هتبدا دروس من امتى

[ranmory]

لكل طلاب اولى ثانوى انت هتبدا دروس امتى و ليه - ده مش عشان الحسد يعنى -و هتعمل ايه فى السنتين الجحيم الجايين دول و هتاخد دروس مع مين يعنى لو ناس من اداره واحده يعرفوا المدرس ده و يكلموه زيك لانى خدت نمره مستر الرياضه من واحده ف النت فكده نقدر نفيد بعض و عايزيين نناقش ازاى الواحد يكون من الاوائل ع الثانويه العامه
و انا عرفت ان التقفيل ف المواد مش صعب يعنى فى تانيه و ان الموضوع ده سهل جدا و عايزين نعرف ناوى تختار كتب ايه و نعرف- انا عارفه انى قرفتكوا اوى - الواحد ينام اد ايه فى السنتين الجايين دول
و امنتى معرفه ارائكم

[NeVeR CoMe BacK]

اهئ اهئ اهئ اهئ اهئ اهئ اهئ انا معنديش جواب اهئ اهئ اهئا هئ
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

[ranmory]

ليه فى ايه

[NeVeR CoMe BacK]

بحاول اشرب وانسا قصدى بحاول انسا بس ههههههههههه

[toly1997]

انا كاى طالب فاشل هبدا بعد رمضان و ناوى ما اوجعش دماغى خالص و انام و اعيش حياتى و اخلى الباقى على ربنا اصلى ناوى اخش كليه من كليات الشعب تجاره حقوق .............

[Asa7be Wawa]

انا حجزت دروس و قالولى حنكلمك نقولك حنبدأ امتى !!

اما الكتب بصراحه مش عارف اجيب ايه !!! يا ريت حد بأه من بتوع تانيه اللى يفيدنا

[NeVeR CoMe BacK]

اااااااااااااااااااااااااااااااااااااااااااه بتوع تاينة يا عينى تلاقيم مش علا بعضهم دلوقتى ربنا معاااااااااااااااااااااااااهم فى الفترة ديه ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،،،،،،،،،

[MOSTAFA093]

يا جماعة أنا فى 3 ثانوى وما بدأت دروس إلا فى شهر 8 يعنى إنتوا ما تبدؤا دروس بدرى بدرى لأنك هتزهق من السنة وهتيجى فى شهر 3 ومش هتبقى طايق نفسك خالص زيي دلوقتى كدا ، يعنى من الأخر حاولوا تجتهدوا لكن مترهقوش نفسكم عشان السنين الجاية تعدى على خير ، وياريت متصدقش اللى يقولك ابداأ دروس من شهر 6 ولا 7 عشان تلحق تخلص ، إنت لو بدأت فى 9 هتخلص وتراجع 20 مرة كمان .
وبالتوفيق للجميع

[Ahmed M. Fayez]

أنا بالنسبة لي إن شاء الله محدد هدف , وبإذن الله هوصله.

هدفي إني أحقق الدرجات دي في تانية

اللغة العربية : 29
اللغة الإنجليزية : 24.5
اللغة الفرنسية : 49.5
الكيمياء : 50
الرياضيات : 50

ويارب ربنا يكرمني وأقفل الإنجليزي يبقي كدة 204.

هو بصورة عامة أنا هبدأ الدروس في أول 8 , زي الأغلبية ما بتبدأ.

بس بعد إمتحانات أولي هيبقي فاضلنا شهرين مثلاً علي بدأ دروس تانية.

في الشهرين دول هعمل مراجعة عامة علي الرياضيات كل المناهج اللي فاتت ,

وهراجع علي النحو برضة كله , وجرامر الإنجليزي والفرنساوي.

وربنا يوفقنا جميعاً ونحقق أهدافنا.

[ThèGôldènBôy]

بسم الله الرحمن الرحيم

انا ان شاء الله هبدا دروس في اول شهر 8

ومش عارف الكتب هختار اية لما نشوف بتوع تانية ثانوي
وكنت هعمل زي Ahmed M. Fayez

اني اعمل مراجعات على النحو والجرامر انجليزي والرياضة

وهدفي اني اصبح الاول على الجمهورية

ربنا يوفقنا ان شاء الله

[ranmory]

المشاركة الأصلية كتبت بواسطة مصطفى093

يا جماعة أنا فى 3 ثانوى وما بدأت دروس إلا فى شهر 8 يعنى إنتوا ما تبدؤا دروس بدرى بدرى لأنك هتزهق من السنة وهتيجى فى شهر 3 ومش هتبقى طايق نفسك خالص زيي دلوقتى كدا ، يعنى من الأخر حاولوا تجتهدوا لكن مترهقوش نفسكم عشان السنين الجاية تعدى على خير ، وياريت متصدقش اللى يقولك ابداأ دروس من شهر 6 ولا 7 عشان تلحق تخلص ، إنت لو بدأت فى 9 هتخلص وتراجع 20 مرة كمان .
وبالتوفيق للجميع

شكرا لكم جميعا بس انا نفسى اعرف لو بدانا فى تسعه هنخلص امتى لان مفيش مستر عايز يبدا قبل تمانيه و مستر الانجليزى هيبدا من شهر تسعه فانا خايفه اوى -و بخصوص الكتب كان فى موضوع اسمه عن الكتب الخارجيه لعضو طارق ط هاحطه فى المشاركه الجايه عشان نستفيد بيه

[ranmory]

الرياضيات محتار بين
لامى
والمعاصر
وفى الأنجليش محتار بين senior
وthe best
و surprise
فى العربى
الرسالة
ولا الامتحان
ولاالأضواء
ولا الوسام و
فى الفرنساوى
merci
ولا bravo
دى الكتب اللى بيستخدمها بتوع تانيه ثانوى بس بيستخدموا برضه فى الغربى الرساله و الافضل و الوسام و ده انا نقلته من احد المواضيع و اتمنى افيدكوا

[Haneen_Riri]

الموضوع جااااااامد اوى عشان نستفيد من بعض
المهم انا عن نفسى ان شاء الله عايزه ابدأ من 7 بس معظم المدرسين بيبدأو من 8
وبالنسبه للكتب فى الرياضه لامى
وانجليزى surprise
الفرنساوى مش عارفه انا دلوقتى معايا برافو كويس
والكيميا الامتحان ان شاء الله
العربى برضو مش عارفه
بالتوفيق ياجماعه ويارب كلنا نحقق اللى بنتمناه

[يوسفباشا]

سلام عليكم انا فى تانيه ثانوى واحب انى اتدخا بعد اذنكم

اول حاجه احب اقولها يا جماعه اقسم بالله تانيه زى اى سنه انا اتعمدت انى اقول اكلام ده دلوقتى قبل لما اخلص تانيه علشان متقولوش ان انا علشان خلصت بقول عليها سهله

اهم حاجه يا جماعه والله والله الصله بربنا وللاسف ديه من الحاجات اللى انا ضيعتا السنادى علشان كده انا عاوزكم تتعلموا من اخطائى وصدقونى ده مش كلام على ورق لا والله الصله بربنا هى اللى هتخليك تقدر تستمر فى المذاكره لان من اكبر المشاكل اللى هتقابلكم فى الثانويه مشاكل نفسيه وخنقه مش مشاكل فى المنهج

تانى حاجه متسمعش من حد اوعى تسمع من حد كل واحد هيفضضل يقولك انا استاذى ميه ميه وكتاب مش عار مين ميه ميه
وفى الاخر بيطلعوا كلامنجيه ده شعر ولا ايه

يعنى انا اصحابى فضلوا فى الرياضه يقولوى دا احنا بناخد مسائل صعبه جدا جدا ومش عارف ايه والله خدتها حليتها \\
وكمان فى الانجلش مش باخد درس يفضلوا يقولولى انت هتضيع واللى يقولى ايه اللى انت بتعملوا فى نفسك ده زى ما يكون بشرب سجاير
وفى الاخر والله روحت مراجعه كل لما الاستاذ يقول حاجه احس انى عارف هيقول ايه قبل لما يتكلم
طبعا انا مش بقول متاخدوش درس انجلش لا ابدا ابدا بس اقصد يعنى الماده اللى انت كويس فيها مش لازم تاخد فيها لو حاسس انك هتقدر تذاكرها لواحدك وانك من النوع اللى مش بيحتاج حافز لاو ضغط علشان يذاكر

اما بقى بخصوص بدء الدروس والله برضه على حسب لو هتقدر تفضل تذاكر لاخر السنه ابدا من بدرى براحتك

انا عن نقسى بدات من عشرين تمانيه والله كان لينا جروب على النتدى عسل كده كانوا هما بدايين وانا كل يوم اقولهم انا رايح العب بتك الحظ بس حتى هما مبداوش جد جد الا مع الدراسه
بس فى الاخر زى لما قلت لو هتقدر تكمل مذاكره لاخر السنه ابجا بدرى لو مش هتقدر ابدا مع تمانيه بس مش عشرين تمانيه زيىى علشان ده كان فشل منى

بالنسبه بقى للكتب

العربى انا كنت بادى من الاضواء بس الصراحه بعد كده لاقيت ملزمه استاذ عندنا جميله جدا وباذن الله فى الاجازه هحاول اكتبهالكم
بس المشكله هاتطبعوها ازاى مش عارف ؟

ده بالنسبه للعربى بس الحقيق مش عارف كتاب الاضواء لواحده ينفع ولالا انا مجربتش الباقى اساله طارق هو هيفيدكم فى الموضوع ده اكتر منى وفى واحده اسمها منار برده هتفيدكم فى الموضوع ده وباقى الجروب كله هبقى اخليهم يقولوا

الرياضه الحقييقه انا شايف المعاصر ده راييى الشخصى فيه ناس بتقول لامى بس انا عن نفسى محبتوش لكن لو عندك قدره تحل اكتر من كتاب يبقى لامى والمعاصر ميه فى الميه انا كنت بحل منه بس معجبنيش تماما

الانجلش بقى فيه مشكله قولوا ايه هى؟؟

هاقول انا

ان كتاب سيربرايز انا ماشى منه واختى فى صيدله كانت ماشه منه والحمد لله نقصت نص انجلش

بس الحقيقه ناس كتير قالت انه مختصر وانا شوفت كتاب ذا بيست حلو الحقيقه وبالذات فى الجرامر

بس المشكله بقى فى ايه ؟؟ انى بحس ان كتاب سيربرايز بيجى منه الامتحان مع انه ززى ما قلت بالنسبه للكت التانيه مختصر شويه فا شوفوا رايكم ايه

الكيمياء انا ماشى من الوزاره وملزمه الاستاذ بطله منها شويه حاجات صغننه بس الحل من الامتحان وكتاب الوسام برده جميل جدا
الفرنساوى مش هاقولوكم
مش رخامه لالا ده علشان انا باخد ايطالى

بس ده عن الكتب ول ثقين فى مردسينكم يبقى ملزمه الاستاذ + عربى اضواء انجليزى ممكن سيربرايز او ذا بيست رياضع معاصر وحدوا تريكات لامى يعنى مش لازم تحل التمارين كلها حل الحاجات الصعبه والكيميا وزاره والامتحان

بس وبلاش بقى يا جماعه اول ما تبداو الخوف والحاجات الهبل ديه والله انا بندم على الايام اللى ضيعتها اول السنه بسبب الهبل

ومش عارف ديه مش مذاكره ثانويه وكلام العبيط ده

وربنا معاكم وادعولى ان ربنا ميكسرش خاطرى السنادى ولا انا ولا اى حد من طلاب المسلمين

وقبل ما انسى متنسوش فعلا توزيع كجهودكم على السنه لحسن فعلا الشهور ديه الواحد بدا يتعب

(( تلاقيك فاشل )) سامع حد بيقول كده فة سره اصلى كنت بقول كده لما حد كان بيقولى هتيجى فى تلاته وتتعب لا صدقونى فعلا الموضوع محتاج توزيع مجهود
بس طبعا مش معنى ده انك متذاكرش لا انا الصراحه مش بقتنع باللى يقولك العب ولم المنهج فى الاخر لا طبعا \\
بس اقصد يعنى بلاش المذاكره فى الاول تكون بشد عصبى

ومتنسوش برضه تدعولى بالله عليكم لحسن فعلا والله الواحد تعب السنادى زاكيد مش انا بس ده كل الطلاب بتع الثانويه \

يا رب وفقنا جميعا

سلام

[Haneen_Riri]

ومتنسوش برضه تدعولى بالله عليكم لحسن فعلا والله الواحد تعب السنادى زاكيد مش انا بس ده كل الطلاب بتع الثانويه

ربنا معاكو دانا حاسه انى سنه تانيه دى هتبقى جحيم وتعب اعصاب محصلش