مرتب شهر 4 الف الف مبروك على خبيتنا

[هانى شوقى]

وصل شيك المرتب ومرتبنا 366 جنيه (اسيوط) ودا بعد اضافة 15%

ولما سألنا عن الزيادة قالوا فى شهر سبعة يعنى كل سنة وانتم طيبين


احنا نستاهل اكتر من كدة لما بطلنا نتظاهر رجعنا لعصر الذل تانى


هنفضل لغاية امتى حاسين بالذل

ولما قلنا نتظاهر قالو علشان نرجع كرامتنا وحقنا وفلوسنا اللى بتتنهب من بعض حرامية الحكومة نقول حرام البلد مولعة

ولما بنقول طيب نعمل اضراب عام نقول حرام اتقوا ربنا

نقول نولع فى روحنا علشان يرتاحوا نقول يا راجل هتكفر



اللى حيحصل الايام اللى جاية :

هنستنى لغاية شهر سبعة ومش هناخد مرتبات زى الوزارات التانية وهنقول حاضر

مش هناخد الفوارق من شهر 3 لغاية سبعة اللى طبعا احنا عارفين رايحة فين ونقول حاضر

مش هنعترض على المرتب ولا الحد الادنى للمرتبات لان اكيد المعلم هيكون اقل واحد ونقول حاضر


احنا للاسف متعلمناش ان يكون عندنا كرامة ولا بنعرف نجيب كرامتنا يبقى نستاهل اللى يجرالنا

[تامر الفاضل]

يا عم الزيادة من مرتب شهر اربعة وده ساعتك هتقبضه في شهر خمسة ولا انت مش من البلد دى وعندنا في الفيوم بعد الزيادة وصلنا 389 جنيه

[مستر ابو عبد الرحمن]

سبحان الله اسلوب بعض الزملاء في الكلام عن المرتبات يشعرك بالجشع الشديد

[عاشقه الجنه 29]

بجد حررررررررررررررررررررررررررررررررررررررررررام احنا لسه بنقول عيزين مصر جديده

[علاء طلبة]

حضرتك ادارة ايه يا استاذ هاني
انا من ادارة القوصية وقالو مفيش اي زيادة غير في شهر سبعة

[عادل حافظ]

المشاركة الأصلية كتبت بواسطة نصر رجب

سبحان الله اسلوب بعض الزملاء في الكلام عن المرتبات يشعرك بالجشع الشديد

اى جشع حضرتك بتكلم عليه 366 او390 يادوب مصروف أسماء وسلمى
فى رياض الاطفال

[ندى السحاب]

يا جماعة انا سمعت ان المرتب دلوقتى على القديم و بعدين الزياده هتبقى بأثر رجعى

[محبوالاسلام]

المشاركة الأصلية كتبت بواسطة تامر الفاضل

يا عم الزيادة من مرتب شهر اربعة وده ساعتك هتقبضه في شهر خمسة ولا انت مش من البلد دى وعندنا في الفيوم بعد الزيادة وصلنا 389 جنيه

هو الفيوم وصل فيها قرار التعيين ولا ايه انا من الفيوم وما حصلش لسه حاجة هو المرتب ارتفع كده امتى انا اخر شهر كان زي ما هو على القديم
عموما يا رب يسمع منك علشان كان اخر حاجة بيقولوا ان المحافظ لسه ما مضاش على قرار التعيين

[هانى شوقى]

الف مبروك يا عم تامر على 389 وطبعا يا استاذ ناصر مفيش جشع ولا حاجة داحنا من كتر العز اللى فى وزارتنا مش عارفين نودى الفلوس فين ويا استاذ علاء انا من ادارة اسيوط وشفت شيك المرتب بنفسى

بس نفسى تجاوبوا هو 390 دول بتدفعوا منها مصاريف الايجار ابوا 500 ولا نور ومية وغاز حوالى 200 جنيه ولا مدارس وحصص العيال مش اقل من 500 تانى ولا ايه يا ناس عيب عليكوا ممكن تكون ليكم مصادر رزق تانية وغيركم لأ

الفكرة ان يكون فى عدل مش انا باخد 400 وواحد تانى 3000 الاف على الاقل

لو انتم رضيتوا بكدة تبقوا مش من البلد دى

بصوا الدول التانية بتعامل مواطنيها ازاى وانتم تعرفوا الفرق وبلاش والله نغمة خافوا على البلد لانها بقيت بايخة قوى لان الحق ميزعلش ومن العيب قوى نشوف الغلط ونقول بنخاف على بلدنا لو بنخاف عليها نقول لا لاى غلط مش نقول نسكت علشان الامور تعدى محنا سكتنا 30 سنة عيزين تسكوتوا تانى

[Mohammed4Naggar]

المشاركة الأصلية كتبت بواسطة محبوالاسلام

هو الفيوم وصل فيها قرار التعيين ولا ايه انا من الفيوم وما حصلش لسه حاجة هو المرتب ارتفع كده امتى انا اخر شهر كان زي ما هو على القديم
عموما يا رب يسمع منك علشان كان اخر حاجة بيقولوا ان المحافظ لسه ما مضاش على قرار التعيين

ياشباب الفيوم احنا محتاجينكم في وقفة يو م الاربعاء القادم
ياريت محدش يتاخر علشان نتعين زي المحافظات التانية
ماشي ياتامر ويامحبو الاسلام
لازم نكون ايد واحدة
علشان نحصل باقي المحافظات

[Miss Ola]

ياجماعة ازاى بس
فى بنى سويف بيتعمل ورق شهر 4 على الجديد اللى هو متضافله كادر و 15 %
يعنى هيبقى حوالى 472 لغير المتزوج وضيفو عليهم 3 جنيه للمتزوج

[magedmak88888888]

القوصية 366 فقط
انسى يا صاحبى

[الرحمة 1]

انا من الفيوم وفيش اى حاجة حصلت احنا مخدناش مرتب شهر ابريل مش دة حرام

[Mr M.Elwan]

الازهر قبضنا شهر مارس 375 ده من غير ال15% بتاعة شهر اربعة

[soher.t.m]

يا جماعة موظفة فى الحسابات فى القليوبية قالت ان شهر 4 ها يضاف عليه الزيادة ال15% وان زيادة الكادر ها تصرف لوحدها لشهر3و4 مع بعض وبعد كدا ها ينصرف المرتب على بعضه وها يكون حوالى 440 جنيه