كلمة الي المعلمين الجدد .. ادخل وقول اللي في نفسك

[علي عضاضلي]

السلام عليكم..
(قل بفضل الله وبرحمتة فبذلك فليفرحو هو خير مما يجمعون).. الفضل لله وحدة على نعمة التعيين .. فمبروك علينا جميعااااااا.. وعقبال باقى الزملاء بإذن الله ..
وكذلك ميبروك علينا المنتدى الجديد ويارب نظل اسرة واحدة وكما كنا في منتدى المعلم المساعد ..

ولنعاهد الله وانفسنا ان نظل كذلك ويكون بعضنا في خدمة البعض .. والا ننسى زملائنا المعلمين المساعدين ونقدم لهم يد العون لاننا اكثر الناس احساسا بهم ..

والان اترك لحضراتكم المجال ليقول كل منا شعورة واحساسة وما يجب علينا في الفترة القادمة لعلنا نصل لما نسمو اليه

[اييمى]

طبعا انا لسه معلم على ما تفرج

بس شعورى انى فرحانه لانى اخيرا حقى هيرجعلى بس الحاجة الوحيدة الى مزعلانى انى فى ناس كتير مش مبسوطة اننا بنتغير للاحسن لدرجة ان الموجهه بتكلمنى بصورة تهديد انها ممكن لما ورقى يبقى ييجى توجهنى لمدرسة تانية ( عشان انا مش بسكت عن حقى وباخد حقى على طول بس بالادب )

ومش عارفة مين فهمهم غلط اننا هنقبض اكتر منهم ومن دلوقتى بيقولوا هيعملوا مظاهرة لو فى زيادة عنهم

ومع كل ده انا برده فرحانه بجد انى اخيرا مش مكتوبة بالقلم الرصاص ودى الكلمة الى كانت بتخنقنى

مبروك علينا بجد ويا رب نستمر فى المشاركة دائما فى كل الموضوعات

[علي عضاضلي]

ايمي:
اولا ربنا يطمنك ويطمن باقى زمايلنا يااااااارب
ثانيا أحسن حاجة انك بتعرفي تاخدي حقك ..والاحسن انك بتتعاملى بكل ذوق .. وعلى فكرة اللي بيهمل في حقة البعض يظنة ضعيف ودي كارثة .. لذلك المفروض محدش يفرط في حقة قدر المستطاع

[اييمى]

ربنا يطمنا ان شاء الله

انا الحمد لله من اول يوم وانا مش بسيب حقى خالص ولكن بكل ذوق ومع ذلك الناس كلها فى المدرسة بتعزنى جدا وده مش شكر فى نفسى بجد دى الحقيقة

بس المشكلة بتبقى فى العيرة وفى التوجيه الى بيحب الى يقول حاضر ونعم من غير نقاش انما انا لا
والله ساعات بتبقى حاجة مش تخصنى واستفزتنى واتكلم فيها واتناقش واحاول اوصل وجهة نظرى ( رخامة يعنى )

بس طبعا انا مسئولة عن حاجات كتير تخص التوجيه وماسكه شغل كتير مع انى انا الوحيدة الى بالعقد بس الحمد لله نشيطة فى شغلى وبحب اتعلم كل حاجة جديدة واطلع على كل حاجة وبالعكس طبعا الناس التانية نايمين وبيقولوا وايه هيفرق معانا احنا متعينين

بس بجد والله اى حد متعين او مش متعين لازم يحدث نفسه كل فترة ويطلع على كل حاجة جديدة فى مجاله او فى اى مجال تانى ميبقاش واقف مكانه والدنيا كلها بتتحرك

يا ريت كلنا يا جماعة بعد التعيين نثبت اننا احسن من الاول واننا انشط وفى مستوى اعلى

اياكم والكسل اه فرحنا شوية بس المهم نخطط هنعمل ايه الفترة الى جايه عشان نبقى احسن

[علي عضاضلي]

والله كلامك عين العقل وبالفعل كانت من احدى الاهداف لانشاء منتدي جديد لنا ..اننا ننخط لحياتنا مع بعض فمما لاشك فيه تقارب المستوى العمرى والفكري يصب في مصلحتنا جميعااااااا

[yasowm]

اللهم بارك لنا فيما رزقتنا وقنا عذاب النار

[طارق حامد2]

الحمد لله
وعقبال جميع المعلمين المساعدين والحصه
ان شاء الله

[علي عضاضلي]

ان شاء الله

[Mr.Sayed El-Zayyat]

الحمد لله عزوجل

[سمسم طه]

طيب ياجماعة نابقول مبروك للجميع وان شاء الله للامام دائما وبالتوفيق ياااااااااااااارب بس ها اااااااااااااا عايزين اقترحات الشباب المدرسين والمدرسات علشان نثبت للكل انا جديرين بالتثبيت دا ونستحقه عن جدارة هنعمل ايه الخطوة الجاية ؟ وكلنا نتحرك ف اتجاه واحد
ولا ايه رايكو؟؟؟؟؟؟؟؟؟؟

[سعادتي في عبادتي]

أقولهم أنت السابقون و نحن إن شاء الله بكم لاحقون طبعا أكيد بتقولو الملافظ سعد هههههه

[علي عضاضلي]

ههههههههههه

[ابوعمادمصطفى]

المشاركة الأصلية كتبت بواسطة علي عضاضلي

ههههههههههه

حريص كل يوم على قراءة موضوعاتك يا عضاضلى

[تامر محمود مراد]

فرصتكم ايها المعلمون الجدد في هذه اللحظة التاريخية فلقد هرمنا من اجل هذه اللحظة التاريخية وهي التعيين
لقد كانت الصعاب كبيرة والامنيات كثيرة والوعود الزائفة من زيكو الله يخرب بيته مطرح ما هو قاعد كثيرة ولكن الحمد لله حصلنا علي التعيين

[تامر محمود مراد]

تسع سنين مستنين اليوم ده انا بقول فيها والله هرمنا فعلا