|
منتدى معلمى الأزهر الشريــــــــــــف ملتقى معلمى التعليم الأزهرى |
![]() |
|
أدوات الموضوع | انواع عرض الموضوع |
#1
|
|||
|
|||
![]() السلام عليكم
اخواني المدرسين من عنوان الموضوع وهو الكادر في ناس كتيرة في مصر شايفة ان الكادر ده اهانه للمعلم نشوف بقي الكادر عند الدول التانيه من خلال تجارب ناس عايشة هناك أولا :: الدول الغربية ابن عمي مهاجر لاستراليا من سنة 95 يعني تقريبا 15 سنه اولاده بيدرسوا هناك طبعا وبيتعلموا وعلي فكرة في هناك مدارس باللغة العربية ... مش كتير بس في تقريبا في كل مقاطعة مدرسة او اتنين والمقاطعة - علي حسب وصف ابن عمي - قد حي الهرم وفيصل مع بعض المهم ابن عمي باكلمه علي النت والراجل بيقولي انهم بيعملوا دورات تدريبية للمدرسين كل سنتين في أحدث البرامج والأساليب التربوية - كلا حسب تخصصه - وبعد الدورة امتحان من يجتازه مرتبة بيزيد بنسبة معينة واللي لم يجتاز بيفضل زي ماهو ده كلام الراجل في آخر مرة كلمته علي النت من كام يوم وعلي حسب كلامه برده قاللي ان الكلام ده بيحصل في بريطانيا واليابان وكندا وبعض الدول الأوربية وقالي الكلام ده علي أساس ان استراليا فيها تقريبا اكتر من 40 نوع جنسية مختلفة وهو هناك فاتح مصنع ألبان مع واحد كويتي وشغال عندهم ناس من جنسيات كتيرة ------------- ثانيا :: الدول العربية والكلام ده من احد اصدقائي في دولة عمان قالي بالحرف الواحد (( الناس بتوع عمان عايزين يقلدوا مصر ويعملوا امتحانات تأهليلة للمدرسين والأسخم من كده ان اللي مش هيجتاز هيكنسلوه )) واحد تاني من دولة الأمارات قالي تقريبا نفس الكلام وهي دورات تدريبية سنوية للمدرسين يليها امتحان ------------------ طبعا ياجماعه انا باقول الكلام ده علشان بس نعرف احنا ماشين ازاي وباقوله للعلم مش لحاجة تانية ولو شفنا سفارات الدول العربية لما تعمل اختبارات للعمل الحكومي وطبعا في ناس دخلت الأمتحانات دي وقد ايه هي صعبة ولكن ده نظامهم ولو شفنا اعلانات نفس الدول دي هتلاقيهم بيطلبوا حاجات شبه بعض مثلا لايزيد السن عن 35 سنه ..... يعني هما عايزين الشباب تحديدا يكون مؤهل عالي بتقدير جيد جدا ويفضل الحاصلين علي دراسات عليا أو ماجستير او دكتوراة ..... معني كلامهم انهم عايزين الناس اللي المفروض كان هيبقوا معيدين وطلعوا من اوائل دفعاتهم يعني اكيد مميزين يكون حاصل علي icdl أو تويفل .... يعني عايزين واحد يكون معاه المام بالأنجليزي والكمبيوتر وبعد كل ده يعملك اختبارات تانية في السفارة علشان يتأكد انك عقلية ممتازة غير ده تلاقي هناك المدرس الأول معاه شهادات أعلي ودراسات أكتر وخبرات اكثر من المدرس الجديد وتلاقي الوجه هناك سنه مش بيزيد عن 45 سنه والمدير كذلك وتلاقي مثلا معاه دكتوراه غير الخبرات وممكن تلاقي واحد عنده 28 سنه وتحت ايده ناس عندها 40 سنه يعني في تدرج وظيفي حسب الشهادات الأعلي ثم الدورات الأكثر ثم الخبرات الأكثر بعكس مصر تماما الدول دي كانوا متأخرين عنا كتير جدا واحنا اللي علمنا الناس بتوعهم لكن زي مااحنا شايفين هما شغالين صح واحنا عندنا فكر قديم جدا وهو ان الأقدمية بغض النظر معاه ايه او واخد ايه وممكن تلاقي مدير مدرسة معاه دبلوم زراعه وموجه معاه دبلوم معلمين -------------------------- أخيرا ياجماعه وجهه نظري الشخصية ان الكادر هيخلي المدرس اللي عايز يطور من نفسه ويطلع علي كل ماهو جديد يتميز عن المدرس اللي يادوب خلص كليته ورمي الكتب تحت السرير وخلاص - مع احترامي لهم طبعا - وفي النهاية دي وجهه نظري المتواضعه واللي انا مقتنع بيها تحياتي للجميع |
#2
|
|||
|
|||
![]()
وجهة نظر جديرة بالإحترام
اتفق مع حضرتك فى الهدف لكن أختلف معك فى طريقة الوصول إليه الهدف هو تطوير وتنمية خبرات المدرس وكلنا متفقين عليه نيجى لطريقة تحقيق الهدف ألا وهى امتحانات الكادر طريقة فاشلة وغير مجدية ومهينة فى نفس الوقت للممتحنين فى ألف طريقة لضمان نوعية معلمين جيدة فى المدارس من بينها الكورسات والتدريب والدورات التربوية المتخصصة وغيرها وفى كليات التربية مفهوم يدرس فى شتى الصفوف وهو مفهوم التطوير المهنى المستمر أين هو بالمناسبة ؟ وهل تحقق امتحانات الكادر الهزيلة هذا المفهوم الأساسى والخطير ؟ اعتقد أن الكادر أداة هزيلة وغير موضوعية لقياس مستوى المعلمين فضلاً عن ترقيتهم إلى المستويات الوظيفية الأعلى |
#3
|
|||
|
|||
![]()
استاذى الغالى..دى طبعا وجه نظرك لكن للاسف كلامك متناقض
تقدر تقوللى مرتب اى مدرس من المدرسين فى الدول اللى ذكرتها دى كام ؟؟ المعلم هناك بيتقدر وبياخد المرتب اللى يعيش بيه حياة كريمة ... بعد كده زى ما انت ذكرت دورات تدريبية سنوية للمدرسين يليها امتحان .. وماله مافيش اى مشكلة ياريت يكون النظام كده عندنا .. وبعد كده زى ما حضرتك ذكرت مرتبه بيزيد لو اجتاز الاختبار . لكن عندنا للاسف هما بيكدرونا علشان تزيد مجرد ملاليم على الملاليم اللى اصلا بتاخدها وكأن أصلا مش من حقنا ان ناخد مرتبات ادمية نعيش بيها بكرامة للاسف كلامك زعلنى لأنك فاهم الموضوع غلط |
#4
|
|||
|
|||
![]()
اهلا بك اهي محمد
فعلا التطوير المهني المستمر انا كنت ناسيها فعلا احنا ممكن نطالب باعادة تنظيم الكادر او بمعني ادق انه مثلا يكون كورس بعده امتحان زي الدول الأوربية لكن انا شايف ناس بتقول نلغية خالص انا شايف اننا لو لغناه مش هنتطور أبدا وبعد مثلا 20 سنة هييجي أولادنا يقولوا علينا "" انتوا دقة قديمة وتعليمكم قديم"" ساعتها مش هنعرف نجاريهم لكن اعتقد لو حتي كل 4 سنين عملنا كورس او دورة تدريبية عن أحدث ماتوصل اليه العلم في تخصصنا هنفضل دايما مدرسين لينا احترامنا ومكانتنا في اي وقت وزمان تحياتي لك علي مشاركاتك القيمة |
#5
|
|||
|
|||
![]()
والله ياريت نبقى زى استراليا او اوروباونطور التعليم تطوير حقيقى لان التعليم هو الامان ولان البلاد التى ستتخلف عن الركب سوف تنقرض
ياريت نلتفت لتطوير التعليم |
#6
|
|||
|
|||
![]()
اخي الكريم samfantom
اولا متزعلش مني دي وجهه نظري انا عارف قصدك وكمان انا مش اقصد الموضوع من ناحية الراتب لكن انا قصدي هيبة المعلم انا باتكلم عن مستقبل افضل لينا انا مش عايز ييجي اليوم اللي ابني او بنتي يقولي " انتوا آخر مرة فتحتوا كتاب امتي "" عايز يبقي المعلم قدوة طول عمره وده مش هيحصل الا لما المدرس يتطور علي الأقل زي ماقلت كل 4 سنين ليه منطلبش يبقي كورسات وراها امتحانات ؟؟؟ مش مشكلة الطريقة الأهم نتطور تحاتي لك |
#7
|
|||
|
|||
![]()
ههههه
ــــ الاخ صاحب الموضوع اية علاقة اللي انت بتقولة بالكادر ـــــــ دورة تدريبة وامتحان بعدها اية علاقة الكادر بالكلام دا؟ ــــــــ يا طيب ما هوا اللي كان موجود واللي المدرسين بطالب ان يظل قائما ــــــــــــ تحيااااتي
__________________
H.R
ـــــــــــــــ Those who want tolive, let them fight, and those who do not want to fight in this world ofeternal struggle do not deserve to live. الـــراج ــى |
#8
|
||||
|
||||
![]()
مشكورين لتبادل وجهة النظر فى هذا الموضوع الذى يعتبر موضوع الساعة
__________________
ما تحسَّر أهل الجنة على شيء كما تحسروا على ساعة لم يذكروا فيها اسم الله
http://www.thanwya.com/vb/forumdisplay.php?s=&daysprune=-1&f=995 ارجو الدعاء والمشاركةالفعالة |
#9
|
|||
|
|||
![]()
اخي الراجي رضا الله
اهلا بك انا بس عايز اوضح ان الأمتحانات للمدرسن موجودة في العالم كله ومفيش فيها اي اهانه يعني المدرسين اللي بيرحوا يحضروا حصص - اقصد كورسات تدريبية - وبعدين ياخدوا القلم والأستيكة ويروحوا يمتحنوا في لجنه والواحد فيهم ممكن يبقي عنده 50 سنه بيقولوا عليها اهانة ؟؟؟؟؟؟؟؟؟؟؟ ده مقصدي الأساسي وجايب ليكم أمثلة بس هما هناك بيسموه امتحانات تأهيل للمدرس واحنا مسمينه كادر اختلفت التسمية ولكن الأمتحان واحد تحياتي لك |
#10
|
||||
|
||||
![]()
الامتحان فى مصر لا يمثل اى تطوير او تنمية للمعلم
الامتحان فى مصر بدون اى دورات او تدريب وبالتالى فهو مجرد تقييم وبدون اى تعديل يتم اعادة اختبار المعلم الراسب مرة اخرى امتحان المعلم = امتحان المعلم الاول = امتحان الموجه ؟؟ هل هم فى نفس المستوى ؟ المعلم المساعد (تربية عام ) بيمتحن معلم اعداى ثانوى على الرغم من انه لن يمارس مهمته كمعلم ثانوى قبل سنوات طويلة وكان ينبغى ان يعقد له فى الامتحان الاول معلم اعداى وعند الترقية يمتحن معلم ثانوى نظام التصحيح غير واضح المعالم وقد تتحكم فيه اسباب سياسية مما يدفعنا لرؤية المفاجآت عند ظهور النتيجة فهذا المعلم نجح ويقول انا لم اقرا سؤالا ......... وغيرها اذن فنحن نطمح الى تطوير التعليم والارتقاء بمهارة المعلم وخبرته وكفاءته لكن فى الاطار الصحيح الاطار العملى الذى تلمسه على ارض الواقع وليست ورقة وقلم رصاص يتم بعدها تصنيف المعلمين الى ناجح وراسب !!
__________________
![]() اللهم احفظ مصر من كل سوء
|
#11
|
|||
|
|||
![]()
الاخ وليد النظام اللي بتتكلم فيه دا كويس ياريت يكون عندنا مثله دورات تدريبية وبعد كده امتحان في المادة اللي درستها في الدورة لكن تقدر تقولي حضرتك مدرس خريج كلية اللغة العربية ( اداب ) على سبيل المثال يمتحن في التربوي وهو لم يدرسه ولم يأخذ فيه دورة تدربية وكمان الاسئلة اللي في الامتحان اجابتها كلها صحيحة ؟؟؟؟؟؟؟؟؟؟؟؟ هل هذا نظااام هل هذا معقوووول ؟؟؟؟
لو فعلا كان هناك دورة قبل الامتحان لم يكن هناك مشكة كما تقول حضرتك على لسان قريبك ثانيا ذكرت حضرتك على لسان قريبك مرتب المدرس بيزيد لو نجح في الاختبار وبيحصل على مزايا متجدده لكن تقدر تقولي حضرتك ايه الميزة التي حصلنا عليها من الكادر ؟؟ الدرجات موقوفة !!!!!!!! الترقيات موقوووووفة !!!!!!!!! حتى المسمى الوظيفي بعد النجاح في امتحان الكادر موقوووووووووووووف !!!!!!!!!! بالله عليك هل هذا نظاااااااااام نحن نطالب بعمل دورات تدريبية فعلا تكون مفيدة ( مش اللعب اللي عملينه دا واللخبطة والتخبط وعدم الفهم ) |
#12
|
|||
|
|||
![]()
walleed1982
يا اخي معلش سامحيني هو انا كلامي صعب انا بقول اية وانت بتقول اية ــــــــ طيب شوف عشان جايز يكون كلامي صعب نفس كلام الاح modym2020 ما علينا بكلامي هو دا الي انا قولتلة انسي بقي كلامي خاااالص
__________________
H.R
ـــــــــــــــ Those who want tolive, let them fight, and those who do not want to fight in this world ofeternal struggle do not deserve to live. الـــراج ــى |
#13
|
|||
|
|||
![]()
الأخوة الأساتذة
انا هدفي من الموضوع ده اننا نعرف ان المدرسين بيمتحنوا في كل دول العالم يعني الموضوع ده مش في مصر بس وعلشان احنا في مصر فاحنا بنطبق الكادر غلط وده كان مقصود من النظام الفاسد الذي زال والحمد لله يبقي ايه المطلوب دلوقتي اننا نقول مفيش مشكلة من امتحانات وكل حاجة بس عايزين نطبق ما يحدث في الغرب مفيهاش حاجة اعتقد لو حصل زي مثلا دورة تدريبية وبعدها امتحان ومفيش مشكلة برده لو زي الـ icdl ويبقي الكادر عبارة عن مستويين او ثلاثة ويكون الأمتحان بنفس طريقة امتحانات الـ icdl ده هيبقي افضل بكتير مانلغي الكادر من الأساس .... لأن ده فعلا موجود في دول كتير تانية وان كان التطبيق أفضل من هنا ولكنه موجود ومحدش معترض عليه علي الأقل لو حبينا بعد كده نطالب بحقوق المدرسين او نطلب ترقيات نبقي احنا مدعومين اننا نتطور من أجل تعليم أفضل تحياتي للجميع |
![]() |
العلامات المرجعية |
|
|