اضراب عام فى جميع مدارس سوهاج

[هانى012]

ندعو الى اضراب عام فى جميع مدارس محافظة سوهاج اول يوم فى الامتحانات والاضراب عن التصحيح لحين تنفيذ القرار رقم75 الخاص بتثبيت من امضى عليهم ثلاث سنوات بالعقد اوالحصة او كلاهما معا بدون تعجيز

[mohammed ahmed25]

لا للإضراب
اتقوا الله

[سيف رسول الله]

لازم نتكلم وناخد حقنا انا معاكم معااااااااااااااكم وربنا معاكم يارب


ياريت كل واحد خد حقه يبطل كلامه الفارغ والمحبط وانت مش اكتر منا في الوطنية وبنحب مصر فبلاش افترى وبعدين لما طلعت الشرطة الي قتلت الثوار انقطعت الالسن ليه طيب البترول والبنوك وغيرهم هما نقصين فلوس وزيادات هو انتم تيجوا لغاية حق المعلم وتتكلموا وتتهمونه بالعماله والخيانة وما بنحبش مصر والله حرام عليكم ولو عندكم الي يكفيكم ابعتلنا بقى مسعادة يا جماعة مطلبنا مش هكلف مصر حاجة خالص التعيين والغاء امتحان الكادر ونبدله بتدريب يستفيد منه المعلم مش الغش ويبقى فرحان اخد الكادر وهو غشاش اما الزيادة والفلوس لما نوقف مصر على رجليهه احنا قلنا مش عيزين اوصياء علينا شوفوا حسني مبارك قال اه اتشطروا عليهم وخلي المدرس ياخد حقه حسبي الله ونعم الوكيل في كل من ظلمنا

[Mr_Peter Elnessr]

مصر فوق الجميع

[abou-yousef]

الوزير بتاعنا مش راجل و لا ليه كلمه

[tsbeeh]

بصراحة تسلم دماغك يا نسر

[وليد سرحان]

بلاش اعتصام حرام عليكوا البلد بتولع

[الاستاذ محمود حميد]

الناس الي بتقول لا للاضرابات ولا للاعتصامات كلهم اتعينوا
وعلشان البشوات اتعينوا خلاص مش عاوزين حد تاني غيرهم يتعين
ويقولوا البلد بتنهار والبلد بتخرب والبلد بتدمر
وسيادتهم عاملين ودن من طين وودن من عجين زي وزير التعليم بالظبط
علشان هما اكيد عارفين ان كل الوزارات ذادت مرتبات العاملين فيها
وزير الصحة رفع مرتبات الاطباء الجدد الي 1500 جنية مرتب الطبيب المتعين جديد
وزارات الكهرباء والاوقاف والموارد المائية والاثار ذادت مرتبات العاملين فيها تقريباً 50 %
ولما موظفين البنوك وموظفين الاعلام وموظفين الصحة عملوا اعتصامات واضرابات وزراءهم رفعوا مرتباتهم
ومحدش اتكلم خالص
ولما المدرسين يطالبوا بتحسين وضعهم المادي وزيادة مرتباتهم
الكل وقتها مفيش علي لسانهم غير ان البلد بتنهار والبلد بتخرب
يعني اما المدرس يرضي بالملاليم دي واما لو اتكلم يطلع هو الي غلطان
حسبنا الله ونعم الوكيل في وزير التعليم وفي الحاشية بتاعتة
وحسبنا الله في كل معلم هنا بيثبط من عزيمة اخوانه
وده علشان البشوات اتعينوا خلاص
علشان كده مش ناقصين صداع من الناس الي زينا

[m_ezoo]

ياريت نخلى الاضراب يوم 17 / 4 مع بقية الاضرابات فى يوم واحد