى أن تكون السلطة فى يد الشعب
الذى قام بهذه الثورة
أمّا أن يحكمنا أشخاص كانو فى عهد مبارك
وخدمو تحت سلطته أمثال شرف وغيره
فهذا يدل على أنه لم تكن هناك ثورة
أن يقوم شرف ( أو غيره ) بتعيين محافظين جدد
كانو أعضاء فى الحزب الوطنى
ويظل سمير سلام محافظا ً للدقهلية
الذى رأيته يمتدح جمال ويتجول معه
فى المحافظة وكأنه هو حاكم مصر وليس والده
فهذا أيضا ً يدل على أنها لم تكن ثورة
أن يتم ترشيح المنافق مصطفى الفقى
إلى منصب رئيس الجامعة العربية
فهذا يدل على أنها لم تكن ثورة .
أن يُعاد بناء الحزب الوطنى بمسمى
جديد ورئيس جديد كنا نحسبه وطنيا ً بجد
فهذا يدل على أنها لم تكن ثورة .
وهناك الكثير من الدلائل على أنها لم تكن ثورة
بل زوبعة فى فنجان

***************

[جيهان2011]

عندك حق مش انت الوحيد الى مش حاسس ان كان فى ثورة

[عاشقه الجنه 29]

صبرا ياجماعه كل ده عشان البلد تمشى بس لكن بعد انتخابات الرساسه اعتقد كل ده ممكن يتغير اذا جه ريس وطنى ومصرى حقيقى وبيحب تراب البلد دى بس كل الموجودين بيمشوا الحال فنصبر ونشوف والناس عرفت السكه خلاص

[المريسي]

وقولك كمان :::::::::: الواسطة والمحسوبية كما هي بل زادت حتي وصلت الي انبوبة البوتجاز::::::::::الاعلام المضلل كما هو:::::::::النفاق ومسح الجوخ للحكومة والجيش :::::::::::::::::والله العظيم ان حاسس ان العيب فينا مش في الدولة ولا حول ولا قوة الا بالله

[welmagic]

لا يغير الله ما بقوم حتى يغيروا ما بأنفسهم

ما تفسير قول الحق تبارك وتعالى في سورة الرعد: إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ[1]؟

الآية الكريمة آية عظيمة تدل على أن الله تبارك وتعالى بكمال عدله وكمال حكمته لا يُغير ما بقوم من خير إلى شر، ومن شر إلى خير ومن رخاء إلى شدة، ومن شدة إلى رخاء حتى يغيروا ما بأنفسهم، فإذا كانوا في صلاح واستقامة وغيروا غير الله عليهم بالعقوبات والنكبات والشدائد والجدب والقحط، والتفرق وغير هذا من أنواع العقوبات جزاء وفاقا قال سبحانه: وَمَا رَبُّكَ بِظَلامٍ لِلْعَبِيدِ[2]، وقد يمهلهم سبحانه ويملي لهم ويستدرجهم لعلهم يرجعون ثم يؤخذون على غرة كما قال سبحانه: فَلَمَّا نَسُوا مَا ذُكِّرُوا بِهِ فَتَحْنَا عَلَيْهِمْ أَبْوَابَ كُلِّ شَيْءٍ حَتَّى إِذَا فَرِحُوا بِمَا أُوتُوا أَخَذْنَاهُمْ بَغْتَةً فَإِذَا هُمْ مُبْلِسُونَ[3] يعني آيسون من كل خير، نعوذ بالله من عذاب الله ونقمته، وقد يؤجلون إلى يوم القيامة فيكون عذابهم أشد كما قال سبحانه: وَلا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ[4] والمعنى أنهم يؤجلون ويمهلون إلى ما بعد الموت، فيكون ذلك أعظم في العقوبة وأشد نقمة. وقد يكونون في شر وبلاء ومعاصي ثم يتوبون إلى الله ويرجعون إليه ويندمون ويستقيمون على الطاعة فيغير الله ما بهم من بؤس وفرقة، ومن شدة وفقر إلى رخاء ونعمة، واجتماع كلمة وصلاح حال بأسباب أعمالهم الطيبة وتوبتهم إلى الله سبحانه وتعالى، وقد جاء في الآية الأخرى: ذَلِكَ بِأَنَّ اللَّهَ لَمْ يَكُ مُغَيِّرًا نِعْمَةً أَنْعَمَهَا عَلَى قَوْمٍ حَتَّى يُغَيِّرُوا مَا بِأَنْفُسِهِمْ[5] فهذه الآية تبين لنا أنهم إذا كانوا في نعمة ورخاء وخير ثم غيروا بالمعاصي غير عليهم ولا حول ولا قوة إلا بالله، وقد يمهلون كما تقدم والعكس كذلك إذا كانوا في سوء ومعاص، أو كفر وضلال ثم تابوا وندموا واستقاموا على طاعة الله غيَّر الله حالهم من الحالة السيئة إلى الحالة الحسنة، غير تفرقهم إلى اجتماع ووئام، وغير شدتهم إلى نعمة وعافية ورخاء، وغير حالهم من جدب وقحط وقلة مياه ونحو ذلك إلى إنزال الغيث ونبات الأرض وغير ذلك من أنواع الخير.

[mohammed ahmed25]

القضاء على الواسطه يكون عن طريق ادوات الدوله للرقابه والسلبيه هى التى تسمح بها بعد الثوره وليس مجرد المفتش(التموين)
_الدكتور عصام شرف وطنى وامين ومحترم فياريت بلاش نتكلم على الفاضى .كفايه اننا كنا عايشين فى دوله مبارك والاربعين حرامى.مصطفى الفقى فرصته ضعيفه واكثر من نصف الدول العربيه لاتؤيده..ياريت يكون قطرى على الاقل محدش يحمل مصر مسئوليه الفشل فى اى قرار خاص بالجامعه.وازاى زوبعه فى فنجان ! انت عايز كل شئ يتغير فى يوم؟__بالنسبه للمحافظ سمير سلام __اصبح محافظا للمنيا _وطالما فيه متابعه يبقى كله هيعرف اللى له و اللى عليه ومسأله النفاق دى كلنا كنا عايشين فيها و من امن العقوبه اساء الادب_رئيس الدول وابنائه و وزرائه ليسوا فوق القانون ولن يجرؤ اى مسئول على استغلال المنصب

[جارةالوادى]

الثورة مش فوق بس لان مصر اصلا بايظة كمان من تحت يعنى من الشعب كمان وابقى بص على المصالح الحكومية والتعامل فيها وتعطيل المصالح والرخامة عشان تصدق كلامى
غير كدة كل شوية نغمة بقايا النظام والناس اللى تبع النظام اومال هنجيب منين كوادر يعنى نبعت نستورد من حتة تانية بقى لان كل المصالح الكبيرة والمناصب المهمة فى البلد والوجوه المعروفة كانت تتبع الحزب الوطنى حتى اللى بتتنصل دلوقتى منه وبتسلخ فى النظام البائد كانو جزء من المنظومة دى ياريت نصبر شوية ونركز فى اللى جاى لان دى مهما طولت او قصرت مجرد مرحلة انتقالية مش هينفع نأصل فيها لحاجات مصيرية ومستقبلية لانها فعلا قصيرة وكل شوية الناس بتتغير وتحس انها كدة زى معمل تجارب

[كتائب الشهداء]

المشاركة الأصلية كتبت بواسطة thanwya2011

القضاء على الواسطه يكون عن طريق ادوات الدوله للرقابه والسلبيه هى التى تسمح بها بعد الثوره وليس مجرد المفتش(التموين)
_الدكتور عصام شرف وطنى وامين ومحترم فياريت بلاش نتكلم على الفاضى .كفايه اننا كنا عايشين فى دوله مبارك والاربعين حرامى.مصطفى الفقى فرصته ضعيفه واكثر من نصف الدول العربيه لاتؤيده..ياريت يكون قطرى على الاقل محدش يحمل مصر مسئوليه الفشل فى اى قرار خاص بالجامعه.وازاى زوبعه فى فنجان ! انت عايز كل شئ يتغير فى يوم؟__بالنسبه للمحافظ سمير سلام __اصبح محافظا للمنيا _وطالما فيه متابعه يبقى كله هيعرف اللى له و اللى عليه ومسأله النفاق دى كلنا كنا عايشين فيها و من امن العقوبه اساء الادب_رئيس الدول وابنائه و وزرائه ليسوا فوق القانون ولن يجرؤ اى مسئول على استغلال المنصب

قلت اللى نفسى أقوله