|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
06-04-2011, 11:13 AM
|
||||
|
||||
(( :: ما تبقـــاش " بـــجـــــح " :: )) .. " البجـــاحة " .... !!!!!!!!!!!!!
السلام عليكم .. يارب تكونوا بخير .. ^^ بأختصـــار , هنتكلم عن " البجـــاحة "  يعنى بجد مش لاقي مفهوم ليها ..:D و يا سلام على بجــاحة الاعــلام و لا الرياضة ولا اللى في الشارع ... الخ .!!  ** يعنى كتيـــــر مننا بنشوف ناس بجحــة بطريقــة فظيعة .. و أكيد كل واحد حصل معاه أكتر من موقــف مع النـــاس دي  ** و كتـــير بنشوف مذيــع أو مذيعــة " بجحـــة " تلاقيهــا بتسأل أسئلة ميصحش أنها تتسأل او هتضايق الضيف اللى معاها .. و بيبقوا فاكرين دي شطارة أعلام ** ولا تلاقي لاعــب كورة يقع فى منطقة الجزاء و محدش جه عنده خالص  و تلاقيــه يقوم يبجح فى الحكــم و بيطالب بضربة جزاء مع ان محدش لمســه :D بنشوفهــا كتير دي صح ؟ ^^ و تلاقي برضه نفس اللاعب تقــريبـــا  ممكن يرجع الكورة للجون بطريقة غلط و لما تدخل الكورة الجونتلاقي أخينــا اللاعب ده بيبجــح فى الحارس اللى واقف .. ** و يا سلااااااام ع البجــاحة اللى شوفناها من النظـــام القديــم الله لا يعيده و ان شاء الله كل اللى عمل حاجة غلط هيتحاكم .. ! شوفناهم فى انتخابات مجلس الشعب .. رغم كل التزوير اللى حصل و الشعب كله عارف انها متزورة من الاول للاخر .. و طلع " عــز " قالك دي حالات نادرة فى بعض اللجان .. و لا اللى كانوا بيساندوا الريس و كانوا بيعيطوا علشانه ايام الثورة .. اول ما أتنحى .. تلاقيهم في نفس الليل قالك " ثورتنـــا " نجحت .. و شبابنا و اوعى و لا و حاسب مع ان في منهم اللى كان بيطالب بأنهم يبيدوا اللى فى التحرير .. ** فى كمــان نوع جديــد من البجــاحة .. بجــاحة " الشحاتين " ..  تلاقيـــه بيتشرط عليك و بيشخــط فيك .. تحس انه بلطجي مش شحات .. يعنى تلاقي اللى يقولك " الجنيــه ده أعمل بيه أيه ؟.. انا عايز 5 جنيه  "بجد و الله حصلت معايا .. كنت ماشي انا و واحد صحبي .. و لقيت راجل بجلابية جاي علينا كده و في ايده " سيجارة " قام جاي نحيتى و قالي " هــات 5 جنيــه " انا لقيت السيجارة فى ايديه .. قولتله ربنا معاك .. و سبته و مشيت ..و بعدين ده بيحدد كمان " 5 جنيــه "  طبعا كلكم هتقولوا ده مش شحات .. ده " بلطجي " بس لقيت صاحبي بيقولي ده بيشحت بالطريقة دي .. علشان يشتري سجاير .. !!معلش حاسس اني طولت عليكم صح بس انا قولت أتناقش معاكم و أشوف معاكم حكاية " البجــاحة " !! *** ** انت أيــه رأيك فى البجاحة اليومين دول ؟ و شايف ان الناس البجحة دي بتزيد و لا بتنقص ولا هيودونا فين ؟؟ ** يا تري أتعرضت لموقف من حد " بجــح " قبل كده ؟؟ .. أشجينا قصدي قولنا عليه ؟؟معلش طولت عليكم كتير .. ^^ يارب الموضوع يعجبكم فى رعاية الله ..
__________________
C L O S E D
آخر تعديل بواسطة Mohamed.Helmy ، 06-04-2011 الساعة 11:53 AM |
|
#2
06-04-2011, 11:57 AM
|
||||
|
||||
بص البجاحة .. سمة اساسية ... فى الشعب الصمرى .. كلما كثر اكله للفول .. زاد حبه للبجاحة ... يعنى مثلاً ... تبقى قاعد مثلاً فى المترو (( او واقف )) و تلاقى حد يقولك قوم ياعم عايز اقعد دانت قاعد من الصبح ! ... يعنى .. و انت فى طالع البيت .. و عايز تركب الاسانسير .. و ساكن فى الدور السادس .. و بعيد عنك الثانوية .. مخليه قلب الواحد فى الضيع مفيش حيل اطلع .. و تقوم جاية البنت اللى ساكنة فى الدور التانى .. و تركب الاسانسير و تطلع .. و تسيب الباب مفتوح
 ...و فى حاللات تانية اسمها رزالة .. سبه البجاحة .. شفت الفول و الطعمية .. اهو ده الرزالة و البجاحة .. الرزالة بقى .. انك تبقى قاعد فى بيتكم و يجيلكوا ضيف .. يقعد معاكم 12 ساعه ... يرغى بس .. و تبلبع انت 6 حبايات كتافلام و سبع كوبايات قهوة .. و بردو مش عايز يمشى ... الرزالة يا حلمى .. انى اكتب رد كبير زى و اطلع عينك عقبال ما تخلصه ^^
__________________
و كفى بالله .. وكيلا ..
حين يجمع أطفال غزة المال لأطفال الصومال..يجب ان يبكي العالم عارا على نفسه !!  |
|
#3
06-04-2011, 12:01 PM
|
||||
|
||||
|
اكيد البجااااحة بتزيد يوم عن التاااانى
ونسبة قليلة جداااا اللى بتخلى عندهاااااا شوية دم واحترررام وذوق البجاااحة ان الواحد يكون عااارف انه غلط ويقعد يتكلم ويدااافع على اساس انه الصح والله انا بكرره النااااس دى  شكرررا على الموضوع يااا محمد
__________________
 |
|
#4
06-04-2011, 12:03 PM
|
||||
|
||||
|
اقتباس:
و الله انا لو أتكلمت على مواقف البجاحة دي مش هنخلص :D و موضوع " الرزالة - الغلاسة - الغتــاتة .. الخ " كل المسميات دي .. :D موضوع تاني .. برضه عايز موضوع لوحده .. فعلا فى حاجات غريبة بتحصل .. شكرا يا أمجــد على المرور الجميل ^^
__________________
C L O S E D
|
|
#5
06-04-2011, 12:13 PM
|
||||
|
||||
|
اقتباس:
تماااااااام يا محمـــــود ... ^^ تلاقي البني آدم من دول مقتنع تمام أنه غلطان و يبجح برضه و يدافع .. متعرفش بيضحك على نفسه ولا بيضك علينا شكرا يا محمــود ع المرور الجميل ^^
__________________
C L O S E D
|
|
#6
06-04-2011, 02:24 PM
|
||||
|
||||
|
فى البجاحة (سورى قصدى فى البداية
) احب اقول ان البجاحة والغلاسة دى من سمات الشعب المصرى بس مش مصرى اوى يعنى قصدى يعنى مش كل المصريين بس فعلا الناس بقت حاجة فظيعة اوى اليومين دول تلاقيهم بياخدو الحاجة غصب واقتدار انا عن نفسى حصلت معايا مواقف بجحة كتيييييييييير ومن ناس مينفعش يكونو كده بس هنقول ايه بجاحة بقا تلاقىهم يقتلو القتيل ويمشو فى جنازته بجد بتقبا حاجة تغيييظ جدااا وتفرقع يعنى انا واحدة من الناس عصبية اوى ومش بقدر استحمل المواقف دى طبعا بيحصلى مشاكل كتير بسبب الموضوع ده لانى مش بسكت ليهم وطبعا العلاقات اللى ما بينا بتتقطع بسبب بجاحتهم بس اهم حاجة انى مش ندمانة عليهم لانهم هما اللى بينرفزوا الواحد ويوصلوه للدرجة دى استغفر الله العظيم يلا معلش طولت عليك ييلا مع البجاحة (سورى قصدى مع السلامة)
__________________
[I][B]
ساعات بشتاق ليوم عشته وانا صغير ،،، لشكلي قبل ماتغير ،،،، لأيام فيها راحة البال عشان كنا ساعتها ~عيال~ ،،، ~~ ما أعظم أن تكون غائبا حاضرا علي أن تكون حاضرا غائب !! ...~~ |
|
#7
06-04-2011, 02:34 PM
|
||||
|
||||
|
اقتباس:
أحم أحم  بجد الواحد بيشوف ناس بجحة بطريقة غريبة و ده اللى خلاني أكتب الموضوع الــ .. ده ميرسي يا جاست على المرور الجميل ^^ بجد نورتيني 
__________________
C L O S E D
|
|
#8
06-04-2011, 03:20 PM
|
||||
|
||||
|
اقتباس:
عادى يعنى زلة لسان مش اكتر من كتر ما الكلمة موجودة فى الموضوع ماليااااه كتير يعنى فتلاقيها بس علقت معايا
__________________
[I][B]
ساعات بشتاق ليوم عشته وانا صغير ،،، لشكلي قبل ماتغير ،،،، لأيام فيها راحة البال عشان كنا ساعتها ~عيال~ ،،، ~~ ما أعظم أن تكون غائبا حاضرا علي أن تكون حاضرا غائب !! ...~~ |
|
#9
06-04-2011, 03:22 PM
|
||||
|
||||
|
موضوع جميل
"البجاحة" مش عارفه ليه مش بحب اسمها بحس انه مش لذيذ هى ملهاش اسم تانى ؟؟يعنى دى بقت حاجة منتشرة جدا بين الناس بشوفها قدامى على طول والبنت ترد عالمس رد مش كويس وصوتها اعلى من المس هى بتهزر!!!!! واحنا فى الدرس وتلاقى البنت والولد قاعدين يتكلموا وضحك ونظرات قدام المس دى بجاحة وقلة حياء وبالنسبة للشحاتين ده دلوقتى العادى انهم بيحددوا المبلغ اللى عايزينه حاجة شلل وحاسه انها زادت بعد الثورة يعنى اى حد يعمل تصرف بجح ولو علقت عليه يقولك احنا بعد الثورة حتى العيال الصغيرة انا حاسه اننا ظلمنا الثورة معانا والله يا محمد هو ده اللى فى بالى دلوقتى اكيد فى حاجات تانية كتير بس الحقيقة انا مش فاكرة غير دول تقبل مرورى
__________________
بوابة الثانوية
يعنى أحلى ذكريات وأحلى أيام وسط احلى واكبر عيلة عرفتها وحشنى المنتدى رغم غيااب تقريبا كل الناس اللى عرفتهم هنا !( |
|
#10
06-04-2011, 04:17 PM
|
||||
|
||||
|
البجاحة تعنى الوقاحة
والبجح فى العامية المصرية هو الإنسان الخالى من الذوق .. والحياء .. الاحترام الإنسان البجح دا تلاقيه معندوش اى كسوف من أى شئ وعلى استعداد لفعل كل ما يحلو له فى الطرقات وفى كل الاماكن العامة دون أدنى مراعاة لشعور الاخرين والبجح دائما ما يتعمد إثارة الناس وإستفزازهم .. ودلوقتى البجاحة بقت على كل شكل وكل لون بجاحة فى قلب الجامعة .. بجاحة فى الحدائق العامة .. فى المترو .. فى الشواع .. على الكورنيش .. فى المواصلات لما شاب يشرب سيجارة فى المدرج .. يبقى بج لما شاب يعاكس بنت فى الجامعة .. يبقى بجح لما واحدة تحب فى واحد فى الجامعة .. تبقى بجحه لما تلاقى واحد بيرمى الزبالة فى الحديقة او فى الشارع .. يبقى بجح لما تلاقى شاب عنده 20 سنة قاعد .. وراجل كبير ومش قادر يقف على حيله .. واقق .. تبقى دى بجاحة لما تيجى تكلم الشاب دا ويقولك وانت مالك ياعم .. تبقى دى بجاحة لما تبقى ماشى فى الشارع وتمر ( أقل حاجة ) 20 شحات .. وكل واحد عايز فلوس .. ولو اديته جنيه ولا نصف .. يبصلك من فوق لا تحت وكأنك عامل عملة .. تبقى دى بجاحة لما تركب مواصلة وتلاقى السواق مشغل اغانى معفنة ومعلى الصوات على الاخر تبقى دى بجاحة ولما تطلب منه وتقوله الصوت شوية لو سمحت .. يقولك اللى مش عاجبه ينزل ... تبقى دى بجاحة لما يركب واحد جنب منك ويشرب سيجارة تخنقك .. تبقى دى بجاحة لما يبقى نصف الجيل شاذ جنسيا ( حقيقة ) تبقى دى بجاحة و60 بجاحة الموضوع حلو جدا يا حلمى ... ولو طولت اكتر من كده .. ههههههههه تبقى دى بجاحة تسلم يا الغالى
__________________
يا رب
|
|
#11
06-04-2011, 04:42 PM
|
||||
|
||||
|
موضوع جميل
انا هقولك موقف و حط نفسك مكاني و شوف هتقول ايه كنت في المترو و تذكرتي بايظة دخلت التذكرة في مكنة التذاكر معدتنيش و كان في واحد معشم نفسه يدخل ورايا الراجل بتاع الامن مسك التذكرة و شافها و قالي عدي من اخر مكنة رحت اعدي لقيت الراجل برضه معدي ورايا و لما عدي ورايا جاي يقولي مينفعش كده يا كابتن تمشي بتذكرة بايظة!!!!!!!!!!!! تخيل ده اعمل معاه ايه؟؟؟ كان هاين عليا اجرجره من هدومة و اوديه للامن او السعه شتيمتين حلوين او امسك في خناقه في المترو ابجح انسان شفته في حياتي لكن مع ذلك حفظت لساني و مشيت بغلي من جوايا لو كنت مكاني هتعمل ايه؟؟ ربنا ما يوعدك بناس من النوع ده ابداً و موقف تاني تخيل لما اروح 7 مرات مدينة نصر يعني سفر من عندنا عشان اعمل استغناء من النادي اللي انا فيه و انقل نادي تاني و ييجي في الاخر يقولي 100 جنيه يا كابتن !!! و انا عارف من رئيس الاتحاد نفسه انها من غير فلوس و اقوله مصر علي موقفه قلتله شكراً و بطلت رياضة خالص هاين عليا اولع فيه و في المبني كله ساعتها لكن هنعمل ايه ربنا يهدي الجميع موضوع جميل تقبل مروري عليه يا حلمي
__________________
[CENTER] رُوِيَ عن معاذ بن جبل رضي الله عنه أنه قال : تعلموا العلم فان تعـلُمه لله خشية ، وطلبه عبادة ، ومُدارسته تسبيح ، والبحث عنه جهاد ، وتعليمه من لا يعلم صدقة وبذله لاهله قُـربى ، وهو الانيس فى الوحدة ، والصاحب فى الخلوة ، والدليل على الدين ، والمُصبر على السراء والضراء ، والوزير عند الاخلاء ، والقريب عند الغرباء ، ومنار سبيل الجنة |
|
#12
06-04-2011, 04:48 PM
|
||||
|
||||
|
اهاا فعلا البجاحه انتشرت جامد..وبقينا في عصر البجاحه
بس اكتر حاجه بقي بتستفزني ..اننا نبقي في رمضان وتلاقي سواق الميكروباص بيشرب سجاير ومشغل قراّن او تلاقي واحد او واحده ومحجبه ومشغلة اغاني او تلاقي حد بيعمل حاجه غلط وتروح نقوله بينك وبينه عيب كده ..يقولك :انت مالك!! او لما ابقي في لجنة امتحان والمراقب ياخد الورقه بتاعت الامتحان..ويقعد يتمشي بيها في اللجنه بيتفرج علي جمالها!!..واما اقوله:ممكن الورقه يا مستر..يقولي :استني شويه!! او لما مستر يطرد طالب عنده في الدرس عشان لابس تيشرت الزمالك وهو اهلاوي..ههههه طبعا مش مصدقين بس هي دي الحقيقه او يقعد يهزر مع البنات هزار سخيييف..قالك بقي مدرس!! كفايه كده عليكواا ..وشكراا ليك علي الموضوع الجميل |
|
#13
06-04-2011, 05:41 PM
|
||||
|
||||
|
اقتباس:
لا طبعا مقدرش ..انا بهزر بس نورتي أكيد
__________________
C L O S E D
|
|
#14
06-04-2011, 05:45 PM
|
||||
|
||||
|
اقتباس:
بصي يا حبيبة هو مش " حاسة " احنا بالفعل ظلمنا الثورة فى حاجات كتير لأسف .. و بالنسبة للموضوع فعلا اللي بيعملوه ده بجاحة و أكتر من بجاحة كمان ... ربنا يستر علينا بجد .. نورتي يا حبيبة طبعا .. ولو أفتكرتي حاجة تاني مفيش مشاكل.. البيت بيتك نورتي ^^
__________________
C L O S E D
|
|
#15
06-04-2011, 05:48 PM
|
||||
|
||||
|
اقتباس:
بجد مفيش رد أرده عليك  قولت كل الكلام .. ربنا ينجينا من البجاحة و الوقاحة ومن الاشكال اللى ذكرتها دي ..  و كما قال رسولنا الكريم عليه افضل الصلاة و السلام " أذا لم تستح فأصنع ما شئت " شكرا يا هاني .. نورت بجد و الله ^^
__________________
C L O S E D
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 12:39 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
