اللى عايز يدخل كلية قمة يتفضل الباب من هنا

[star*]

السلام عليكم ور حمة الله
شوفو يا جماعة انا طالبة فى تالته ثنوى ازهر (علمى) السنه دى بدات معايا بدايه مش تمام وقابلتنى عقبات كتير ضيعت كتير من وقتى وعارفه ان فى كتير منكم زيى علشان كده انا بدات الموضوع ده )
وان شاء الله اللى هيستمر معايا ندخل كلية قمة مع بعض
اسفه لو طولت عليكم
دلوقتى باقى شهرين على الامتحان (يبقى لازم كل يوم نستغله لاقصى حد ) هقولكم ازاى
1-نبدا كل يوم لازم نحفظ قران مش مهم الكمية المهم المداومة عليها/

2-كل واحد فينا يدى حد من المساكين (صدقه ) والافضل تكون من مصروفه الخاص

3-ندعى ربنا على اد ما نقدر (ادعونى استجب لكم) ونصلى ركعتين قبل الفجر (خير من الدنيا وما فيها)
4- نحفظ كل يوم مالا يقل عن 20 كلمة فى الانجليزى (تزود ماشى تنقص لألألأ)

5-نبدا كل يوم من النهارده نضغط على نفسنا لازم لازم نخلص كل يوم مادة (محدش يقولى مقدرش ومستحيل والكلام الفاضى ده لأ نقدر ربنا وهبنا قدرات جبارة مستنية تخرج (وان شاء الله هاتخرج)

6-ندخل كل يوم باليل حوالى الساعة عشرة وكل واحد يقول انه خلص النهارده وده طبعا بيديه دفعه كبيرة للامام واللى مالحقش يخلص نشجعه ونخليه يخلص يعنى كل ما تدخل هاتستفيد وربنا يوفقنا السنه دى ونعدى منها على خير وكل واحد يدخل الكلية اللى نفسه فيها :وكمان الفكرة دى بتخليك تلتزم لانك كل يوم لازم تدخل وتقول عملت اي النهارده يلا يا شباب عايزة كل اللى معايا مايخرجش من شهر ابريل الا وهو طاحن المواد كلهاواللى خلص المواد يتابع معانا ويشجع اللى ماخلصش بالتوفيق للجميع

[H_Dody]

كويس التوبيك ده جاااااااااااااامد أخر تلت حاجات
فعلا مكن معضمنا مش هقول كلنا ما ذاكرش المذاكرة اللى هيا
على العموم هكلمل مذاكرة
وهدخل الساعة 10 واهقول أنا ذاكرت أيه

[رقيه.]

كل يوم مادة!!!
طب قولولي الفيزيا تخلص ازاي في يوم، لو قراءة عابرة ومن غير تركيز مش هتخلص في يوم،والله انا مش قصدي احبطك بس خلينا واقعين

[sara shehab]

صح مفيش مادة تخلص فى يوم انا معاكى
بس ممكن تعملى كم كبير
يعنى 20 كلمة انجليزى
وممكن تلات ابواب كيمياء
وتذاكرى شوية عربى
وياسلام بقى لو ختمتى بالحل
انا تاية علمى
وزيك والله وقلقانة اكتر وخوفى عملى اكتئاب لدرجة كل الى زاكرته طول السنة حاسة انه اتمسح وبذاكر من الاول تانى
ربنا يوفقنا
بس سيبك من حكاية الساعة 10 وفى وقت
وكل واحد يقول هيذاكر اية احسن ونشجع بعض

[طارق حسام]

جميل جداً جزاكي الله خير